default_image

1 year ago

October 26, 2022

रियल म्याड्रिडको सिजनको पहिलो हार

एजेन्सी – स्पेनिस महराथी रियल म्याड्रिडले यस सिजनमा पहिलो हार बेहोरेको छ । च्याम्पियन्स लिगको समूह चरणमा जर्मन क्लब आरवी लाइप्जिगसँग ३–२ ले पराजित भएसँगै रियलले यस सिजनमा पहिलो हार बेहोरेको हो । यस सिजनअघिको मैत्रीपूर्ण खेलमा बार्सिलोनासँग १–० ले पराजित भएयताको सबै खेलमा रियल अपराजित रहेको छ । यस अवधिमा रियलले १७ आधिकारिक खेल […]

138 views

0 Bookmark

एजेन्सी – स्पेनिस महराथी रियल म्याड्रिडले यस सिजनमा पहिलो हार बेहोरेको छ । च्याम्पियन्स लिगको समूह चरणमा जर्मन क्लब आरवी लाइप्जिगसँग ३–२ ले पराजित भएसँगै रियलले यस सिजनमा पहिलो हार बेहोरेको हो ।

यस सिजनअघिको मैत्रीपूर्ण खेलमा बार्सिलोनासँग १–० ले पराजित भएयताको सबै खेलमा रियल अपराजित रहेको छ । यस अवधिमा रियलले १७ आधिकारिक खेल खेल्दा सिजनको पहिलो हार बेहोरेको हो । जसमा १३ जित, २ बराबरी र १ हारको नजिता छ ।

अघिल्लो सिजन च्याम्पियन्स लिग, स्पेनिस ला लिगा र सुपरकोपा जितिसकेको रियलले यस सिजन पनि सोही अनुरुपको प्रदर्शन गरिरहेको रियलको अपराजित यात्रामा पूर्णविराम लागेको छ ।

रियलका लागि कप्तान करिम बेन्जेमा र गोलरक्षक थिवाउट कोर्टुवाले चोटका कारण केही खेल गुमाउँदा टोलीमा ब्राजिली युवा खेलाडीद्धय भिनिसियस जुनियर र रोड्रिगोसँगै फेडे भाल्भेर्डेले उच्च प्रदर्शन गरिरहेका छन् । उनीहरुलाई लुका मोड्रिच, टोनी क्रुस, ओरेलिएन चुआमेनी, इडुआर्डाे कामाभिंगा, एन्टेनियो रुडिगर र डेभिड अलाबाले साथ दिइरहेका छन् ।

मंगलबार राति भएको खेलमा रियललाई सिजनको पहिलो हार चखाउन जोसको भार्दिओल, क्रिस्टोफर एनकुनकु र टिमो वेर्नरले गोल गरे । रियलका भिनिसियस जुनियर र रोड्रिगोले गोल गरेपनि हार टार्न सकेन ।

रेडबुल एरिना लाइप्जिगमा मंगलबार राति भएको खेलको १३औं मिनेटमा जोसको भार्दिओलले गोल गर्दै लाइप्जिगलाई अघि बढाए । १८औं मिनेटमा क्रिस्टोफर एनकुनकुले गोल गर्दै रियललाई स्तब्ध पार्ने संकेत दिएका थिए ।

पहिलो हाफको अन्तिम मिनेटमा भिनिसियस जुनिअरले गोल गरे । उनले मार्को एसेन्सियोको क्रसलाई हेडरमार्फत गोल गरेका थिए । तर ८१औं मिनेटमा टिमो वेर्नरले काउन्टर अट्याकमा गोल गर्दै पुनः घरेलु टोलीलाई दुई गोलले अघि बढाए । रोड्रिगोले इन्ज्युरी समयमा पेनाल्टीमा गोल गरेपनि खेलको नतिजा बदल्न सकेनन् ।

यस नतिजासँगै अंक तालिकामा रियल ५ खेलमा १० अंक जोड्दै शीर्षस्थानमा छ । लाइप्जिगको ५ खेलमा ९ अंक र शाख्तरको ५ खेलमा ६ अंक छ । सेल्टिक २ अंक जोड्दै समूह चरणबाट बाहिरिसकेको छ ।

April 14, 2024

उपाधि आकांक्षी लिभरपुल स्तब्ध

एजेन्सी – प्रशिक्षक योर्गन क्लपको अन्तिम सिजनको सुखद अन्त्य गर्ने आशामा रहेको लिभरपुलको उपाधि आकांक्षामा धक्का लागेको छ । पछिल्लो हप्ता म्यानचेस्टर युनाइटेड विरुद्ध बराबरी खेलेको लिभरपुल आज भने क्रिस्टल प्यालेस विरुद्ध पराजित भएको हो । क्रिस्टल प्यालेसले लिभरपुलकै घरेलु मैदानमा १-० को जित हासिल गरेको हो । प्यालेसको जितमा एबेरिचे एजेले खेलको १४औं मिनेटमा […]

April 14, 2024

मनोहरा र झम्सिखेलको जित

काठमाडौं (हाम्रो खेलकुद) – सहिद स्मारक ‘सि’ डिभिजन लिगमा आईतवार भएका खेलमा मनोहरा युथ क्लब र झम्सिखेल युथ क्लब विजयी भएका छन् । दिनको पहिलो खेलमा मनोहराले स्पोर्ट्स एकेडेमी साँगा माथि ३-२ को जित हासिल गरेको हो । मनोहराको जितमा उत्तम शाही, विशान्त मगर र आविष्कार खड्काले समान १-१ गोल गरे । साँगाका लागि स्यामुएल […]

April 14, 2024

वर्षको पहिलो उपाधिमा मछिन्द्र र पुलिसको नजर

सुनिल गाउँले, सिमरा जगदम्बा स्टिल १४ औं जीतपुरसिमरा गोल्डकप फुटबल प्रतियोगिताको उपाधिका लागि दुई ए डिभिजन टोली मच्छिन्द्र क्लब र नेपाल पुलिस क्लबले एकअर्काको सामना गर्नेछन् । सिमरा रंगशालाको फ्लड लाइटमा सोमबार राति हुने फाइनल जित्दै दुबै टोली उपाधिका साथ नयाँ वर्ष २०८१ को सुखद सुरुवात गर्न चाहन्छन् । पुलिस आठ वर्षपछि दोस्रो पटक जीतपुरसिमरा […]

Success

Thank you for your time.