default_image

2 years ago

November 1, 2022

पोग्वाले विश्वकप गुमाउने

199 views

0 Bookmark

एजेन्सी – फ्रान्सेली मिडफिल्डर पउल पोग्वाले फिफा विश्वकप कतार २०२२ गुमाउने भएका छन् । घुँडाको समस्याका कारण उनले अब तीन सातापछि शुरु हुने विश्वकप गुमाउने भएका हुन् ।

सेप्टेम्बरको सुरुमा दाहिने घुँडाको शल्यक्रियापछि पोग्बा यसै महिना इटालियन क्लब युभेन्टससँगको प्रशिक्षणमा फर्किएका थिए । इंग्लिस क्लब म्यानचेस्टर युनाइटेडबाट युभेन्टस फर्किएपछि उनले खेलेका छैनन् र फेरि घाइते भएका छन् ।

टुरिन र पिट्सवर्गमा भएको परीक्षणले २९ वर्षीय पोग्बा विश्वकपका लागि फिट नहुने पुष्टि गरेको छ । युभेन्टसका प्रवक्ताले सोमबार एसोसिएटेड प्रेसलाई भने, ‘हामीले उनलाई २०२३ सम्म भेट्ने छैनौं र उनको टोलीले पनि उनी विश्वकपबाट बाहिरिने पुष्टि गरेका छन् ।’

उनका एजेन्ट राफेला पिमेन्टाले पनि मेडिकल परिक्षणपछि, पउल पोग्बालाई शल्यक्रिया पछि थप विश्रामको आवश्यकता रहेको बताएका छन् । ‘यो उनको लागि अत्यन्तै पीडादायी समय हो । पउल कतारमा फ्रान्सको टोलीको हिस्सा हुन सक्दैनन् ।

पोग्बाले जुलाईमा युभेन्टसको प्रि सिजन भ्रमणको क्रममा आफ्नो मेनिस्कस च्यातिएपछि शल्यक्रिया गराएका थिए । उनी दुई साताअघि म्यानचेस्टर युनाइटेडबाट इटालियन क्लबमा पुनः सामेल भएका थिए । पोग्बा अन्तिम पटक अप्रिलमा आधिकारिक खेल खेलेका थिए ।

डिफेन्डिङ च्याम्पियन फ्रान्सले नोभेम्बर २२ मा अष्ट्रेलियासँग खेल्दै विश्वकपको सुरुवात गर्नेछ । यो समूह ‘डी’ मा डेनमार्क र ट्युनिसिया पनि छ । फ्रान्सका प्रशिक्षक डिडिएर डेसच्याम्प्सले यसैसातामा आफ्नो टोली घोषणा गर्ने योजना बनाएको छ ।

२०१८ को विश्व विजेता फ्रान्स आफ्नो दुई मिडफिल्डर बिना नै कतारमा हुनेछ । चेल्सीका एन’गोलो कान्टे ह्यामस्ट्रिङ चोटको शल्यक्रियापछि बाहिर छन् ।

February 16, 2025

घाइते आशिषको शल्यक्रिया सम्पन्न

काठमाडौं (हाम्रो खेलकुद) – नेपालको युवा टोलीबाट चीनको युनानविरुद्ध मैत्रीपूर्ण खेल खेल्ने क्रममा चोट बोक्न पुगेका मिडफिल्डर आशिष राईको शल्यक्रिया सम्पन्न भएको छ । दशरथ रंगशालामा सम्पन्न खेलमा विपक्षी खेलाडीको ट्याकलमा आशिषको देब्रे खुट्टा भाँचिएको थियो । गम्भीर प्रकृतिको चोट बोकेका उनको आइतबार नै शल्यक्रिया गरिएको हो । ललितपुरको बि एण्ड बि अस्पतालमा वरिष्ठ अर्थोपेडिक […]

February 16, 2025

आयोजक लखन सेतो फाइनलमा

सुमन अधिकारी, बुटवल आयोजक लखन ब्रदर्श युथ क्लब सेतो बुटवलमा जारी प्रथम लखन कप नकआउट फुटबल प्रतियोगिताको फाइनलमा प्रवेश गरेको छ । बुटवल उपमहानगरपालिकाको संरक्षकत्व जारी प्रतियोगिताको आइतवार पहिलो सेमिफाइनलमा सम्पूर्ण युवा क्लब सुपौलीलाई ४-० ले पराजित गर्दै लखन सेतो फाइनलमा प्रवेश गरेको हो । सिद्धेश्वर खेलमैदानमा भएको खेलको ५५ औं मिनेटमा आयोजक सेतोका कप्तान […]

February 16, 2025

निराजन र सरोज बुटवल लुम्बिनीमा रिटेन

काठमाडौं (हाम्रो खेलकुद)- नेपाल सुपर लिग (एनएसएल) को फ्रेन्चाइज टोली बुटवल लुम्बिनी एफसीले निराजन धामी र सरोज तामाङलाई रिटेन गरेको जनाएको छ। निराजन र सरोज दुवै ‘बी’ क्याटगोरीका खेलाडी हुन्। बुटवल लुम्बिनीले जारी गरेको विज्ञप्तिमा प्रतिभाशाली युवा खेलाडी निराजन गत सिजन टोलीको महत्वपूर्ण सदस्यको रुपमा रहेको कारण उनी बाट तेस्रो सिजनमा थप अपेक्षा सहित रिटेन […]

Success

Thank you for your time.