एजेन्सी – यस सिजनको युइएफए च्याम्पियन्स लिगको नकआउट चरण पुग्ने सबै १६ टोलीको टुंगो लागेको छ । बुधबार राति समूह चरणको खेल सकिएसँगै प्रि–क्वाटरफाइनल समिकरण पूरा भएको हो ।

यसपटक समान चार इंग्लिस र जर्मन क्लब, तीन सिरी ‘ए’ क्लब, दुई पोर्चुगिज क्लब र समान एक स्पेनिस, फ्रेन्च र बेल्जियन क्लबले नकआउट चरणमा स्थान बनाएका छन् ।

स्पेनिस ला लिगाबाट यसपटक साविक विजेता तथा कीर्तिमानी १४ पटकको च्याम्पियन रियल म्याड्रिडले मात्रै नकआउट चरणमा स्थान बनाउँदा बार्सिलोना, एट्लेटिको मड्रिड र सेभियाले समूह चरण पार गर्न सकेनन् । एट्लेटिको मड्रिड आफ्नो समूहमा पुछारमा रहँदै युरोपा लिगमा पनि छनोट हुन सकेन ।

यस्तै यसपटक चार प्रिमियर लिग क्लबले प्रि–क्वाटरफाइनलमा स्थान बनाउँदा लिभरपुलबाहेक टोटेनहम, चेल्सी र म्यानचेस्टर सिटी समूह विजेता बनेर अघि बढे । प्रि–क्वाटरफाइनलमा कुन–कुन टोली पुगे त हेरौं ।

च्याम्पियन्स लिगको नकआउट चरणमा पुग्ने टोली

समूह ‘ए’ – नेपोली (इटाली) र लिभरपुल (इंग्ल्यान्ड)

समूह ‘बी’ – एफसी पोर्टाे (पोर्चुगल) र क्लब ब्रुग (बेल्जियम

समूह ‘सी’ – बायर्न म्युनिख (जर्मनी) र इन्टर मिलान (इटाली)

समूह ‘डी’ – टोटेनहम (इंग्ल्यान्ड) र फ्रान्कफुर्ट (जर्मनी)

समूह ‘ईं’ – चेल्सी (इंग्ल्यान्ड) र एसी मिलान (इटाली)

समूह ‘एफ’ – रियल म्याड्रिड (स्पेन) र आरबी लाइप्जिग (जर्मनी)

समूह ‘जी’ – म्यानचेस्टर सिटी (इंग्ल्यान्ड) र बोरुसिया डर्टमुन्ड (जर्मनी)

समूह ‘एच’ – बेन्फिका (पोर्चुगल) र पिएसजी (फ्रान्स)

युरोपा लिग खेल्ने टोली :

आयाक्स, लेभरकुसन, बार्सिलोना, स्पोर्टिङ लिस्बन, साल्जबर्ग, शाख्तर डोनेस्क, सेभिया, युभेन्टस