default_image

1 year ago

November 3, 2022

आइलिगमा चौथो सिजन खेल्न किरण तयार

एजेन्सी – नेपाली राष्ट्रिय फुटबल टोलीका कप्तान किरण चेम्जोङले अर्को सातादेखि सुरु हुने भारतीय आइ लिगको २०२२-२३ सिजनका लागि आफ्नो टोली राउन्डग्लास पन्जाब फुटबल क्लब तयार रहेको बताएका छन् । नयाँ सिजनका लागि पन्जाबमा अनुबन्धित किरणले विहीबार पत्रकार सम्मेलनमा यसपटक टोलीको तयारी विगतभन्दा बलियो रहेको बताएका हुन् । ‘भारतमा मेरो यो चौथो सिजन हो । […]

166 views

0 Bookmark

एजेन्सी – नेपाली राष्ट्रिय फुटबल टोलीका कप्तान किरण चेम्जोङले अर्को सातादेखि सुरु हुने भारतीय आइ लिगको २०२२-२३ सिजनका लागि आफ्नो टोली राउन्डग्लास पन्जाब फुटबल क्लब तयार रहेको बताएका छन् ।

नयाँ सिजनका लागि पन्जाबमा अनुबन्धित किरणले विहीबार पत्रकार सम्मेलनमा यसपटक टोलीको तयारी विगतभन्दा बलियो रहेको बताएका हुन् । ‘भारतमा मेरो यो चौथो सिजन हो । राउन्डग्लास पन्जाबबाट दोस्रो पटक खेल्दैछु । पछिल्लो सिजन नतिजा राम्रो भएपनि हामीले लिग जित्न सकेका थिएनौं । यसपटक हाम्रो तयारी निकै राम्रो रहेको छ । यसैलाई लिग अवधिभर बढाउन चाहन्छौं,’ उनले भने ।

‘पछिल्लो दुई सिजन कोरोनाका कारण लिग बायो-बबलमा आयोजना भएको थियो । यसपटक होम र अवे पद्दतिमा खेल हुँदैछ । समर्थकको उपस्थितिले हामीलाई थप हौसला मिल्नेछ,’ उनले भने । किरणले आइलिगमा उत्कृष्ट गोलरक्षकको उपाधि समेत हात पारिसकेका छन् । उनले मिनेर्भा पन्जाबबाट सन् २०१७-१८ सिजनमा लिग उपाधि पनि जितेका थिए ।

टोलीका गरिक प्रशिक्षक स्टाइकोस भेर्गेतिसले राम्रो तयारी रहेको बताए । ‘हाम्रो तयारी राम्रो भएको छ । फरक फरक रणनीतिमा तयारी गर्न पाएका छौं । युवा र अनुभवी खेलाडीको सन्तुलनले टोली बलियो बनेको छ,’ उनले भने ।

‘हामी युवा वर्गलाई उत्साह जगाउने फुटबल खेल्न चाहन्छौं । हामी पूरा समय मैदानमा डटेर खेल्नेछौं । समर्थकलाई उपस्थितिको लागि आग्रह गर्न चाहन्छु,’ ग्रिक प्रशिक्षकले थपे ।

क्लबले सम्मेलनमा नयाँ सिजनका लागि जर्सी सार्वजनिक गरेको छ । क्लबले नयाँ सिजनको लागि आफ्नो टोली पनि घोषणा गर्यो । विदेशी खेलाडीमा किरणसँगै सर्बियाका एलेक्जेन्डर इग्नाज्तोभिच, बोस्नियाका अदनान सेसेरोभिच, स्लोभेनियाका लुका माज्सेन र स्पेनका जुआन मेरा रहेका छन् ।

April 18, 2024

पुल्चोक र स्पोर्टस एकेडेमीको जित

काठमाडौं (हाम्रो खेलकुद) – पुल्चोक स्पोर्टस क्लब र स्पोर्टस एकेडेमी साँगाले बिहीबार सहिद स्मारक सी डिभिजन लिगमा जित हासिल गरेको छ । सातदोबाटोस्थित एन्फा कम्प्लेक्सको एस्ट्रोतर्फमा स्पोर्टस एकेडेमीले रानीवन स्पोर्टस क्लबलाई १–० ले हराएको छ । स्पोर्टस एकेडेमी टिकाराज गुरुङले ५६ औं मिनेटमा गरेको गोल खेलको निर्णायक बन्यो । ३ खेलमा दोस्रो जितपछि स्पोर्टस् एकेडेमीको […]

April 18, 2024

एन्फा उपाध्यक्ष लामा छुटे

काठमाडाैं (हाम्रो खेलकुद)- अखिल नेपाल फुटबल संघ (एन्फा) का उपाध्यक्ष दावा लामा छुटेका छन् । उनी बुधबार पक्राउ परेका थिए । काठमाडौं उपत्यका अपराध अनुसन्धान कार्यालयको टोलीले पक्राउ गरेर लामालाई बिहीबार उच्च अदालत पाटनमा पेश गरेको थियो । सो क्रममा लामाले सर्वोच्च अदालतबाट तारेखमा राख्नु भन्ने आदेश लिएको पेश गरेपछि उनी छुटेको अपराध अनुसन्धान कार्यालयले […]

April 18, 2024

सिटीलाई हराउँदै रियल च्याम्पियन्स लिगको सेमिफाइनलमा

एजेन्सी – साविक विजेता म्याचेस्टर सिटीलाई हराउँदै रियल म्याड्रिड च्याम्पियन्स लिगको सेमिफाइनलमा पुगेको छ । सिटीलाई बुधबार पेनाल्टी सुट आउटमा ४–३ ले हराउँदै रियल अन्तिम चारमा पुगेको हो । गोलकिपर लुनिनले दुई पेनाल्टी रोकेपछि १४ पटकको विजेता रियलको सेमिफाइनल यात्रा तय गरेको थियो । त्यसअघि रियल र सिटीबीचको क्वार्टरफाइनलको दोस्रो लेगको निर्धारित र थप सयम […]

Success

Thank you for your time.