2 years ago
November 7, 2022
एजेन्सी – फिफा विश्वकप २०२२ कतार सुरु हुन अब केहि दिन मात्र बाँकी छ । सहभागी टोलीहरु आ-आफ्ना खेलाडी क्लब फुटबलबाट फर्कने प्रतिक्षामा छन् । कतिपय देशले उपलब्ध खेलाडीबाट तयारी सुरु गरिसकेका छन् । यस्तैमा फिफा विश्वकपमा सहभागी हुने रेफ्रीले भने फरक अनुभव बटुलेका छन् ।
अर्जेन्टिनी रेफ्री फाकुन्डो टेलोले अर्जेन्टिनाको च्याम्पियन्स ट्रफीको फाइनलमा १० रेड कार्ड देखाएका छन् । रेसिङ क्लब र बोका जुनिअर्सबीच भएको फाइनल खेलको अन्तिम समयमा दुई टोलीका खेलाडी एक आपसमा जुध्दा रेफ्रीले १० खेलाडीलाई रातो कार्ड देखाए ।
निर्धारित समयको खेल १-१ को बराबरीमा सकिएपछि ३० मिनेटको अतिरिक्त समय थप गरिएको थियो ।अतिरिक्त समयको २ मिनेट बाँकी हुँदा रेसिङका कार्लोस अल्काराजले हेडरमार्फत गोल गर्दै खुसी मनाए । गोलको खुसी मनाउने क्रममा उनले बोकाका समर्थकअघि गएर खुसी मनाएपछि बेन्चमा रहेका बोकाका खेलाडी रुष्ट बनेका थिए ।
रेफ्रीले नियमित ९० मिनेटको इन्ज्युरी समयमा नै बोकाका भिल्ला कानो र रेसिङका जोहान कार्बोनेरोलाई रातो कार्ड देखाएका थिए । त्यसपछि अतिरिक्त समयको पहिलो हाफमा बोकाका एलन भरेला दोहोरो पहेंलो कार्ड पाउँदै बाहिरीए । अल्काराजले गोल गर्दा बोकाका ९ र रेसिङका १० खेलाडी मैदानमा थिए ।
तर गोल गरेपछि खुसियाली मनाउने क्रममा विपक्षी समर्थकसामु पुगेर अवस्था खराब पारेपछि रेफ्रीले अल्काराजलाई रातो कार्ड दिए । त्यसै घटनामा रेफ्रीले बोकाका लुइस अदभिनकुलासँगै बेन्चमा रहेका कार्लोस जाम्बरानो र डिएगो गोन्जालेजलाई पनि रातो कार्ड देखाए ।
रेसिङको बेन्चमा रहेका गाल्भानले पनि रातो कार्ड पाए । खेल सुचारु भएसँगै रेफ्रीले फरक फरक घटनामा फ्रान्क फाब्रा र डारियो बेन्डेटोलाई पनि रातो कार्ड देखाएका थिए । रेफ्रीले बोकाका ७ र रेसिङका ३ खेलाडीलाई रातो कार्ड देखाएका थिए ।
रातो कार्डको भिडियो :
Quiet night for the referee in the Boca Juniors vs Racing game last night.
— Classic Football Shirts (@classicshirts) November 7, 2022
Jus the 10 red cards handed out…pic.twitter.com/x9cLwiyS7O
July 26, 2024
काठमाडौं (हाम्रो खेलकुद) – एएफसी च्यालेन्ज लिग प्लेअफको तयारी गरिरहेको अपि पावर चर्च ब्वाइज युनाइटेडले मैत्रीपूर्ण खेलमा त्रिभुवन आर्मी फुटबल क्लबलाई पराजित गरेको छ । अर्को साताबाट भारतमा सुरु हुने डुरान्ड कपको तयारी गरिरहेको आर्मीको भद्रकाली स्थित मुख्यालयको फुटबल मैदानमा खेलिएको खेलमा पाहुना टोली ३-२ ले विजयी रह्यो । चर्च ब्वाइजका लागि फरवार्ड अन्जनले दुई […]
July 26, 2024
सुशिल पन्त क्षेत्री,चितवन सेन्ट्रल कलेज चितवन जिल्ला ए डिभिजन लिग फुटबलमा शुक्रबार सौराहा युवा समाज र पानस युवा क्लब विजयी भएका छन् । शारदानगरको मैदानमा पहिलो खेलमा सौराहाले गीतानगर ब्वाइजलाई ३-१ ले हरायो । खेलमा सौराहालाई जिताउन सुशील घलानले ३५ औं र ५२ औं मिनेटमा गोल गरे । यस्तै लक्की गायकले २७ औं मिनेटमा गोल […]
July 26, 2024
काठमाडौं (हाम्रो खेलकुद) – ललित स्मृति यु-१८ लिग अन्तर्गत शुक्रवार भएका खेलमा सातदोबाटो युथ क्लब र नेपाल पुलिस क्लब विजयी भएका छन् । एन्फा कम्प्लेक्स सातदोबाटमा भएको दिनको पहिलो खेलमा सातदोबाटोले मनाङ मर्स्याङ्दी क्लब माथि २-० को जित दर्ता गरेको हो । सातदोबाटोका लागि सोनाम छिरिङ गुरुङ र प्रज्वल कार्कीले समान १-१ गोल गरे । […]