काठमाडौं (हाम्रो खेलकुद) – अखिल नेपाल फुटबल संघ (एन्फा) ले यसै साता पाकिस्तानविरुद्ध हुने मैत्रीपूर्ण खेलका लागि अन्तिम टोली घोषणा गरेको छ ।

नेपालले पाकिस्तानसँग कार्तिक ३० गते मंगलबार मैत्रीपूर्ण खेल खेल्दैछ । दशरथ रंगशालामा हुने खेलका लागि प्रवेश कटुवाललाई प्रशिक्षकको जिम्मेवारी दिइएको छ । प्रशिक्षक कटुवालले गत साता ३० सदस्यीय प्रारम्भिक टोली घोषणा गरेका थिए ।

गोलरक्षक किरण चेम्जोङलाई विश्राम दिँदा विशाल श्रेष्ठ, विकेश कुथु र दीप कार्की टोलीमा रहेका छन् । किरण भारतीय लिगमा राउन्डग्लास पन्जाबबाट खेल्दैछन् । डिफेन्डर निशान खड्काले टोलीमा पुनरागमन गर्दा नवयुग श्रेष्ठ र पुजन उपरकोटी पनि टोलीमा फर्केका छन् । पछिल्लो महिना बंगलादेशविरुद्ध भएको खेलमा नवयुग र पुजन टोलीमा थिएनन् । विंगर आयुष घलान पनि टोलीमा फर्केका छन् ।

अन्तिम टोली :

गोलरक्षक : विशाल श्रेष्ठ, विकेश कुथु र दीप कार्की

डिफेन्डर : रोहित चन्द, अनन्त तामाङ, विकास तामाङ, दीनेश राजवंशी, विकास खवास, गौतम श्रेष्ठ, निशान खड्का

मिडफिल्डर : तेज तामाङ, सेसेहाङ आङदेम्बे, सुरज जिउ ठकुरी, पुजन उपरकोटी, एरिक विष्ट, आवास लामिछाने

फरवार्ड : अन्जन विष्ट, विमल घर्तीमगर, नवयुग श्रेष्ठ, आयुष घलान, सुनिल बल, ऋतिक खड्का, सुजल श्रेष्ठ