default_image

1 year ago

November 11, 2022

नेपाल महिला साफ यू १५ च्याम्पियन

काठमाडौं (हाम्रो खेलकुद) – अपराजित रहँदै नेपाली टोलीले महिला साफ यू १५ च्याम्पियनसिपको उपाधि जितेको छ । बंगलादेशमा सम्पन्न च्याम्पियनसिपको अन्तिम दिन घरेलु टोलीसँग १–१ को बराबरीमा रोकिएपनि नेपाल अपराजित रहेर च्याम्पियन बन्न सफल भएको हो । महिला फुटबलमा नेपालको यो पहिलो उपाधि हो । उमेर समूह होस् वा सिनियर साफ च्याम्पियनसिप र दक्षिण एसियाली […]

125 views

0 Bookmark

काठमाडौं (हाम्रो खेलकुद) – अपराजित रहँदै नेपाली टोलीले महिला साफ यू १५ च्याम्पियनसिपको उपाधि जितेको छ । बंगलादेशमा सम्पन्न च्याम्पियनसिपको अन्तिम दिन घरेलु टोलीसँग १–१ को बराबरीमा रोकिएपनि नेपाल अपराजित रहेर च्याम्पियन बन्न सफल भएको हो ।

महिला फुटबलमा नेपालको यो पहिलो उपाधि हो । उमेर समूह होस् वा सिनियर साफ च्याम्पियनसिप र दक्षिण एसियाली खेलकुद (साग) मा नेपाली महिला टोलीले यसअघि उपाधि जित्न सकेको छैन ।

डबल राउन्ड रोविनका आधारमा भएको च्याम्पियनसिपका यसअघिका तीनै खेलमा जित निकालेको हो । सहभागी ३ टोलीमा १० अंकका साथ नेपाल च्याम्पियन बनेको हो । नेपालले भुटानलाई पहिलो खेलमा ७–० र दोस्रो खेलमा बंगलादेशलाई १–० ले हराएको थियो । अर्को खेलमा नेपालले भुटानलाई १–० ले हराएको थियो ।

शुक्रबार रुमा अख्तेरको गोलमा बंगलादेशले खेललाई १–१ को बराबरीमा ल्याएको थियो । उनले ५४ औं मिनेटमा गोल गरेकी थिइन् । ढाकास्थित बीएसएसएसएमके स्टेडियममा त्यसअघि खेलको १४औं मिनेटमा सुशिला केसीले गोल गर्दै नेपाललाई १–० को अग्रता लिएको थियो ।

रानी बहादुर कानोनको कमजोर क्लिरेन्सलाई नियन्त्रणमा लिदै सुशिलाले पेनाल्टी बक्सबाहिरबाट गरेको प्रहारले जाली चुम्दा बंगलादेशकी गोलरक्षक सोंगिता रानी दासले बचाउन सकिनन् । खेलको अन्तिम मिनेट बंगलादेशको पेनाल्टीलाई नेपाली गोलकिपर सुजता तामाङले रोक्दै टोलीको सम्भावित हारलाई टारेकी थिइन् । विपक्षी जोएनब बिबी रिताको पेनाल्टी प्रहारलाई कप्तानको जिम्मेवारी समेत निर्वाह गरेकी सुजताले रोकी थिइन् ।

April 19, 2024

लिभरपुल युरोपा लिगबाट बाहिरियो

एजेन्सी – प्रिमियर लिग क्लब लिभरपुल युरोपा लिगबाट बाहिरिएको छ। इटालियन क्लब एट्लान्टालाई क्वाटरफाइनलको दोस्रो लेगमा बिहीबार १-० ले हराएपनि समग्रमा ३-१ ले पछि रहँदै लिभरपुल युरोपा लिगबाट बाहिरिएको हो। घरेलु मैदान एनफिल्डमा भएको पहिलो लेगमा लिभरपुल ३-० ले पराजित भएको थियो। एट्लान्टा सेमिफाइनलमा पुगेको छ। मोहम्मद सलाहले सातौं मिनेट गरको पेनाल्टी गोलमा लिभरपुल विजयी […]

April 18, 2024

पुल्चोक र स्पोर्टस एकेडेमीको जित

काठमाडौं (हाम्रो खेलकुद) – पुल्चोक स्पोर्टस क्लब र स्पोर्टस एकेडेमी साँगाले बिहीबार सहिद स्मारक सी डिभिजन लिगमा जित हासिल गरेको छ । सातदोबाटोस्थित एन्फा कम्प्लेक्सको एस्ट्रोतर्फमा स्पोर्टस एकेडेमीले रानीवन स्पोर्टस क्लबलाई १–० ले हराएको छ । स्पोर्टस एकेडेमी टिकाराज गुरुङले ५६ औं मिनेटमा गरेको गोल खेलको निर्णायक बन्यो । ३ खेलमा दोस्रो जितपछि स्पोर्टस् एकेडेमीको […]

April 18, 2024

एन्फा उपाध्यक्ष लामा छुटे

काठमाडाैं (हाम्रो खेलकुद)- अखिल नेपाल फुटबल संघ (एन्फा) का उपाध्यक्ष दावा लामा छुटेका छन् । उनी बुधबार पक्राउ परेका थिए । काठमाडौं उपत्यका अपराध अनुसन्धान कार्यालयको टोलीले पक्राउ गरेर लामालाई बिहीबार उच्च अदालत पाटनमा पेश गरेको थियो । सो क्रममा लामाले सर्वोच्च अदालतबाट तारेखमा राख्नु भन्ने आदेश लिएको पेश गरेपछि उनी छुटेको अपराध अनुसन्धान कार्यालयले […]

Success

Thank you for your time.