आत्मघाती गोलमा मिलान विजयी, युभेन्ट्सको पनि जित

एजेन्सी – आत्मघाती गोलको सहायतामा एसी मिलानले इटालियन सिरी ‘ए’ मा संघर्षपूर्ण जित निकाल्दा युभेन्ट्सले सहज जित निकालेको छ ।

मिलानले घरेलु मैदानमा फियोरेन्टिनालाई २–१ ले पराजित गरेको हो । मिलानको जितमा राफायल लियोले गोल गर्दा एक गोल उपहार पाएको थियो । फियोरेन्टिनाका एन्टोनिन बराकले एक गोल फर्काए ।

मिलानोमा आइतबार राति भएको खेलको दोस्रो मिनेटमा राफायल लियोको गोलबाट घरेलु टोलीले सुरुवाती अग्रता लिएको थियो । २८औं मिनेटमा एन्टोनिन बराकले गोल गर्दै खेललाई १–१ गोलको बराबरीमा ल्याए ।

त्यसपछि बराबरीतर्फ धकेलिएको खेलको इन्ज्युरी समयको थप गरिएको पहिलो मिनेटमा निकोला मिलिन्कोभिचले आत्मघाती गोल गरेपछि मिलान २–१ ले विजयी हुन सफल भयो ।

यस जितसँगै मिलान १५ खेलबाट ३३ अंक जोडेर दोस्रो स्थानमा यथावत रहेको छ । मिलान शीर्षस्थानको नेपोलीभन्दा ८ अंकले पछि छ । पराजित फियोरेन्टिना १९ अंक जोडेर १०औं स्थानमा रहेको छ ।

अर्काे खेलमा युभेन्ट्सले लाजियोलाई ३–० ले पराजित गर्दै तेस्रो स्थानमा उक्लन सफल भएको छ । युभेन्ट्सको जितमा मोइस किनले दुई तथा एर्काडिअस्ज मिलिकले एक गोल गरे ।

यस जितसँगै तेस्रो स्थानमा उक्लिएको युभेन्ट्सको १५ खेलबाट ३१ अंक पुगेको छ । पराजित लाजियो ३० अंक जोडेर चौथो स्थानमा झरेको छ ।

आत्मघाती गोलमा मिलान विजयी, युभेन्ट्सको पनि जित

Latest News

Popular News

फुटबल

झापा कपको उद्घाटन खेल-आर्मी र एलएक्स सिटी खेल्ने

एनएसएलको तेस्रो संस्करण चैतमा

फुटबलर अमिशा र गीता नगदसहित सम्मानित

चर्चित खेलहरु:

उपयोगी लिङ्कहरू

सम्पर्क

सामाजिक संजाल