default_image

1 year ago

November 24, 2022

अलमुताइरीको उत्तराधिकारीको खोजी सुरु

काठमाडौं (हाम्रो खेलकुद) – राष्ट्रिय फुटबल टोलीको मुख्य प्रशिक्षक रिक्त रहेको ३ महिनापछि अखिल नेपाल फुटबल संघ (एन्फा) ले मुख्य प्रशिक्षकका लागि दरखास्त आह्वान गरेको छ । एन्फाले बुधबार सुचना जारी गर्दै मुख्य प्रशिक्षकका लागि फिफाको प्रो लाइसेन्स प्राप्त प्रशिक्षकका लागि दरखास्त आह्वान गरेको हो । विवादित तत्कालिन मुख्य प्रशिक्षक अब्दुल्लाह अलमुताइरीले भदौमा राजीनामा दिएपछि […]

78 views

0 Bookmark


काठमाडौं (हाम्रो खेलकुद) – राष्ट्रिय फुटबल टोलीको मुख्य प्रशिक्षक रिक्त रहेको ३ महिनापछि अखिल नेपाल फुटबल संघ (एन्फा) ले मुख्य प्रशिक्षकका लागि दरखास्त आह्वान गरेको छ ।

एन्फाले बुधबार सुचना जारी गर्दै मुख्य प्रशिक्षकका लागि फिफाको प्रो लाइसेन्स प्राप्त प्रशिक्षकका लागि दरखास्त आह्वान गरेको हो । विवादित तत्कालिन मुख्य प्रशिक्षक अब्दुल्लाह अलमुताइरीले भदौमा राजीनामा दिएपछि नेपाली टोली मुख्य प्रशिक्षक विहीन छ ।

मुख्य प्रशिक्षक नियुक्त विनै एन्फाले दुई अन्तर्राष्ट्रिय मैत्रीपूर्ण खेल खेलिसकेको छ । अलग अलग प्रशिक्षक नियुक्त गर्दै एन्फाले २ मैत्रीपूर्ण खेलाएको थियो । दशरथ रंगशालामा गत असोजमा ११ गते भएको मैत्रीपूर्ण खेलमा अमेरिका निवासी प्रदिप हुमागाईंलाई एन्फाले कार्यवहाक मुख्य प्रशिक्षक बनाएको थियो । उक्त खेलमा अन्जन विष्टको ह्याट्रिकमा नेपालले बंगलादेशमाथि ३–१ को जित निकालेको थियो ।
यस्तै गत कात्तिक ३० मा पाकिस्तानसँगको मैत्रीपूर्ण खेलका लागि एन्फाले प्रवेश कटुवाललाई प्रशिक्षकमा नियुक्त गरेको थियो । उक्त खेलमा पनि अन्जनकै गोलमा नेपाल १–० ले विजयी भएको थियो । नेपाली कुनै पनि प्रशिक्षक प्रो लाइसेन्स प्राप्त छैनन्, त्यसअर्थ विदेशी नै नेपाली टोलीको प्रशिक्षक बन्नेछन् ।
अलमुताइरी २०७७ चैतमा नेपालको मुख्य प्रशिक्षक नियुक्त भएका थिए । उनको प्रशिक्षणमा नेपालले १९ खेल खेल्दा ५ जित, २ बराबरी र १२ हारको नतिजा निकालेको छ । यसमा नेपालले १६ गोल गर्दा ४६ गोल बेहोरेको छ ।

नेपालको ५ सय २५ दिन प्रशिक्षक बनेका रहेका अलमुताइरीले आफ्नो कार्यकालमा सबैभन्दा धेरै १६ खेलाडीलाई डेब्यू गराएका थिए । उनको कार्यकालमा डेब्यु पाउनेमा गौतम श्रेष्ठ, मनिष डाँगी, आयुष घलान, सुरज ज्यु ठकुरी, कमल थापा, नितिन थापा, राजन गुरुङ, विशाल श्रेष्ठ, सुदिप गुरुङ, आकाश बुढामगर, नवीन गुरुङ, प्रशान्त अवस्थी, दीप कार्की, विकास तामाङ, शिव गुरुङ र निर कुमार राई हुन् । एन्फा नेतृत्व र राष्ट्रिय टोलीकै खेलाडीसँग विवादमा मुछिएका अलमुताइरीले राजीनामा गरेका थिए ।

यस्तै एन्फाले टेक्निकल डिरेक्टर, फाइनान्स डिरेक्टर, हेड अफ प्रोकुरेमेन्ट, जुनियर एकाउन्टेन्ट र सिभिल इन्जिनियरको लागि पनि दरखास्त आह्वान गरेको छ ।

April 14, 2024

इंग्ल्यान्ड ‘सी’ सँग खेल्ने प्रारम्भिक टोलीमा २८ खेलाडी

काठमाडौ ( हाम्रो खेलकुद)- इंग्ल्यान्ड ‘सी’ विरुद्ध हुने मैत्रीपूर्ण खेलका लागि प्रारम्भिक टोलीको घोषणा भएको‌ छ। नेपाली राष्ट्रिय टोलीका मुख्य प्रशिक्षक भिन्सेन्जो अल्बर्टो एनिसले आइतबार २८ सदस्यीय प्रारम्भिक टोली घोषणा गरेको अखिल नेपाल फुटबल संघ (एन्फा) ले सामाजिक सन्जाल मार्फत जानकारी दिएको छ। अल्डरसट टाउन एफसीको रंगशाला इबिबीमा वैशाख २४ गते बीच मैत्रीपूर्ण फुटबल हुनेछ।  […]

April 14, 2024

क्यासी स्पोर्टसलाई यु १३ फुटबल उपाधि

गोरखा (हाम्रो खेलकुद)- क्यासी स्पोर्टस् एकेडेमी यु-१३ राष्ट्रिय फुटबल प्रतियोगिताको उपाधि जितेको छ । द ओसन क्लबको आयोजनामा गोरखा नगरपालिका–९ स्थित एस्ट्रो टर्फमा शनिबार थ्री स्टार क्लबलाई पेनाल्टी सुट आउटमा ३-२ ले हराउँदै क्यासी च्याम्पियन बनेको हो ।निर्धारित समयमा १–१ को बराबरी भए पछि खेल पेलान्टी सुटआउटमा गएको थियो । क्यासी २० हजार रुपैयाँ, ट्रफी […]

April 14, 2024

ब्रुनोको दुई गोलमा युनाइटेड हारबाट जोगियो

एजेन्सी – कप्तान तथा मिडफिल्डर ब्रुनो फर्नान्डेसले दुई गोल गरेपछि म्यानचेस्टर युनाइटेड इंग्लिस प्रिमियर लिगमा हारबाट जोगिएको छ । खेलमा दुईपटक पछि परेको स्थितिमा ब्रुनोले दुई गोल गरेपछि युनाइटेडले घरेलु टोली बर्नमाउथसँग २–२ गोलको बराबरी खेलेको हो । बर्नमाउथका डोमिनिक सोलांके र जस्टिन क्लुइभर्टले गोल गरेपनि जित निकाल्न सकेन । बर्नमाउथमा शनिबार राति भएको खेलको […]

Success

Thank you for your time.