1 year ago
December 7, 2022
काठमाडौं (हाम्रो खेलकुद)– यो वर्षको सहिद स्मारक ए डिभिजन लिग आयोजनामा अन्योलता यथावत रहँदा अखिल नेपाल फुटबल संघ (एन्फा) ले तीन श्रणीको लिग सञ्चालनका लागि राष्ट्रिय खेलकुद परिषद् (राखेप) सँग ६ करोड रुपैयाँ सहयोगका लागि आग्रह गरेको छ । अध्यक्ष पंकज विक्रम नेम्बाङ, उपाध्यक्ष दावा लामा र महासचिव किरण राईले बुधबार राखेप सदस्य सचिव टंकलाल […]
काठमाडौं (हाम्रो खेलकुद)– यो वर्षको सहिद स्मारक ए डिभिजन लिग आयोजनामा अन्योलता यथावत रहँदा अखिल नेपाल फुटबल संघ (एन्फा) ले तीन श्रणीको लिग सञ्चालनका लागि राष्ट्रिय खेलकुद परिषद् (राखेप) सँग ६ करोड रुपैयाँ सहयोगका लागि आग्रह गरेको छ ।
अध्यक्ष पंकज विक्रम नेम्बाङ, उपाध्यक्ष दावा लामा र महासचिव किरण राईले बुधबार राखेप सदस्य सचिव टंकलाल घिसिङलाई लिगका लागि बजेट व्यवस्था गरिदिन पत्र बुझाएका थिए । ए,बी,सी डिभिजन लिगका लागि १८ करोड रुपैयाँ भन्दा बढी खर्च हुने उल्लेख गर्दै एन्फाले नेपाल सरकार, युवा तथा खेलकुद मन्त्रालय र राखेपमार्फत ६ करोड रुपैयाँ बजेट उपलब्ध गराइदिन अनुरोध गरेको छ ।
ए डिभिजनका लागि ३ करोड, बीका लागि २ र सी डिभिजनका लागि १ करोड रुपैयाँ सहयोगको अपेक्षा एन्फाले राखेको छ । ए डिभिजन सञ्चालनका लागि मात्र १० करोड भन्दा बढी खर्च हुने एन्फाले जनाएको छ । लिगका लागि गत वर्षको तयारीको बाँकी र यो वर्षको ५० प्रतिशत रकम आफ्नै प्रतिबद्धता अनुसार एन्फाले उपलब्ध नगराएपछि पुस २६ गतेबाट सुरु हुने भनिएको ए डिभिजन लिग अन्योलमा परेको छ ।
तीन पटक समय समय सिमा तोकेर पनि एन्फाले तयारी रकम उपलब्ध नगराएको भन्दै १४ मध्ये ९ ए डिभिजन टोलीले संयुक्त रुपमा एन्फालाई पत्र बुझाउँदै तयारी खर्च उपलब्ध गराएको ३ महिना पछि मात्र लिग खेल्न सक्ने जनाएका छन् ।
रंगशाला निशुल्क उपलब्ध गराउन आग्रह
एन्फाले ए डिभिजन लिग र अन्तर्राष्ट्रिय फुटबल आयोजनाका लागि राखेपको मातहतमा रहेको त्रिपुरेश्वरस्थित दशरथ रंगशाला निशुल्क उपलब्ध गराउन आग्रहसहितको अर्को पत्र बुझाएको छ ।
राष्ट्रिय तथा अन्तर्राष्ट्रिय खेलको आयोजनाले फुटबल खेलको व्यावसायिकरणमा मद्दत पुग्नुका साथै नेपालको नाम अन्तर्राष्ट्रिय क्षेत्रमा उजागर हुने, देशको अर्थतन्त्रमा समेत मद्दत पुग्ने भन्दै एन्फाले राखेप सदस्य सचिव घिसिलङलाई पत्र बुझाएको पत्रमा भनिएको छ, ‘यसर्थ, राष्ट्रिय र अर्न्तराष्ट्रिय प्रतियोगिता दशरथ रंगशालामा आयोजना गरे वापत परिषदबाट लिईने शुल्क संघको श्रोत र साधन समेतले तिर्न नसक्ने भएको हुँदा अब आगामी दिनमा निशुल्क दशरथ रंशगाला उपलब्ध गर्ने व्यवस्था मिलाई फुटबल खेलको विकास र विस्तारमा सहयोग गरि दिनु हुन समेत हार्दिक अनुरोध गर्दछौ ।’
च्यासल रंगशाला हस्तान्तरणको माग
एन्फाले प्रशिक्षक प्रशिक्षण, रेफ्री प्रशिक्षण, ग्रासरुट्स कार्यक्रम लगायत भविष्यमा नै ए, बी र सी लिग सन्चालन गर्ने लक्ष्य रहेको भन्दै भोगचलनका लागि राखेपलाई च्यासल रंगशाला हन्तान्तरणका लागि आग्रह गरेको छ ।
‘च्यासल रंगशाला पुर्ननिर्माण को अवस्थामा यथाशीघ्र निर्माण कम्पनीसंग आवश्यक समन्वय गरि एन्फाले भोगचलन गर्ने गरी च्यासल रंगशाला हस्तान्तरण गरि दिनु हुन हार्दिक अनुरोध गर्दछौ,’ एन्फाले बुझाएको अर्को पत्रमा भनिएको छ ।
April 19, 2024
एजेन्सी – विश्व फुटबलमा सर्वाधिक चर्चित र बढी हेरिने इंग्लिस प्रिमियर लिगका टोलीहरु यसपल्ट युरोपेली क्लब फुटबलको सबैभन्दा ठुलो युइएफए च्याम्पियन्स लिग र युरोपा लिगको क्वाटरफाइनलबाटै बाहिरिएका छन् । यससँगै २१औं शताब्दीमा तेस्रोपटक इङ्ल्यान्डका कुनैपनि टोली च्याम्पियन्स लिग र युरोपा लिगको सेमिफाइनलमा पुग्न असफल भएको हो । यसअघि इंंग्लिस टोली सन् २००२–०३ र २०१४–१५ को […]
April 19, 2024
एजेन्सी – प्रिमियर लिग क्लब लिभरपुल युरोपा लिगबाट बाहिरिएको छ। इटालियन क्लब एट्लान्टालाई क्वाटरफाइनलको दोस्रो लेगमा बिहीबार १-० ले हराएपनि समग्रमा ३-१ ले पछि रहँदै लिभरपुल युरोपा लिगबाट बाहिरिएको हो। घरेलु मैदान एनफिल्डमा भएको पहिलो लेगमा लिभरपुल ३-० ले पराजित भएको थियो। एट्लान्टा सेमिफाइनलमा पुगेको छ। मोहम्मद सलाहले सातौं मिनेट गरको पेनाल्टी गोलमा लिभरपुल विजयी […]
April 18, 2024
काठमाडौं (हाम्रो खेलकुद) – पुल्चोक स्पोर्टस क्लब र स्पोर्टस एकेडेमी साँगाले बिहीबार सहिद स्मारक सी डिभिजन लिगमा जित हासिल गरेको छ । सातदोबाटोस्थित एन्फा कम्प्लेक्सको एस्ट्रोतर्फमा स्पोर्टस एकेडेमीले रानीवन स्पोर्टस क्लबलाई १–० ले हराएको छ । स्पोर्टस एकेडेमी टिकाराज गुरुङले ५६ औं मिनेटमा गरेको गोल खेलको निर्णायक बन्यो । ३ खेलमा दोस्रो जितपछि स्पोर्टस् एकेडेमीको […]