3 years ago
December 23, 2022
काठमाडौं (हाम्रो खेलकुद)– राष्ट्रिय फुटबल टोलीका लागि पछिल्ला दुई मैत्रीपूर्ण खेलमा ४ गोल गरेका फरवार्ड अन्जन विष्टले ए डिभिजन लिग हुन नसकेका विषयमा अखिल नेपाल फुटबल संघ (एन्फा) र क्लबहरु दुवै पक्षलाई प्रश्न गरेका छन् ।
उनले अभिभावक संस्था एन्फालाई फुटबल सञ्चालनका लागि किन ढिला सुस्ती गरेको भन्दै प्रश्न गरेका छन्, ‘लिग तपाईहरुले गर्ने हो कि कसले ? पटक पटक लिग सार्दा तपाईहरुलाई खेलाडीहरुको चिन्ता लाग्दैन ? अझै धेरै खेलाडीहरु विदेशिएको देख्न चाहनुहुन्छ ?
त्यो भन्दा बढी उनले क्लबहरुलाई प्रश्न गरेका छन् । उनले सोधेका छन् ,‘ प्रिय ए डिभिजन क्लबहरू तपाईहरू कहिले हुनुहुन्छ तयार ? लिग खेल्न केही क्लब तयार नभएको सुन्छु, आर्थिक भार बढ्छ रे, एन्फाले समयमा नै पैसा उपलब्ध नगराएकोमा । तपाईंहरुको मेहेनत बिना एन्फाको अनुदानमा मात्रै आजसम्म नेपाली फुटबलमा तपाईंहरुले आफ्नो क्लबको ईतिहास राख्नु भएको त पक्कै होइन होला ? हजुरहरुको आवश्यकता र चिन्ता प्रति हाम्रो पनि सम्मान रहेको छ तर हिजो देखि आजसम्मको नेपाली घरेलु फुटबलको इतिहासलाई पनि फर्केर हेर्नुस् त नेपालमा कति पटक लिग रोकियो क्लब र एन्फाको लफडामा ?
उनले खेलाडी पलायनको लेखाजोखा एन्फा र क्लबसँग छ भन्दै अर्को प्रश्न गरेका छन् । ‘खेलाडीको जीवन चाँही जीवन होइन? खेलाडीलाई परेको आर्थिक भार कसले बुझ्ने? उनले अगाडि भनेका छन्,‘ हुन पनि बिचरा हामी खेलाडीले के नै गर्न सक्छौ त्यही आवाज उठाउछन्, त्यो नि कसले पो सुन्छ र ?’
यसरी पनि देशको फुटबलको स्तर बढ्छ र ? एन्फा का पदाधिकारीज्यूहरू, ए डिभिजन क्लबहरु, यसरी हाम्रो देशको फुटबल कहाँ पुग्छ ? नेपाली फुटबल र खेलाडीलाई माया गर्नुस् भन्ने सुझाव दिदै अन्जनले अर्को जिज्ञासा राखेका छन्,
आखिर कहिले सम्म एकले अर्कोलाई दोष लगाउदै लिग लाई पर पर धकाल्नु हुन्छ ? खेलाडिहरुको रगत पसिनामा कहिलेसम्म तपाईंहरु स्वार्थपुर्ति गर्नुहुन्छ ?
सुन्दर देशमा जन्मन पाउनु गर्वको विषय भएको जनाउँदै गत वर्ष मनाङ मर्स्याङ्दी क्लबबाट घरेलु फुटबल खेलेका अन्जनले भनेका छन्,‘ फुटबललाई मनबाट माया गर्ने लाखौं समर्थक भएको देशमा एक फुटबल खेलाडी हुन पाउँदा पनि निकै खुसी लाग्छ ।’ अन्जनले बंगलादेश र पाकिस्तानविरुद्धका दुई मैत्रीपूर्ण खेलमा ४ गोल गरेका थिए ।
दशरथ रंगशालामा बंगलादेशविरुद्ध असोज ११ गते भएको खेलमा ३–१ को जितमा ह्याट्रिक गरेका अन्जनले पाकिस्तानविरुद्धका कात्तिक ३० गते १–० को जितमा पनि गोल गरेका थिए । उनी राष्ट्रिय टोलीबाट सर्वाधिक गोल संख्याको २ गोल टाढा छन् । उनको ११ अन्तर्राष्ट्रिय गोल पुगिसकेको छ । पूर्व फरवार्ड हरि खड्का र निराजन राजमाझीको नाममा समान १३ अन्तर्राष्ट्रिय गोल छ ।
December 19, 2025
काभ्रे (हाम्रो खेलकुद)- आयोजना काभ्रेपलाञ्चोक साँगाको नेपाल पुलिस स्कुलले ३१औं अन्तर माध्यामिक विद्यालय आइजिपी फुटबल प्रतियोगिताको रनिङ ट्रफी जितेको छ । भक्तपुरको सैनिक आवसीय महाविद्यालयलाई १-० ले हराउँदै पुलिस स्कुलले उपाधि जितेको हो। रोनी विक्रम शाहले नवौं मिनेटमा गरेको गोल खेलको निर्णायक बन्यो। रोनी फाइनल अफ दि म्याच घोषित भए। प्रतियोगितामा पिस पोइन्ट बोर्डिङ स्कुल […]
December 19, 2025
एजेन्सी – डेभिड नेरेस र रास्मुस होयलुन्डको गोलमा नापोलीले एसी मिलानलाई २-० ले हराउँदै इटालियन सुपर कपको फाइनल पुगेको छ। नापोलीले खेलको दुवै हाफमा गोल गर्दै जित निकाल्यो। यो जितसँगै नापोलीले अब शुक्रबार हुने अर्को सेमिफाइनल बोलोन्या र इन्टरबीचको खेलको विजेतासँग फाइनल खेल्नेछ। सुपर कपको फाइनल डिसेम्बर २२ मा हुनेछ। खेलको सुरुआतमै नापोलीले अग्रता लिने […]
December 18, 2025
एजेन्सी – पेरिस सेन्ट-जर्मेन (पिएसजी) ले ब्राजिलियन टोली फ्लामेङ्गोलाई पेनाल्टीमा २-१ ले हराउँदै इन्टरकन्टिनेन्टल कप जितेको छ । पिएसजीको वर्षको यो छैटौँ उपाधि हो । पेनाल्टी सुटआउटमा परिवर्तित गोलकिपर मत्वेई सफोनोभ नायक बने । उनले लगातार ४ पेनाल्टी बचाउँदै पिएसजीको जित पक्का गरे। च्याम्पियन्स लिग विजेता पिएसजीले गत वर्ष पहिलो संस्करणको उपाधि जितेको रियल मड्रिडको […]
