1 year ago
December 27, 2022
काठमाडौं (हाम्रो खेलकुद) – राष्ट्रिय फुटबल टोलीका विंगरद्वय आयुष घलान र सुनिल बलसहित ६ खेलाडी संकटा क्लबमा अनुबन्धित भएका छन् । संकटाले आफ्नो सामाजिक संजालमार्फत खेलाडी अनुबन्धन गरेको सार्वजनिक गरेको छ । आयुष र सुनिलसँगै डिफेन्डरद्वय गौतम श्रेष्ठ र निशान खड्का, मिडफिल्ड र सुरज जिउ ठकुरी र गोलरक्षक टिकेन्द्र थापा संकटामा अनुबन्ध भएका हुन् । […]
काठमाडौं (हाम्रो खेलकुद) – राष्ट्रिय फुटबल टोलीका विंगरद्वय आयुष घलान र सुनिल बलसहित ६ खेलाडी संकटा क्लबमा अनुबन्धित भएका छन् ।
संकटाले आफ्नो सामाजिक संजालमार्फत खेलाडी अनुबन्धन गरेको सार्वजनिक गरेको छ । आयुष र सुनिलसँगै डिफेन्डरद्वय गौतम श्रेष्ठ र निशान खड्का, मिडफिल्ड र सुरज जिउ ठकुरी र गोलरक्षक टिकेन्द्र थापा संकटामा अनुबन्ध भएका हुन् । संकटाले यसै साता सुरु हुने आहा! रारा गोल्डकपमा सहभागिता जनाउँदैछ ।
आयुषले यसअघि पनि आहा! रारामा संकटाबाट खेलेका थिए । उनले ए डिभिजन क्लब थ्री स्टार क्लब जानुअघि संकटाबाट मोफसल फुटबल खेलेका थिए । सुनिलले पनि मोफसलमा संकटाको जर्सी लगाइसकेका छन् । सुनिल यसअघि लिग च्याम्पियन मछिन्द्र तथा आयुष थ्री स्टारमा थिए ।
गत सिजन जावलाखेलबाट खेलेका सुरज र टिकेन्द्र पनि संकटा पुगेका छन् । सुरज गत सिजन प्रशिक्षक किशोर केसीको रोजाइमा नियमित पर्न नसक्दा चर्चामा आएका थिए । क्लबमा नियमित नखेलेपनि उनी राष्ट्रिय टोलीमा भने पर्दै आएका छन् । टिकेन्द्र पनि अब्दुल्लाह अलमुताइरी प्रशिक्षक रहँदा वैकल्पिक गोलरक्षक थिए ।
जावालाखेलबाट आर्मी पुगेका गौतमले विभागीय टोलीको बसाइ बिट मार्दै संकटा लागेका छन् । थ्री स्टारका विंगब्याक निशान पनि संकटामा अनुबन्धित भएका छन् । गत वर्ष विष्णु गुरुङको प्रशिक्षणमा राम्रो प्रदर्शन गरेको संकटाले यसपटक प्रशिक्षक पनि परिवर्तन गर्ने बुझिएको छ ।
संकटाले आहा! रारा गोल्डकपमा १८ पौषमा आर्मीको सामना गर्नेछ । क्वाटरफाइनलमा विजयी भए टोलीले एपिएफ, आयोजक सहारा वा धरान एफसीको सामना गर्नेछ ।
ए डिभिजन लिग तय नहुँदा क्लबहरुले खेलाडी अनुबन्धनलाई अघि बढाएका छैनन् । मोफसलका प्रतियोगितामा अस्थायी टोली बनाएर लिगका लागि तयारी गर्ने सोचमा क्लब रहेको बुझिएको छ । झन्डै दुई दर्जन राष्ट्रिय खेलाडी पलायन हुँदा यसपटक लिगको स्तर कस्तो हुने हो भन्ने सर्वत्र चासो छ । तर त्यसअघि क्लब र एन्फाको विवादले लिगको मिति नै तय गर्न नसक्दा खेलाडी असमन्जसमा छन् ।
April 25, 2024
सुर्खेत (हाम्रो खेलकुद) – महिला लिग छनोटमा कर्णाली प्रदेशले बुधबार बागमती प्रदेशलाई ३–२ ले पराजित गरेको छ । छनोटमा घरेलु टोली कर्णालीको तेस्रो खेलमा यो दोस्रो जित हो । बागमतीले भने अंकको खाता खोल्न सकेको छैन । सर्खेतस्थित कर्णाली प्रदेश रंगशालामा भएको खेलको ४१ औं मिनेटमा सुनकला राईले गोल गर्दै कर्णालीलाई अग्रता दिलाइन् । तर […]
April 25, 2024
एजेन्सी – केलियन एमबाप्पेले दुई गोलसँगै एक असिस्ट प्रदान गरेपछि पेरिस सेन्ट जर्मेन (पिएसजी) ले फ्रेन्च लिग वानमा सानदार जित दर्ता गर्दै उपाधि यात्रालाई थप मजबुत बनाएको छ । पिएसजीले रेलिगेसन क्षेत्रमा संघर्ष गरिरहेको घरेलु टोली लोरिएन्टमाथि ४–१ को सानदार जित दर्ता गर्दै लिग वानको उपाधि नजिक पुगेको हो । पिएसजीका लागि थप दुई गोल […]
April 25, 2024
एजेन्सी – इंग्लिस प्रिमियर लिगको उपाधि दौडमा रहेको लिभरपुल बुधबारको खेलमा स्तब्ध भएको छ।एभर्टनले लिभरपुललाई २- ० ले हराएको छ । जितपछि एभर्टनको रेलिगेसनबाट जोगिने सम्भावना बलियो भएको छ । टोली ३३ अंकसहित १६औं स्थानमा छ। लिग जित्ने लिभरपुलको सम्भावना कमजोर बनेको छ । एभर्टनले आफ्नो घरेलु मैदानमा लिभरपुललाई सन् २०१० को अक्टोबरपछि पहिलो पटक […]