3 years ago
January 2, 2023
काठमाडौं (हाम्रो खेलकुद)– सहिद स्मारक ए डिभिजन लिगको खेल तालिका अर्को महिनाको पहिलो सातामै सार्वजनिक हुने भएको छ । अखिल नेपाल फुटबल संघ (एन्फा) ले क्लबहरुको सहमतिमा फागुन १९ गतेबाट ए डिभिजन लिग गर्ने निर्णय गरेको यसअघि नै सार्वनिक गरिसकेको छ ।
सोही लिगका लागि माघ २ गते खेल तालिका सार्वजनिक गर्ने एन्फाले जनाएको छ । एन्फा पदाधिकारी र ए डिभिजन लिग क्लबका प्रतिनिधिहरुबीच सोमबार सातदोबाटोस्थित एन्फा कम्प्लेक्समा भएको छलफलमा क्लब दर्ता, खेलाडी दर्तालगायतका विषयमा पनि समय तोक्ने निर्णय भएको छ ।
जसअनुसार लिग खेल्नका लागि १४ ए डिभिजन क्लबले शुक्रबार (पुस २२) गते भित्रमा दर्ता गरिसक्नु पर्नेछ । त्यस्तै माघ १५ गते भित्र क्लब लाइसिनिङका लागि क्लबहरुले मापदण्ड पूरा गरिसक्नु पर्नेछ । लिगका लागि क्लबहरुले आइतबार (पुस २४ गते) बाट खेलाडी दर्ता गर्न सक्ने बताइएको छ ।
लिगका लागि माघको २९ गते सम्म कम्तीमा २० खेलाडी दर्ता गरिसक्नुपर्ने एन्फाले जनाएको छ । छलफलमा एन्फा अध्यक्ष पंकजविक्रम नेम्बाङ, महासचिव किरण राई, कोषाध्यक्ष रविन्द्र जोशी, प्रवक्ता सुरेश शाह तथा १४ क्लबबाट प्रतिनिधिहरुको सहभागिता थियो ।
जसमा हिमालयन शेर्पाका क्लबका अध्यक्ष समेत रहेका एन्फाका पूर्व अध्यक्ष कर्मा छिरिङ शेर्पा, संकटाका अध्यक्ष समेत रहेको एन्फाका पूर्व महासचिव इन्द्रमान तुलाधर, थ्री स्टार क्लबका अध्यक्ष अरुणमान जोशी, फ्रेन्ड्स क्लबका अध्यक्ष दीपक थापा, न्यू रोड टिम एनआरटीका महासचिव नरेन्द्रमान श्रेष्ठलगायतको सहभागिता थियो । यसपटकको लिग डबल राउन्ड रोविन लिगका आधारमा हुने बताएको छ ।
यसैबीच, एन्फा अध्यक्ष नेम्बाङले एन्फाका तर्फबाट नर्वनिर्वाचित संकटाका अध्यक्ष तुलाधरलाई बधाई दिएका थिए । तुलाधर केहि दिन अघि भएको निर्वाचनमा पुनः अध्यक्ष निर्वाचित भएका थिए ।
December 19, 2025
काभ्रे (हाम्रो खेलकुद)- आयोजना काभ्रेपलाञ्चोक साँगाको नेपाल पुलिस स्कुलले ३१औं अन्तर माध्यामिक विद्यालय आइजिपी फुटबल प्रतियोगिताको रनिङ ट्रफी जितेको छ । भक्तपुरको सैनिक आवसीय महाविद्यालयलाई १-० ले हराउँदै पुलिस स्कुलले उपाधि जितेको हो। रोनी विक्रम शाहले नवौं मिनेटमा गरेको गोल खेलको निर्णायक बन्यो। रोनी फाइनल अफ दि म्याच घोषित भए। प्रतियोगितामा पिस पोइन्ट बोर्डिङ स्कुल […]
December 19, 2025
एजेन्सी – डेभिड नेरेस र रास्मुस होयलुन्डको गोलमा नापोलीले एसी मिलानलाई २-० ले हराउँदै इटालियन सुपर कपको फाइनल पुगेको छ। नापोलीले खेलको दुवै हाफमा गोल गर्दै जित निकाल्यो। यो जितसँगै नापोलीले अब शुक्रबार हुने अर्को सेमिफाइनल बोलोन्या र इन्टरबीचको खेलको विजेतासँग फाइनल खेल्नेछ। सुपर कपको फाइनल डिसेम्बर २२ मा हुनेछ। खेलको सुरुआतमै नापोलीले अग्रता लिने […]
December 18, 2025
एजेन्सी – पेरिस सेन्ट-जर्मेन (पिएसजी) ले ब्राजिलियन टोली फ्लामेङ्गोलाई पेनाल्टीमा २-१ ले हराउँदै इन्टरकन्टिनेन्टल कप जितेको छ । पिएसजीको वर्षको यो छैटौँ उपाधि हो । पेनाल्टी सुटआउटमा परिवर्तित गोलकिपर मत्वेई सफोनोभ नायक बने । उनले लगातार ४ पेनाल्टी बचाउँदै पिएसजीको जित पक्का गरे। च्याम्पियन्स लिग विजेता पिएसजीले गत वर्ष पहिलो संस्करणको उपाधि जितेको रियल मड्रिडको […]
