3 years ago
January 24, 2023
काठमाडौं (हाम्रो खेलकुद)– फुटबल प्रशिक्षक मेघराज केसी पुनः थ्री स्टार क्लबमा फर्केका छन् । एक सिजन सातदोबाटो युवा क्लबमा बिताएका केसी सहिद स्मारक ए डिभिजन लिग सुरु हुन एक महिना भन्दा बढी समय रहँदा फेरि थ्री स्टारमा आबद्ध भएका हुन् ।
क्लबका अध्यक्ष अरुणमान जोशीसहित पदाधिकारीले मंगलबार केसीलाई क्लबमा स्वागत गरेका थिए । ४९ वर्षे केसी तेस्रो पटक थ्री स्टारको प्रशिक्षक नियुक्त भएका हुन् । पछिल्लो पटक चार वर्ष प्रशिक्षण सम्हालेपछि उनले २०७७ वैशाख १ गते थ्री स्टार छाडेका थिए । अघिल्लो सिजन उनको प्रशिक्षणमा तत्कालिन नवप्रवेशी टोली सातदोबाटोले सनसनीपूर्ण प्रदर्शन गर्दै अंक तालिकाको चौथो स्थानमा लिगको अन्त्य गरेको थियो । थ्री स्टार लिगमा तेस्रो भएको थियो ।
२०५५ सालमा एन्फा एकेडेमीमा प्रशिक्षकका रुपमा प्रशिक्षण सुरु गरेका केसीले राष्ट्रिय फुटबल टोलीमा ग्राहम रोबर्ट्स प्रशिक्षक छँदा सहायक प्रशिक्षक रहेर अनुभव बटुले । यू १४ र पछिल्लो पटक गतवर्ष उनले यू १९ टोलीको प्रशिक्षकको भूमिका पनि सम्हाले । एन्फामा रहँदा उनले तत्कालिन कोरियाल प्रशिक्षक योकी होङका लागि दोभाषेका रुपमा काम गरेका थिए ।
यसअघि उनले थ्री स्टार, सातदोबाटो बाहेकर जावलाखेल क्लब, फ्रेन्ड्स , मछिन्द्र, क्लब, हिमालयन शेर्पा र आर्मीलाई प्रशिक्षण दिएका । थ्री स्टार र आर्मीमा उनले नकआउट फुटबलका अधिकांश प्रतियोगिता जिते । ए डिभिजन सम्हाल्नुअघि उनले तत्कालिन नेकपा माओवादीको पिएलए टोलीलाई २ वर्ष प्रशिक्षण दिए । २०६५ मा पाँचौ राष्ट्रिय खेलकुदमा पिएलएले उनकै प्रशिक्षणमा खेलेको थियो ।
केसीसँग गोलकिपर प्रशिक्षक उज्ज्वल मानन्धर पनि थ्री स्टार फर्केका छन् । उनी केसीसँगै सातदोबाटो गएका थिए । नकआउटमा सफल केसीले अहिले सम्म लिग उपाधि भने जित्न सकेका छैनन् । यसपटकको लिग फागुन १९ गते सुरु हुँदैछ ।
December 19, 2025
काभ्रे (हाम्रो खेलकुद)- आयोजना काभ्रेपलाञ्चोक साँगाको नेपाल पुलिस स्कुलले ३१औं अन्तर माध्यामिक विद्यालय आइजिपी फुटबल प्रतियोगिताको रनिङ ट्रफी जितेको छ । भक्तपुरको सैनिक आवसीय महाविद्यालयलाई १-० ले हराउँदै पुलिस स्कुलले उपाधि जितेको हो। रोनी विक्रम शाहले नवौं मिनेटमा गरेको गोल खेलको निर्णायक बन्यो। रोनी फाइनल अफ दि म्याच घोषित भए। प्रतियोगितामा पिस पोइन्ट बोर्डिङ स्कुल […]
December 19, 2025
एजेन्सी – डेभिड नेरेस र रास्मुस होयलुन्डको गोलमा नापोलीले एसी मिलानलाई २-० ले हराउँदै इटालियन सुपर कपको फाइनल पुगेको छ। नापोलीले खेलको दुवै हाफमा गोल गर्दै जित निकाल्यो। यो जितसँगै नापोलीले अब शुक्रबार हुने अर्को सेमिफाइनल बोलोन्या र इन्टरबीचको खेलको विजेतासँग फाइनल खेल्नेछ। सुपर कपको फाइनल डिसेम्बर २२ मा हुनेछ। खेलको सुरुआतमै नापोलीले अग्रता लिने […]
December 18, 2025
एजेन्सी – पेरिस सेन्ट-जर्मेन (पिएसजी) ले ब्राजिलियन टोली फ्लामेङ्गोलाई पेनाल्टीमा २-१ ले हराउँदै इन्टरकन्टिनेन्टल कप जितेको छ । पिएसजीको वर्षको यो छैटौँ उपाधि हो । पेनाल्टी सुटआउटमा परिवर्तित गोलकिपर मत्वेई सफोनोभ नायक बने । उनले लगातार ४ पेनाल्टी बचाउँदै पिएसजीको जित पक्का गरे। च्याम्पियन्स लिग विजेता पिएसजीले गत वर्ष पहिलो संस्करणको उपाधि जितेको रियल मड्रिडको […]
