2 years ago
January 30, 2023
काठमाडौं (हाम्रो खेलकुद) – नेपाली महिला राष्ट्रिय फुटबल टोलीका प्रशिक्षक अनन्तराज थापाले सिनियर टोलीको जिम्मेवारी पाउनु अवसरसँगै चुनौती रहेको बताएका छन् ।
पहिलो पटक सिनियर टोलीको जिम्मेवारी पाएका थापाले महिला टोलीमा निकै सम्भावना रहेको बताए । ‘महिला फुटबल पछिल्लो समय उदाउँदो छ । नेपालले पनि धेरै प्रगति गरेको छ । यो अवसरमा मैले सक्दो प्रयास गर्नेछु । चुनौती पनि उत्तिकै छ,’ थापाले भने ।
थापा भदौमा नेपालमा सम्पन्न महिला साफ च्याम्पियनसिपको प्राविधिक अध्ययन समितिमा पनि थिए । त्यसबेला दक्षिण एसियाको फुटबललाई थप नजिकबाट नियाल्ने अवसर पाएको थापाले बताए । ‘म साफको दौरान प्राविधिक अध्ययन समितिमा थिएँ । त्यो बेलामा थप नजिकबाट बुझ्ने मौका पाएँ । नेपाली टोलीजस्तै दक्षिण एसियामा अन्य टोली पनि राम्रो छन्,’ उनले भने ।
थापाले टोली निर्माण गर्न छोटो समय रहेकाले ४३ सदस्यीय टोलीबाट चाडै अन्तिम टोली घोषणा गर्ने बताए । ‘हामीसँग धेरै समय छैन । त्यसैले पहिलो चरणको छनोट यसै साता सम्पन्न हुनेछ । अधिकांश खेलाडी विभागीय टोलीमा रहेकाले पनि फिटनेसमा खासै समस्या हुन्छ जस्तो लाग्दैन,’ उनले भने ।
थापाले मैत्रीपूर्ण खेलका लागि ४३ सदस्यीय प्रारम्भिक टोली घोषणा गरेका छन् ।
October 5, 2024
काठमाडौं (हाम्रो खेलकुद) – समाज कल्याण खेलकुद केन्द्रको आयोजनामा हुँदै आएको सुजन स्मृति ६-ए साइड फुटबल प्रतियोगिता को १५औं संस्करण कार्तिक पहिलो साता हुने भएको छ । क्लबका पुराना खेलाडी सुजन गिरीको स्मृतिमा प्रतियोगिता आयोजना हुँदै आएको छ । यस वर्ष ३२ देखि ४० टोलीको सहभागिता रहने अपेक्षा क्लबले राखेको छ । नकआउट पद्दतिमा हुने […]
October 4, 2024
काठमाडौं(हाम्रो खेलकुद) – विभागीय टोली नेपाल पुलिस क्लबले एन्फा महिला लिगको पहिलो चरणको अन्तिम खेलमा जित निकालेको छ । तेस्रो स्थानमा रहँदै सुपर लिगका लागि छनोट भएको पुलिसले संकटा क्लबमाथि २-१ को जित निकाल्यो । एन्फा कम्प्लेक्स सातदोबाटोमा शुक्रवार भएको खेलमा पुलिसको जितमा अनुष्का शेर्पा र समिक्षा घिमीरेले समान १ गोल गरे । संकटाका लागि […]
October 4, 2024
काठमाडौं (हाम्रो खेलकुद) – एन्फा महिला लिगको पहिलो चरणको अन्तिम खेल आज हुँदैछ । गत साताको वर्षा र त्यसका कारण पहिरोमा परि एन्फा एकेडेमी सिस्नेरीका ६ युवाको मृत्यु भएपछि लिग स्थगित गरिएको थियो। पूर्व निर्धारित तालिका अनुसार असोज १२ गते लिगको पहिलो चरणको अन्तिम हुने थियो। पहिलो चरणको अन्तिम खेलमा दोस्रो चरणमा प्रवेश गरिसकेको विभागीय […]
