खेलकुदमा फिजियोथेरापिस्टको ठूलो भूमिका हुन्छ । खेलाडीलाई चोटपटक लागेपछि पुनर्स्थापना मात्र होइन, चोट लाग्न नदिन पनि फिजियोले रोकथामका लागि विभिन्न कदम चालिरहेका हुन्छन् ।
नेपाली खेलकुदमा फिजियोको उपस्थिति पछिल्लो समय बढ्दो छ । तर महिला फिजियो भने निकै कम छन् । संयोगवश ए डिभिजन लिग अन्तर्गत शुक्रबार मनाङ मर्स्याङ्दी र फ्रेन्ड्स क्लब खेल्दा दुवै टोलीको फिजियोमा महिला थिए । फ्रेन्ड्समा राष्ट्रिय टोली समेत हेरिसकेकी नविना श्रेष्ठ वैद्य थिइन् भने मनाङमा उमेर समूहको टोली हेरिसकेकी कर्मा गुरुङ । दुवैले यिनै क्लबमार्फत फुटबलमा प्रवेश गरेका थिए ।
पाँच वर्षअघि फ्रेन्ड्सले नविनालाई टोलीम आबद्ध गर्दा अन्य कतिपय ए डिभिजन क्लबले फिजियो समावेश गरेका थिएनन् । तर एएफसी क्लब लाइसेन्स र एन्फाले पनि लिग खेल्ने क्लबलाई फिजियो अनिवार्य गरेपछि सबै क्लबले टोलीमा फिजियो राख्दै आएका छन् । यस सुचिमा मनाङले पनि महिला फिजियोको रुपमा दुई वर्षअघि कर्मा गुरुङलाई भित्र्यायो ।
नविनाले फ्रेन्ड्स हुँदै उमेर समूहको राष्ट्रिय टोली र महिला राष्ट्रिय टोलीमा फिजियोको जिम्मेवारी निर्वाह गरिसकेकी छिन् । कर्माले पनि यसै वर्ष उमेर समूहको टोलीमा अवसर पाइन् । दुवैले यस क्षेत्रमा आ-आफ्नो अनुभव र भविष्यबारे यसरी चर्चा गरे :
