1 year ago
April 15, 2023
काठमाडौं (हाम्रो खेलकुद) – सहिद स्मारक ए डिभिजन लिग २०७९ अन्तर्गत आठौं चरणको खेलमा मच्छिन्द्र फुटबल क्लब र न्यु रोड टिम (एनआरटी) ले अंक बाँडेका छन् । दशरथ रंगशालामा एनआरटीले दोस्रो हाफमा गोल गरेसँगै १-१ को बराबरीमा खेल सम्पन्न भएको हो । पहिलो हाफमा ओमोलाजा करीमको दर्शनीय गोलमा मच्छिन्द्रले अग्रता लिएपनि स्टेफान जुनियरले दोस्रो हाफमा […]
काठमाडौं (हाम्रो खेलकुद) – सहिद स्मारक ए डिभिजन लिग २०७९ अन्तर्गत आठौं चरणको खेलमा मच्छिन्द्र फुटबल क्लब र न्यु रोड टिम (एनआरटी) ले अंक बाँडेका छन् ।
दशरथ रंगशालामा एनआरटीले दोस्रो हाफमा गोल गरेसँगै १-१ को बराबरीमा खेल सम्पन्न भएको हो । पहिलो हाफमा ओमोलाजा करीमको दर्शनीय गोलमा मच्छिन्द्रले अग्रता लिएपनि स्टेफान जुनियरले दोस्रो हाफमा उत्तिकै राम्रो गोल फर्काए ।
सातौं मिनेटमा मच्छिन्द्रका कप्तान विशाल श्रेष्ठले लगातार दुई बचाउ गर्दा एनआरटी अग्रता लिनबाट बन्चित भयो । जन्मेजय धामीको क्रसमा सुशन श्रेष्ठको ६ यार्ड बक्स भित्रको हेडर गोलरक्षक विशालले फर्काए । लगत्तै उक्त रिबाउन्डमा रोहन खड्गीले ६ यार्ड बक्स भित्रबाट नै प्रहार गरेको रिबाउन्डमा विशाल बाधक बने ।
आठौं मिनेटमा एनआरटीका लाल्नुन्जामाले अग्रता दिलाउने सुवर्ण अवसर खेर फाले । रोहनले मिडफिल्डबाट द्रुत पास खेल्दै अफसाइड ट्रयाप बिट गरेपनि भारतीय फरवार्डले गोलरक्षक विशालविरुद्ध वन भर्सेस वनको स्थितिमा बललाई पोस्टको दिशा दिन सकेनन् ।
१६ औं मिनेटमा मच्छिन्द्रका पुजन उपरकोटीको फ्रिकिकमा एनआरटीका कप्तान विक्रम धिमालको फ्लिक गोलरक्षक पुजन होनाले मुस्किलले विफल पारे । २० औं मिनेटमा विमल घर्ती मगरको फ्रिकिक पोस्टभन्दा थोरै परबाट बाहिरियो ।
२८ औं मिनेटमा ओलावाले आफिजको प्रहार बाहिरिंदा मछिन्द्र अघि बढ्न सकेन । ३८ औं मिनेटमा विमल घर्ती मगरले पेनाल्टी क्षेत्रभित्र गोलरक्षकलाई बिट गरेपछि अन्तिम प्रहार गर्न खोज्दा गौरव श्रेष्ठले उत्कृष्ट ट्याकल गरे । उक्त ट्याकलले निम्त्याएको कर्नरमा भने मच्छिन्द्रले अग्रता लियो ।
३९ औं मिनेटमा करीमले दर्शनीय गोल गर्दै मच्छिन्द्रलाई अग्रता दिलाए । प्रशान्त अवस्थीको कर्नरमा देवन्द्र तामाङको हेडर एनआरटीका जन्मेजयले क्लियर गरे । पेनाल्टी क्षेत्र बाहिर रहेका करीमले उक्त रिबाउन्डलाई पहिलो टचमै शक्तिशाली भलीमार्फत गोल गरे ।
६७ औं मिनेटमा स्टेफान जुनियरले २५ यार्ड टाढाबाट गोल गर्दै एनआरटीलाई बराबरीमा ल्याए । कर्नरमा क्लियर भएको बललाई निकोलस सर्ज संगले पास दिएपछि जुनियरले गरेको शक्तिशाली प्रहार गोल भएको थियो ।
७९ औं मिनेटमा सौरभ सुब्बाले मच्छिन्द्रलाई अघि बढाउने अवसर सदुपयोग गर्न सकेनन् । डिफेन्डर गौरव श्रेष्ठ चिप्लिएपछि सौरभले बल पेनाल्टी क्षेत्र भित्र लगेपनि डिफेन्डर विक्रम धिमाल र गोलरक्षक पुजनले आक्रमणको खतरा टारे ।
April 29, 2024
काठमाडौं (हाम्रो खेलकुद) – सहिद स्मारक सि डिभिजन लिगमा सोमबार सम्पन्न खेलमा मनोहरा युनाइटेड युथ क्लब खालीबारी युथ क्लब विजयी भएका छन् । एन्फा कम्प्लेक्स सातदोबाटोमा भएको दिनको पहिलो खेलमा मनोहराले सानेपा क्लब माथि २-१ को जित निकाल्यो । मनोहराका लागि विवस मगर र लिला बहादुर थापा मगरले एक-एक गोल गरे । यस्तै निराजन जंग […]
April 29, 2024
हिमाल खरेल, बिर्तामोडधरान एफसीमाथि सहज जित निकाल्दै पाहुना टोली भारतको मानेभन्ज्याङ एफसी झापाको बुधबारेमा जारी तेस्रो आदर्श च्यालेन्ज कपको सेमिफाइनलमा प्रवेश गरेको छ । मानेभन्ज्याङले धरान एफसीमाथि सोमबार ५–१ गोलको नतिजामा जित हात पारेको हो । खेल सुरु भएको ५ मिनेटमै मानेभन्ज्याङले गोल गर्दै अग्रता लिएको थियो । मानेभन्ज्याङका करण राईले १८ यार्डको दूरीबाट प्रहार […]
April 29, 2024
ललितपुर (हाम्रो खेलकुद )- मध्यपुर थिमि नगरपालिका गोदावरीमा जारी प्रथम उपत्यकाव्यापी अन्तर पालिका खुल्ला मेयर कप फुटबल प्रतियोगिताको क्बार्टरफाइनलमा प्रवेश गरेको छ । गोदावरी १० टाहाखेल–झ्यालुन्टारस्थित प्रस्तावित गोदावरी बहुउद्देश्यीय रंगशाला सोमबार भएको एक मात्र खेलमा टोखा नगरपालिकालाई ४–० ले हराउँदै मध्यपुर थिमिले अन्तिम आठमा पुगेको हो । मध्यपुरको जितमा रोहन खड्गीले ह्याट्रिक पूरा गरे भने […]