एजेन्सी – पोर्चुगिज विंगर फरवार्ड डिएगो जोटा र मोहम्मद सलाहको गोलमा लिभरपुलले इंग्लिस प्रिमियर लिगमा रोमाञ्चक जित निकालेको छ ।

लिभरपुलले घरेलु मैदानमा नटिङहम फरेस्टमाथि ३–२ को रोमाञ्चक जित निकालेको हो । लिभरपुलको जितमा जोटाले दुई तथा मोहम्मद सलाहले एक गोल गरे ।

नटिङहमका निको विलियम्स र मोर्गान गिब्स ह्वाइटले गोल गरे । एनफिल्डमा शनिबार राति भएको खेलमा सबै पाँच गोल दोस्रो हाफमा भएको थियो ।

४७औं मिनेटमा जोटाले गोल गर्दै लिभरपुललाई १–० को अग्रता दिलाए । उनले फाविन्होको पासमा हेडरमार्फत गोल गर्न सफल भए । ५१औं मिनेटमा निको विलियम्सले गोल गर्दै खेललाई १–१ गोलको बराबरीमा ल्याए ।

५५औं मिनेटमा जोटाले व्यक्तिगत र टोलीका लागि दोस्रो गोल गर्दै लिभरपुललाई पुनः खेलमा २–१ को अग्रता दिलाए । जोटाले यसपटक एन्ड्रिउ रोबर्टसनको पासमा गोल गर्न सफल भएका थिए ।

६७औं मिनेटमा मोर्गान गिब्सले गोल गर्दै खेललाई २–२ गोलको बराबरीमा ल्याए । ७०औं मिनेटमा सलाहले ट्रेन्ट एलेक्सान्डर आर्नाेल्डको पासमा गोल गर्दै लिभरपुललाई रोमाञ्चक जित दिलाए ।

यस जितसँगै लिभरपुल ३१ खेलबाट ५० अंक जोडेर सातौं स्थानमा उक्लिएको छ । पराजित नटिङहम ३२ खेलबाट २७ अंक जोडेर १९औं स्थानमा छ ।

अन्य नतिजा
फुलहमविरुद्ध लिड्स (२–१)
ब्रेन्टफर्डविरुद्ध एस्टन भिल्ला (१–१)
क्रिस्टल प्यालेसविरुद्ध एभर्टन (०–०)
लेस्टरविरुद्ध वल्भ्स (२–१)