1 year ago
April 25, 2023
काठमाडौं (हाम्रो खेलकुद) – मनाङ–मर्स्याङ्दी क्लबले यो सिजनको सहिद स्मारक ‘ए’ डिभिजन लिगमा लगातार पाँचौ हार बेहोरेको छ ।
एन्फा कम्प्लेक्समा विभागीय नेपाल पुलिस क्लबसँग १–० ले पराजित हुँदै मनाङले यो सिजनको लिगमा लगातार पाँचौ हार बेहोरेको हो । क्लब इतिहासमै मनाङको यो सबैभन्दा खराज नतिजा हो । यसअघि मनाङले लिगमा कहिल्यै पनि लगातार पाँचौ खेलमा हार बेहोरेको थिएन ।
एन्फा कम्प्लेक्समा मंगलबार भएको खेलमा मनाङलाई हार चखाउन पहिलो हाफमा भारतीय फरवार्ड मोहम्मद आशिकले पेनाल्टीमार्फत गरेको गोल नै निर्णायक बन्यो ।
पेनाल्टी बक्समा मोसेसलाई रन्दिप पौडेलले फउल गरेपछि प्राप्त पेनाल्टीमा मोहम्मद चुकेनन् । उनी लिगको डेब्युमै गोल गर्ने खेलाडी बने । पुलिसले त्यही अग्रतालाई जोगाउँदै मनाङलाई पाँचौं हार चखायो ।
सुरुवाती ७ खेलमा अपराजित रहेको मनाङले त्यसपछि पुलिससँगै सातदोबाटो, जावलाखेल, आर्मी र खुमलटारसँग हार बेहोर्यो ।
यस हारसँगै मनाङको १२ खेलबाट १५ अंकमा सीमित हुँदै आठौं स्थानमा यथावत छ । मनाङलाई हराएको पुलिस १२ खेलबाट ९ अंक जोडेर पुछारमा छ ।
July 26, 2024
काठमाडौं (हाम्रो खेलकुद) – एएफसी च्यालेन्ज लिग प्लेअफको तयारी गरिरहेको अपि पावर चर्च ब्वाइज युनाइटेडले मैत्रीपूर्ण खेलमा त्रिभुवन आर्मी फुटबल क्लबलाई पराजित गरेको छ । अर्को साताबाट भारतमा सुरु हुने डुरान्ड कपको तयारी गरिरहेको आर्मीको भद्रकाली स्थित मुख्यालयको फुटबल मैदानमा खेलिएको खेलमा पाहुना टोली ३-२ ले विजयी रह्यो । चर्च ब्वाइजका लागि फरवार्ड अन्जनले दुई […]
July 26, 2024
सुशिल पन्त क्षेत्री,चितवन सेन्ट्रल कलेज चितवन जिल्ला ए डिभिजन लिग फुटबलमा शुक्रबार सौराहा युवा समाज र पानस युवा क्लब विजयी भएका छन् । शारदानगरको मैदानमा पहिलो खेलमा सौराहाले गीतानगर ब्वाइजलाई ३-१ ले हरायो । खेलमा सौराहालाई जिताउन सुशील घलानले ३५ औं र ५२ औं मिनेटमा गोल गरे । यस्तै लक्की गायकले २७ औं मिनेटमा गोल […]
July 26, 2024
काठमाडौं (हाम्रो खेलकुद) – ललित स्मृति यु-१८ लिग अन्तर्गत शुक्रवार भएका खेलमा सातदोबाटो युथ क्लब र नेपाल पुलिस क्लब विजयी भएका छन् । एन्फा कम्प्लेक्स सातदोबाटमा भएको दिनको पहिलो खेलमा सातदोबाटोले मनाङ मर्स्याङ्दी क्लब माथि २-० को जित दर्ता गरेको हो । सातदोबाटोका लागि सोनाम छिरिङ गुरुङ र प्रज्वल कार्कीले समान १-१ गोल गरे । […]
