एजेन्सी – स्पेनिस क्लब रियल म्याड्रिडका महत्वपूर्ण भेट्रान मिडफिल्डर लुका मोड्रिच दुई साता मैदान बाहिर रहने भएको छ ।

स्पेनिस ला लिगा अन्तरगत जिरोनासँग ४–२ ले पराजित भएको खेलमा मोड्रिचले बायाँ तिघ्रामा चोट बोक्न पुगेका थिए । सोही चोटका कारण मोड्रिच कम्तीमा दुई साता मैदान बाहिर रहने भएको हो । मोड्रिचको चोटसँगै रियललाई ठुलो धक्का लागेको छ ।

चोटसँगै ३७ वर्षीय मोड्रिचले कम्तीमा पनि चार खेल गुमाउने छ । यसमा उनले कोपा डेल रेको फाइनल र युइएफए च्याम्पियन्स लिगको सेमिफाइनलको पहिलो लेग गुमाउने सम्भावना बढेको छ ।

कोपा डेल रेको फाइनलमा रियलले ६ मेमा ओसासुना र ९ मेमा च्याम्पियन्स लिगको सेमिफाइनलमा घरेलु मैदानमा इंग्लिस क्लब म्यानचेस्टर सिटीसँग खेल्दैछ ।

लुका मोड्रिच कार्लो एन्सेलोटीका लागि महत्वपूर्ण खेलाडी हुन्, जो महत्वपूर्ण खेलमा रियलको पहिलो रोजाईका खेलाडी हुन् । तर, उसले इतिहाद स्टेडियममा सिटीविरुद्धको खेलमा फर्कने आशा गरेको छ ।

‘उनी जिरोनाविरुद्धको खेलमा चोटग्रस्त भएका थिए र उनी प्रशिक्षण बाहिर छन् । ऊ अझै आफ्नो प्रगतिको लागि पर्खिरहेको छ र हामीलाई थाहा छैन कि ऊ कप खेलको लागि फिट हुनेछ कि छैन । हामी दुखित छौं र आशा छ कि ऊ छिट्टै निको हुनेछ । हामी महत्वपूर्ण खेलहरूको लागि उसलाई लिन सक्छौं ।’ इटालियन प्रशिक्षकले अल्मेरिया विरुद्ध लिग खेल अघि पत्रकार सम्मेलनमा भने ।

कार्लो एन्सेलोटीको रियलले आज शनिबार सान्टियागो बर्नाबेउमा अल्मेरियाविरुद्ध खेल्दैछ । लुका मोड्रिच लगातार दोस्रो दिन रियलको प्रशिक्षणमा सामेल भएनन् ।