default_image

10 months ago

April 30, 2023

मनाङमाथि चर्च ब्वाइजको सानदार जित

काठमाडौं (हाम्रो खेलकुद) – चर्च ब्वाइज युनाइटेडले सहिद स्मारक ‘ए’ डिभिजन लिगमा यो सिजन निकै खराव लयमा रहेको मनाङ–मर्स्याङ्दी क्लबलाई पराजित गरेको छ । चर्च ब्वाइजले मनाङमाथि ३–० को सहज जित निकालेको हो । चर्च ब्वाइजको जितमा कप्तान अनन्त तामाङ, मौसम सुब्बा र साइमन लिम्बुले गोल गरे । सातदोबाटोस्थित एन्फा कम्प्लेक्सको खेल मैदानमा आइतबार भएको […]

220 views

0 Bookmark

काठमाडौं (हाम्रो खेलकुद) – चर्च ब्वाइज युनाइटेडले सहिद स्मारक ‘ए’ डिभिजन लिगमा यो सिजन निकै खराव लयमा रहेको मनाङ–मर्स्याङ्दी क्लबलाई पराजित गरेको छ ।

चर्च ब्वाइजले मनाङमाथि ३–० को सहज जित निकालेको हो । चर्च ब्वाइजको जितमा कप्तान अनन्त तामाङ, मौसम सुब्बा र साइमन लिम्बुले गोल गरे ।

सातदोबाटोस्थित एन्फा कम्प्लेक्सको खेल मैदानमा आइतबार भएको खेलको ४१औं मिनेटमा कप्तान अनन्त तामाङको हेडर गोलबाट १–० को अग्रता लिन सफल भएको थियो । सुशिल शाहको क्रसमा उनले प्रवेश कुवँरलाई कुनै मौका नदिई गोल गर्न सफल भएका थिए ।

५५औं मिनेटमा मौसम सुब्बाले गोल गर्दै चर्च ब्वाइजको अग्रता दोब्बर पारे । रन्जित सिंह पान्द्रेको पासमा अनमार्क रहेका उनले डि बक्स भित्रबाट कुनै गल्ती गरेनन् ।

इन्ज्युरी समयको थप गरिएको पाँचौं मिनेटमा परिवर्तित खेलाडी साइमन लिम्बुले गोल गर्दै चर्च ब्वाइजलाई सहज जित दिलाए । ६३औं मिनेटमा मौसम सुब्बाको स्थानमा मैदान छिरेका मिडफिल्डर साइमनले अर्काे परिवर्तित फरवार्ड मिलन राईको पासमा गोल गर्न सफल भएका थिए ।

चर्च ब्वाइजले लगातार दुई खेलमा हार भोगेपछि पहिलो जित दर्ता गर्दा मनाङले भने लगातार छैटौं हार बेहोरेको छ । चर्च ब्वाइज पछिल्लो दुई खेलमा जावलाखेल र आर्मीसँग समान १–० को हार भोगेको थियो ।

यता, मनाङले पछिल्लो ५ खेलमा सातदोबाटो, जावलाखेल, आर्मी, खुमलटार र पुलिससँग हार भोगेको थियो । मनाङले फ्रेन्ड्सलाई २–० ले पराजित गरेयता सात खेल खेल्दा जित निकाल्न सकेको छैन । यस जितसँगै चर्च ब्वाइजले १३ खेलबाट २१ अंक जोडेको छ । पराजित मनाङको १३ खेलबाट १५ अंक छ ।

February 24, 2024

नेपालको टोलीमा एक परिवर्तन

काठमाडौं (हाम्रो खेलकुद) – पश्चिम एशिया फुटबल एसोसिएसन (वाफ) महिला च्याम्पियनसिप अन्तर्गत समूहको अन्तिम खेलमा प्यालेस्टाइनविरुद्ध नेपालले एक परिवर्तन गरेको छ । खेल नेपाली समय अनुसार १०:४५ बजे किंग अब्दुल्लाह स्पोर्ट्स सिटी रिजर्व स्टेडियममा सुरु हुनेछ । प्रशिक्षक राजेन्द्र तामाङले पछिल्लो खेलबाट दिपा शाहीलाई विश्राम दिंदै अनिता केसीलाई सुरुवाती रोजाइमा खेलाएका छन् । आक्रमणमा सावित्रा […]

February 24, 2024

हरमटारीलाई गोर्खाली रनिङ कप फुटबल उपाधि

गोरखा (हाम्रो खेलकुद) – हरमटारी क्लबले आठौं गोर्खाली रनिङ कप फुटबल प्रतियोगिताको उपाधि जितेको छ । हरमटारीले उपाधि जितेको यो तेस्रो पटक हो । यसअघि टोलीले २०७२ र २०७५ मा उपाधि जितेको थियो । चाइनिज धारा फेमेलीलाई शनिबार २–० ले हराउँदै हरमटारीले उपाधि जितेको हो । हरामटारीका लागि फर्गुराम थारु र लक्ष्मण थापाले समान १ […]

February 24, 2024

पाँचथर गोल्डकप – शुक्रराजको ह्याट्रिकमा आयोजकको जित

दिपक बोहोरा, पाँचथर चौथो पाँचथर गोल्डकप प्रतियोगितामा आयोजक पाँचथर क्लबले विजयी सुरुआत गरेको छ । शनिबार उद्घाटन खेलमा सप्तरीको नमोबुद्ध युथ क्लब लाई ३–० गोलले हराउदै पाँचथर सेमिफाइनलमा प्रवेश गरेको छ । स्थानिय खेलाडी मात्र समेटेर टोलीको निर्माण गरेको पाँचथरले नमोबुद्ध माथि जित निकालेको हो । ए डिभिजन र नेपाल सुपर लिग खेलेका अनुभवी खेलाडी […]

Success

Thank you for your time.