default_image

10 months ago

May 7, 2023

आफिजको गोलमा मच्छिन्द्रको जित

काठमाडौं (हाम्रो खेलकुद) – फरवार्ड ओलावाले आफिजले इन्ज्युरी समयमा गोल गरेपछि मच्छिन्द्र क्लबले सहिद स्मारक ए डिभिजन लिगमा नेपाल एपिएफ फुटबल क्लबलाई पराजित गरेको छ । दशरथ रंगशालामा आइतबार मच्छिन्द्रले २-१ को जित दर्ता गर्यो । एपिएफले खेलमा सुरुवाती अग्रता लिएपनि दुवै हाफको इन्ज्युरी समयमा गोल खाँदा हार बेहोर्न पुगेको हो । एपिएफका लागि अर्मान्ड […]

55 views

0 Bookmark

काठमाडौं (हाम्रो खेलकुद) – फरवार्ड ओलावाले आफिजले इन्ज्युरी समयमा गोल गरेपछि मच्छिन्द्र क्लबले सहिद स्मारक ए डिभिजन लिगमा नेपाल एपिएफ फुटबल क्लबलाई पराजित गरेको छ ।

दशरथ रंगशालामा आइतबार मच्छिन्द्रले २-१ को जित दर्ता गर्यो । एपिएफले खेलमा सुरुवाती अग्रता लिएपनि दुवै हाफको इन्ज्युरी समयमा गोल खाँदा हार बेहोर्न पुगेको हो । एपिएफका लागि अर्मान्ड बेडमले सुरुवाती अग्रता दिलाएका थिए । तर ओमोलाजा करीमले फ्रिकिक र ओलावाले आफिजले पेनाल्टी क्षेत्र बाहिरबाट उत्कृष्ट गोल गर्दै मच्छिन्द्रलाई जित दिलाए ।

खेलको १७ औं मिनेटमा सुरज विकलाई टाउकोको चोटका कारण गुमाएको मच्छिन्द्रले ३३ औं मिनेटमा विमल घर्ती मगरको साथ पाएन । ल्यान्डिङ गर्ने क्रममा खुट्टामा चोट बोकेपछि विमल बाहिरिएका थिए । यसैपनि टोलीका मुख्य डिफेन्डर देवेन्द्र तामाङलाई विश्राम दिइएको थियो ।

३७ औं मिनेटमा एपिएफले अग्रता लियो । विकि तामाङको प्रहार फितलो हुँदा अर्मान्डले ६ यार्ड बक्स भित्रबाट सहजै गोल गरेका थिए । तर इन्ज्युरी समयमा मच्छिन्द्रले बराबरी गोल फर्कायो । पेनाल्टी क्षेत्रको ठिक बाहिरबाट करीमको शक्तिशाली फ्रिकिक प्रहार सिधै गोलमा परिणत भएको थियो । उनको प्रहार गोलरक्षक एन्जल श्रेष्ठको ठिक अगाडी ठोक्किन पुग्दा गोलरक्षकको डाइभ व्यर्थ भएको थियो ।

दोस्रो हाफको इन्ज्युरी समयमा आफिजले सुन्दर गोल गर्दै जित पक्का गरे । झन्डै २५ यार्ड टाढाबाट आफिजले गरेको हाफ भली प्रहार गोलरक्षक एन्जलले बचाउन सकेनन् । आफिजले सिजनको व्यक्तिगत दशौं गोल गर्दै मच्छिन्द्रको ३ अंक पक्का गरे ।

यस जितसँगै मच्छिन्द्र अंक तालिकाको चौथो स्थानमा उक्लिएको छ । समान २४ अंक भएपनि हेड टु हेड नतिजाका आधारमा मच्छिन्द्र जावलाखेल र थ्री स्टारभन्दा पछि रहेको हो । एपिएफ भने १५ खेलमा १९ अंकसाथ नवौं स्थानमा छ ।

लिगको अंक तालिका, खेल तालिका, पुरानो नतिजा, सर्वाधिक गोलकर्ता, सर्वाधिक असिस्ट, क्लिन सिट लगायत सम्पूर्ण जानकारीका लागि यहाँ थिच्नुहोस ।

February 29, 2024

एनआरटी केपी ओली कपको फाइनलमा

काठमाडौं (हाम्रो खेलकुद) – न्यु रोड टिम (एनआरटी) केपी ओली कप फुटबल प्रतियोगिताको फाइनलमा प्रवेश गरेको छ । दशरथ रंगशालामा जावलाखेल युवा क्लबमाथि ३-० को जित निकाल्दै एनआरटीले उपाधि भिडन्तमा स्थान पक्का गरेको हो । एनआरटीको जितमा संजिव विष्टले दुई तथा विवेक गुरुङले १ गोल गरे । खेलको छैटौं मिनेटमा नै विवेक गुरुङले एनआरटीलाई अग्रता […]

February 29, 2024

फाइनलमा कसले लिन्छ साम्बाको स्थान?

काठमाडौं (हाम्रो खेलकुद) – वाफ महिला च्याम्पियनसिप २०२४ अन्तर्गत फाइनलमा नेपालले जोर्डनको सामना गर्दैछ । हालसम्म अपराजित रहेका यी दुई टोलीबीचको खेलमा नेपालले आफ्नो स्टार फरवार्ड सावित्रा भण्डारीको साथ भने पाउने छैन । नेपालले प्रतियोगितामा खेलेको सबै ४ खेलमा साम्बालाई नै आक्रमणमा उतारेको थियो । तर फिफा विन्डोबाहिर रहेको यस खेलका लागि साम्बा व्यावसायिक सम्झौताका […]

February 29, 2024

नेपाल र जोर्डन वाफ च्याम्पियनसिपको‌ फाइनल खेल्दै

काठमाडौं (हाम्रो खेलकुद)- नेपाल र जोर्डनको राष्ट्रिय महिला फुटबल टोली साउदी अरेबियामा जारी पश्चिम एसियाली फुटबल फेडेरेसन (वाफ) च्याम्पियनसिपको फाइनलमा आज एकअर्का विरुद्ध उत्रदैछन्। जेद्दास्थित प्रिन्स अब्दुल्लाह अल फैजल स्पोर्ट्स सिटी स्टेडियममा फाइनल नेपाली समय अनुसार राती ९ः ४५ बजेदेखि सुरु हुनेछ ।  नेपाल र जोर्डन जारी प्रतियोगिताका दुई अपराजित टोली हुन् । साविक विजेता […]

Success

Thank you for your time.