1 year ago
May 10, 2023
काठमाडौं (हाम्रो खेलकुद) – शहिद स्मारक ए डिभिजन लिग अन्तर्गत विभागिय डर्बीमा त्रिभुवन आर्मी फुटबल क्लबलाई नेपाल एपीएफ फुटबल क्लबले पराजित गरेको छ ।
त्रिपुरेश्वरस्थित दशरथ रंगशालामा बुधबार भएकाे खेलमा एपीएफले आर्मीलाई ३-० काे फराकिलाे अन्तरले पराजित गर्याे । एपिएफको जितमा अर्मान्ड बेडम, आवास लामिछाने र कप्तान नवीन लामाले १-१ गोल गरे ।
खेलकाे ४१ अौं मिनेटमा अर्मान्डले गाेल गर्दै एपिएफलाई सुरुवाती अग्रता दिलाए। अर्माण्डकाे प्रहार आर्मीका गाेलरक्षक विकेश कुथुलाई लाग्दै पाेष्टकाे दिशा लिँदा डिफेन्डरले क्लियर गर्न सकेनन् ।
५६ अौं मिनेटमा हरि कार्कीको क्रस पेनाल्टी क्षेत्र भित्र क्लियर हुन नसक्दा आवासले उत्कृष्ट गोल गरे। ६२ औं मिनेटमा अर्मान्डकाे पासमा नवीन लामाले गाेल गर्दै एपिएफलाइ ३-० काे अग्रता दिलाए । पेनाल्टी क्षेत्रभित्र गोलरक्षकसहित ५ विपक्षी खेलाडीलाई बिट गर्दै नवीनले जित पक्का गरे ।
लिगकाे पहिलाे चरणमा पनि आर्मी एपिएफसँग १-० ले पराजित भएकाे थियाे । जितसँगै एपिएफ आर्मीलाई उछिन्दै छैंटाै स्थानमा उक्लेकाे छ । एपिएफले १६ खेलबाट २२ अंक बनाएकाे छ। पराजित आर्मी एक स्थान तल झर्दै सातौं स्थानमा छ। आर्मीको १६ खेलमा २१ अंक छ ।
बुधबार नै चर्च ब्वाइजले साविक विजेता मच्छिन्द्रलाई हराएर अंक तालिकाको शीर्षस्थानमा ३ अंकको अग्रता लियो ।
July 26, 2024
काठमाडौं (हाम्रो खेलकुद) – एएफसी च्यालेन्ज लिग प्लेअफको तयारी गरिरहेको अपि पावर चर्च ब्वाइज युनाइटेडले मैत्रीपूर्ण खेलमा त्रिभुवन आर्मी फुटबल क्लबलाई पराजित गरेको छ । अर्को साताबाट भारतमा सुरु हुने डुरान्ड कपको तयारी गरिरहेको आर्मीको भद्रकाली स्थित मुख्यालयको फुटबल मैदानमा खेलिएको खेलमा पाहुना टोली ३-२ ले विजयी रह्यो । चर्च ब्वाइजका लागि फरवार्ड अन्जनले दुई […]
July 26, 2024
सुशिल पन्त क्षेत्री,चितवन सेन्ट्रल कलेज चितवन जिल्ला ए डिभिजन लिग फुटबलमा शुक्रबार सौराहा युवा समाज र पानस युवा क्लब विजयी भएका छन् । शारदानगरको मैदानमा पहिलो खेलमा सौराहाले गीतानगर ब्वाइजलाई ३-१ ले हरायो । खेलमा सौराहालाई जिताउन सुशील घलानले ३५ औं र ५२ औं मिनेटमा गोल गरे । यस्तै लक्की गायकले २७ औं मिनेटमा गोल […]
July 26, 2024
काठमाडौं (हाम्रो खेलकुद) – ललित स्मृति यु-१८ लिग अन्तर्गत शुक्रवार भएका खेलमा सातदोबाटो युथ क्लब र नेपाल पुलिस क्लब विजयी भएका छन् । एन्फा कम्प्लेक्स सातदोबाटमा भएको दिनको पहिलो खेलमा सातदोबाटोले मनाङ मर्स्याङ्दी क्लब माथि २-० को जित दर्ता गरेको हो । सातदोबाटोका लागि सोनाम छिरिङ गुरुङ र प्रज्वल कार्कीले समान १-१ गोल गरे । […]