default_image

9 months ago

May 14, 2023

मनाङ र जावलाखेलको रोमाञ्चक बराबरी

काठमाडौं (हाम्रो खेलकुद) – जावलाखेल युवा क्लब र मनाङ मर्स्याङ्दी क्लबबीच सहिद स्मारक ए डिभिजन लिग अन्तर्गत आइतबार भएको खेल रोमाञ्चक बराबरीमा सकिएको छ । च्यासल मैदानमा जावलाखेलले २-० को अग्रता लिएपनि जित निकाल्न सकेन । जावलाखेलले एनकोटो मासोआबी र हिसुब थपलियाको गोलमा अग्रता लिएको थियो ‌। तर अन्त्यतिर भिषण गुरुङ र सुमित श्रेष्ठले गोल […]

163 views

0 Bookmark

काठमाडौं (हाम्रो खेलकुद) – जावलाखेल युवा क्लब र मनाङ मर्स्याङ्दी क्लबबीच सहिद स्मारक ए डिभिजन लिग अन्तर्गत आइतबार भएको खेल रोमाञ्चक बराबरीमा सकिएको छ ।

च्यासल मैदानमा जावलाखेलले २-० को अग्रता लिएपनि जित निकाल्न सकेन । जावलाखेलले एनकोटो मासोआबी र हिसुब थपलियाको गोलमा अग्रता लिएको थियो ‌। तर अन्त्यतिर भिषण गुरुङ र सुमित श्रेष्ठले गोल गरे ।

१७ अ‍ौं मिनेटमा जावलाखेलका अब्दुलअजिज निशोनबाएभको कर्नरमा अब्दुल माजिद सामातेको पहिलो टच पोस्टभन्दा थोरै माथिबाट बाहिरियो । लगत्तै अर्कोतर्फ मनाङका साइदजमोल दाभ्लातजोनोभको फ्रिकिक गोलरक्षक अनिष देउलाले मुस्किलले बचाए । २३ अ‍ौं मिनेटमा सुमित श्रेष्ठको पेनाल्टी क्षेत्र बाहिरको प्रहार अनिषले दोस्रो प्रयासमा जोगाए ।

३४ अ‍ौैं मिनेटमा जावलाखेलले एनकोटो मासोआबीको गोलमा अग्रता लियो । विनोद केसीले मध्यभागबाट खेलेको लामो पासमा गोलरक्षक दिप कार्कीको क्लिअरेन्स मासोआबीलाई लाग्दै गोल तर्फ गएको थियो ।

६३ अ‍ौं मिनेटमा मनाङका डिआन्दु डियाग्नेको क्रसमा निराजन धामीको प्रहार पोस्टभन्दा थोरै परबाट गयो । त्यसअघि निराजनकै प्रहार गोलरक्षक अनिषले विफल पारेका थिए । ७० ‍अ‍ौं मिनेटमा भिषणको कर्नरमा कोफी कोउडुको हेडरलाई अनिषले हल्का छुँदै क्रसबारको माथि पठाए ।

काउन्टर अट्याकमा भर परेको जावलाखेलले ७६ अ‍ौं मिनेटमा अर्को गोल थप्यो । डिफेन्सले खराब क्लियर गरेको बललाई फोडे फोफाना नियन्त्रणमा लिए । उनले दिएको पासलाई हिसुब थपलियाले पहिलो टचमा सहज ट्याप इन गर्दै २-० को अग्रता दिलाए ।

मनाङले ५ मिनेट नबित्दै गोल फर्कायो । भिषण गुरुङ र कोफी कोउडुले पास साटफेर गर्दै दर्शनीय गोल सम्भव पारे । मिडफिल्डमा जावलाखेलका दुवै मिडफिल्डरलाई बिट गर्दै कोफीलाई पास दिए । कोफीले सुन्दर फ्लिकमा डिफेन्स लाइन बिट गरेपछि भिषणले वन भर्सेस वनमा शक्तिशाली भलीमार्फत गोल गरे ।

इन्ज्युरी समयको पहिलो मिनेटमा सुमित श्रेष्ठले पेनाल्टी क्षेत्र बाहिरबाट गरेको प्रहार गोल भयो । यस बराबरीले जावलाखेल ३१ अंकसाथ शीर्ष स्थानमा कायम छ । मनाङ २२ अंकसाथ सातौं स्थानमा छ ।

लिगको अंक तालिका, खेल तालिका, पुरानो नतिजा, सर्वाधिक गोलकर्ता, सर्वाधिक असिस्ट, क्लिन सिटलगायत सम्पूर्ण जानकारीका लागि यहाँ थिच्नुहोस ।

February 22, 2024

लिभरपुलको सानदार जित

एजेन्सी- लिभरपुलले इंग्लिस प्रिमियर लिगमा विजयी भएको छ। लिभरपुलले बुधबार लुटन टाउनलाई ४–१ गोलले हराएको हो । लिभरपुलका लागि भर्जिल भान डाइक, कोडी गाक्पो, लुइस डियाज र हार्भे इलियटले गोल गरे । खेलमा अग्रता भने लुटनले‌ लिएको थियो। चियोडोजी ओग्बेनेले १२औं मिनेटमा गोल गरेका थिए। भान डाइकले ५६ औं मिनेटमा बराबरी गोल फर्काएका थिए। गाक्पोले ५८औं […]

February 22, 2024

बार्सिलोना बराबरीमा‌ रोकियो

एजेन्सी- बार्सिलोना च्याम्पियन्स लिगको अन्तिम १६ को पहिलो लेगमा बराबरी रोकिएको छ। बुधबार बार्सिलोना र नेपोलीले १–१ को बराबरी खेलेका हुन् । नेपल्समा भएको खेलमा बार्सिलोनाले रोबर्ट लेवान्डोस्कीको गोलमा ७० औं अग्रता लिएको थियो । त्यसपछि ५ मिनेटपछि नेपोलीका लागि भिक्टर ओसिमहेनले बराबरी गोल फर्काएका थिए । अर्को अन्तिम १६ को पहिलो पोर्टोले आर्सनललाई १-० ले हराएको […]

February 22, 2024

पोर्टोसँग आर्सनलको हार

एजेन्सी- इंग्लिस प्रिमियर लिग टोली आर्सनल च्याम्पियन्स लिगको अन्तिम १६ को पहिलो लेगमा पराजित भएको छ। बुधबार पोर्टोले आर्सनललाई १-० ले हराएको हो ।इन्ज्युरी समयको चौथो मिनेटमा गालेनोले गोल गरेपछि पोर्टोको जित सम्भाव भएको हो । अन्तिम समयमा सम्हालिन नसक्दा आर्सनलले हार बेहोरेको छ। बराबरीतर्फ उन्मुख खेलमा ब्राजिलियन खेलाडीले उत्कृष्ट गोल गरेका हुन् । खेलमा दबाब […]

Success

Thank you for your time.