default_image

1 year ago

June 3, 2023

चर्च ब्वाइजको उपाधि होड बलियो, जावलाखेल उपाधि होडबाट बाहिरियो

92 views

0 Bookmark

काठमाडौं हाम्रो खेलकुद) – उपाधि होडको जावलाखेल युथ क्लबलाई पराजित गर्दै ‘बी’ डिभिजनको च्याम्पियन चर्च ब्वाइज युनाइटेडले सहिद स्मारक ‘ए’ डिभिजन लिग जित्ने सम्भावना बलियो बनाएको छ ।

लिग अन्तरगत २४औं चरणको खेलमा जावलाखेललाई ३–० ले पराजित गर्दै चर्च ब्वाइजले उपाधि होड बलियो बनाएको हो । चर्च ब्वाइजसँगको हारसँगै जावलाखेल उपाधि होडबाट बाहिरिएको छ ।

त्रिपुरेश्वरस्थित दशरथ रंगशालामा शनिबार भएको खेलमा चर्च ब्वाइजको जितमा आशिष चौधरीले दुई तथा अन्जन विष्टले एक गोल गरे ।

प्रतिस्पर्धात्मक खेलको २१औं मिनेटमा कमल श्रेष्ठको फ्रिकिकमा कप्तान अनन्त तामाङको हेडरलाई छिरिङ लामाले गोल लाईन नजिकैबाट बचाउदा चर्च ब्वाज्ञ अग्रता लिनबाट चुक्यो ।

३२औं मिनेटमा अन्जन विष्टको पासमा रन्जितसिंह पान्द्रेले दुई डिफेन्डरलाई बिट गर्दै गरेको प्रहार पहिलो बार च्याप्दै बाहिरिदा चर्च ब्वाइजले अग्रता लिन सकेन ।

४४औं मिनेटमा अन्जनको पासमा रन्जितको हेडर जावलाखेलका गोलरक्षक ईश्वर गुरुङले दोस्रो प्रयासमा नियन्त्रणमा लिए । पहिलो हाफको ईन्ज्युरी समयको थप गरिएको सातौं मिनेटमा अन्जनले गोल गर्दै चर्च ब्वाइजलाई १–० को अग्रता दिलाए ।

रन्जितलाई पेनाल्टी बक्समा राहुल राहुलले फउल गरेपछि प्राप्त पेनाल्टीमा अन्जनको प्रहार जावलाखेलका गोलरक्षक ईश्वर गुरुङले बचाएपनि रिवाउण्डमा गोफ गर्न सफल भए ।

६०औं मिनेटमा अन्जन विष्टको पासमा मौसम सुब्बाको प्रहार गोलरक्षकले डाइभ दिदै बचाए । खेलको अन्त्यतिर भने चर्च ब्वाइजले जावलाखेलमाथि लगातार दवाव बढाएर दुई गोल गर्दै जित निकाल्न सफल भयो ।

८८औं मिनेटमा आशिष चौधरीले गोल गर्दै चर्च ब्वाइजलाई २–० ले अघि बढाए । कमल श्रेष्ठले दिएको क्रसमा आशिषले हेडरमार्फत दर्शनीय गोल गर्दा गोलरक्षक ईश्वर गुरुङले रोक्ने कुनै मौका नै पाएन ।

इन्ज्युरी मियको थप गरिएको दोस्रो मिनेटमा आशिषले व्यक्तिगत दोस्रो र टोलीका लागि तेस्रो गोल गर्दै चर्च ब्वाइजको जित पक्का गरे ।

एरिक विष्टको कर्नर जावलाखेलका डिफेन्डरलाई लाग्दै गोलतर्फ अघि बढ्दा गोलरक्षक ईश्वरले बचाएपनि रिवाउन्डमा आशिषले गोल गर्न सफल भए । जावलाखेलले केही मुभ सिर्जना गरेपनि चर्च ब्वाइजको बलियो रक्षापङ्ति तोड्न नसक्दा पराजित हुन पुग्यो ।

यस जितसँगै शीर्षस्थानमा रहेको चर्च ब्वाइजको २४ खेलबाट ४४ अंक पुगेको छ । लिगमा अब दुई चरणको खेल बाँकी रहँदा चर्च ब्वाइजले शीर्षस्थानमा ५ अंकको अग्रता बनाएको छ ।

एक खेल कम खेलेको मछिन्द्रको ३९ अंक छ । चर्च ब्वाइजसँगको हारसँगै जावलाखेल उपाधि होडबाट बाहिरिएको छ । अब लिगमा दुई चरणको दुवै खेल जितेपनि जावलाखेललाई लिग जित्न पर्याप्त हुने छैन । पराजित जावलाखेल ८ अंकले पछि छ । जावलाखेलको २४ खेलबाट ३७ अंक छ ।

June 14, 2024

दोस्रो चरणमा २५ खेलाडी छनोट

काठमाडौं (हाम्रो खेलकुद)– अखिल नेपाल फुटबल संघ (एन्फा) ले नेपाली महिला राष्ट्रिय फुटबल टोलीका लागि दोस्रो चरणमा २५ खेलाडी छनोट गरेका छन् । मुख्य प्रशिक्षक राजेन्द्र तामाङले प्रारम्भिक चरणमा रहेका ३० खेलाडीबाट ५ खेलाडी कटौती गर्दै दोस्रो चरणमा २५ खेलाडी छनोट गरेका हुन् । प्रशिक्षणबाट सुशीला कुमारी चौधरी, सबिना चौधरी, गंगा गुरुङ, ममता पुन र […]

June 14, 2024

एपिएफले एएफसी महिला च्याम्पियन्स लिग खेल्ने

काठमाडौं (हाम्रो खेलकुद) – विभागीय नेपाल एपिएफ क्लबले अगस्टमा हुने एएफसी महिला च्याम्पियन्स लिगमा सहभागिता जनाउने भएको छ । राष्ट्रिय महिला लिग २०२२ च्याम्पियन्स एपिएफले एएफसी महिला च्याम्पियन्स लिगको प्रारम्भिक चरणका लागि नेपालको प्रतिनिधित्व गर्न लागेको हो । एएफसी महिला च्याम्पियन्स लिगमा एपिएफसहित २२ टोलीले खेल्ने एसियन फुटबल महासंघ (एएफसी) ले जनाएको छ । एएफसीका […]

June 14, 2024

युरो कपको उद्घाटनमा जर्मनी र स्कटल्याण्ड भिड्दै, डिस होमले प्रत्यक्ष प्रसारण गर्ने

एजेन्सी – युइएफए युरो २०२४ आजदेखि जर्मनीमा सुरु हुँदैछ । आयोजक र तीन पटकको च्याम्पियन जर्मनीले शुक्रबार म्युनिखमा हुने उद्घाटन खेलमा स्कटल्याण्डको सामना गर्दैछ । म्युनिख फुटबल एरिनामा समूह ए अन्तर्गतको सो खेल शनिबार नेपाली समय अनुसार दिउँसो १२:४५ बजे सुरु हुनेछ । २४ शीर्ष युरोपियन टोलीहरू छ समूहमा विभाजित रहेका छन् । फाइनल जुलाई […]

Success

Thank you for your time.