11 months ago
June 11, 2023
काठमाडौं (हाम्रो खेलकुद) – सहिद स्मारक ए डिभिजन लिग २०७९ को च्याम्पियन चर्च ब्वाइज युनाइटेडलाई अपि पावर कम्पनि लिमिटेडले सम्मान गरेको छ । क्लबको मुख्य प्रायोजक रहेको अपि पावरले लिगमा सहभागी सम्पूर्ण खेलाडी, प्रशिक्षक तथा अफिसियललाई सम्मान गरेको हो । काठमाडौंमा आयोजित रात्री भोजमा क्लबका खेलाडी, पदाधिकारी, प्रायोजक अपि पावरका प्रतिनिधिहरु सँगै क्लबका शुभचिन्तक उपस्थित […]
काठमाडौं (हाम्रो खेलकुद) – सहिद स्मारक ए डिभिजन लिग २०७९ को च्याम्पियन चर्च ब्वाइज युनाइटेडलाई अपि पावर कम्पनि लिमिटेडले सम्मान गरेको छ ।
क्लबको मुख्य प्रायोजक रहेको अपि पावरले लिगमा सहभागी सम्पूर्ण खेलाडी, प्रशिक्षक तथा अफिसियललाई सम्मान गरेको हो । काठमाडौंमा आयोजित रात्री भोजमा क्लबका खेलाडी, पदाधिकारी, प्रायोजक अपि पावरका प्रतिनिधिहरु सँगै क्लबका शुभचिन्तक उपस्थित थिए ।
कार्यक्रममा अपि पावरले विभिन्न विधामा खेलाडीलाई नगदसहित अवार्ड वितरण गरेको थियो । उत्कृष्ट खेलाडीमा डिफेन्डर कमल श्रेष्ठ, उदीयमान खेलाडीमा मिडफिल्डर मौसम सुब्बा र उत्कृष्ट विदेशी खेलाडीमा गोलरक्षक एभ्स प्रिसो चुनिए । सबै विजेतालाई नगदसहित सम्मान गरिएको थियो ।
कार्यक्रममा अपि पावरका प्रबन्ध निर्देशक संजिव न्यौपानेले क्लबलाई सफलताका लागि बधाई दिँदै आउने दिनमा पनि कम्पनिको तर्फबाट सहयोगको प्रतिवद्धता व्यक्त गरे ।
क्लबका अध्यक्ष टंकलाल राई (रुवेन) ले पहिलो सिजनमा उपाधि जितेको उच्च मनोबलले आउने सिजनमा पनि यसैलाई निरन्तरता दिने अभिव्यक्ति दिए । प्रशिक्षक बालगोपाल महर्जनले सबैको संयुक्त प्रयासले नै यो सफलता हासिल गरेको बताए ।
उक्त कार्यक्रममा क्लबले आफ्नो उत्कृष्ट फ्यानलाई पनि सम्मान गर्यो । चर्च ब्वाइजको समर्थनमा नियमित दर्शकदीर्घामा देखिने डेविड गोलेलाई क्लबले खेलाडीको हस्ताक्षर अंकित जर्सीसहित सम्मान गरेको थियो ।
चर्च ब्वाइजले सी डिभिजन छनोट देखि लगातार ४ सिजन उपाधि जित्दै दुर्लभ इतिहास बराबरी गरेको थियो । पहिलो सिजनमै ए डिभिजन लिग जित्ने क्रममा क्लबले मध्य सिजनमा मुख्य प्रायोजकको रुपमा अपि पावरको साथ पाएको थियो ।
April 28, 2024
एजेन्सी – इंग्लिस प्रिमियर लिगमा लगातार चौथो पटक उपाधि जित्ने लक्ष्यमा रहेको म्यानचेस्टर सिटीले आइतबार जित दर्ता गरेको छ । सिटी ग्राउण्डमा भएको खेलमा म्यानचेस्टर सिटीले नटिङ्घम फरेस्टलाई २–० ले पराजित गर्दै उपाधिको आशा कायमै राखेको हो । सिटीको जितमा डिफेन्डर जोस्को ग्भार्डियोल र दोस्रो हाफमा मैदान प्रवेश गरेका स्ट्राइकर एर्लिङ हालान्डले एक-एक गोल गरे […]
April 28, 2024
हिमाल खरेल, मेचीनगर झापाको बुद्धशान्तिमा जारी तेस्रो आदर्श च्यालेन्ज कपमा पाहुना टोली नर्थ बंगाल एफसी भारतलाई ३–१ ले हराउँदै बिर्तामोड युनाइटेड एफसी सेमिफाइनलमा प्रवेश गरेको छ । बिर्तामोडको जितमा आशिष चापागाईंले ह्याट्रिक पूरा गरे । पहिलो हाफको इन्ज्युरी समयमा गोल गर्दै बिर्तामोडले अग्रता लिएको थियो । मध्यभागबाट बिर्तामोडका डिफेन्डर देवेन्द्र तामाङले गरेको फ्रिकिकलाई हेडमार्फत अभिषेक […]
April 28, 2024
काठमाडौं (हाम्रो खेलकुद) – सहिद स्मारक सि डिभिजन लिगमा आईतवार महावीर क्लब विजयी भएको छ । सातदोबाटो स्थित एन्फा कम्प्लेक्समा भएको दिनको पहिलो खेलमा महावीर क्लबले स्पोर्ट्स एकेडेमी साँगा माथि १-० को जित दर्ता गरेको हो । महावीरका लागि सन्दिप श्रेष्ठले ६७औं मिनेटमा पेनाल्टी मार्फत गरेको गोल नै निर्णायक बन्यो । जित सँगै महावीर क्लब […]