default_image

1 year ago

June 14, 2023

बेलिङहम रियल म्याड्रिडमा अनुबन्धित

72 views

0 Bookmark

एजेन्सी – इंग्लिस युवा मिडफिल्डर जुड बेलिङहम स्पेनिस क्लब रियल म्याड्रिडमा अनुबन्धित भएका छन् । रियल म्याड्रिडले बेलिङहमलाई जर्मन क्लब बोरुसिया डर्टमुन्डबाट ८८.५ मिलियन पाउन्डमा ६ वर्षका लागि अनुबन्ध गरेको हो ।

यससँगै उनी २०२९ को समर सिजनसम्म रियल म्याड्रिडमा रहनेछ । युरोपका केही शीर्ष टोलीसँग जोडिएका बेलिङहमले म्याड्रिड रोजेका हुन् । उनलाई क्लबले बिहीबार सान्टियागो बर्नबेउमा सार्वजनिक गर्ने तयारी गरेको छ ।

१९ वर्षीय बेलिङहमको लागि रियलले ८८.५ मिलियन पाउन्डसँगै थप एड अन प्राप्त भएमा उनको सम्झौता ११५ मिलियन पाउन्ड पुग्नेछ ।

रियलमा अनुबन्ध भएसँगै बेलिङहम ज्याक ग्रेलिस पछि इंग्ल्यान्डको सबैभन्दा दोस्रो महँगो खेलाडी बनेका छन् । ग्रेलिसको लागि म्यानचेस्टर सिटीले एस्टन भिल्लालाई सन् २०२१ मा १०० मिलियन पाउन्ड तिरेको थियो ।

यस्तै बेलिङहम रियलको दोस्रो महँगा खेलाडी बनेका छन् । रियलले सन् २०१९ मा इंग्लिस क्लब चेल्सीबाट बेल्जियन कप्तान इडेन हाजार्डको ११५ मिटर युरो खर्चिएको थियो । यस्तै बेलिङहम इतिहासकै तेस्रो महँगो युवा खेलाडी बनेका छन् ।

पेरिस सेन्ट जर्मेन (पिएसजी) ले सन् २०१८ मा फ्रान्सेली फरवार्ड केलियन एमबाप्पेका लागि मोनाकोलाई १८० मिलियन युरो खर्चदा २०१९ मा बेन्फिकाबाट जोआओ फेलिक्सलाई अनुबन्ध गर्न एट्लेटिको मड्रिडले १२६ मिलियन युरो खर्च गरेको थियो।

यससँगै रियलको मिडफिल्डको ट्रिओ पुस्तान्तरण हुने भएको छ । यसअघि लुका मोड्रिच, टोनी क्रुस र क्यासमिरोको ट्रिओ रहेको रियलको अब एडुआर्डाे कामाभिंगा, ओरेलिएन चुआमेनी र बेलिङहमको ट्रिओ बन्नेछ । क्यासमिरोले गत सिजन नै रियलबाट बिदाइ लिइसकेका छन् । मोड्रिच र क्रुसले अझै रियलमै रहने छन् ।

सन् २०२० को जुलाईमा बर्मिङहम सिटीबाट डर्टमुन्डमा आबद्ध भएका १९ वर्षीय बेलिङहमले गत वर्षको विश्वकपमा इङ्ल्यान्डका लागि उत्कृष्ट प्रदर्शन गरेका थिए ।

बर्मिङहमले बेलिङहमलाई २५ मिलियन पाउन्डमा डर्टमुन्डमा बेचेको थियो । १७ वर्षीय उनी त्यसबेला फुटबलको इतिहासमा सबैभन्दा महँगा युवा खेलाडी बनेका थिए ।

उनले डर्टमुन्डमा उत्कृष्ट प्रदर्शन गरे र गत अक्टोबरमा १९ वर्षको उमेरमा क्लबको सबैभन्दा कान्छो कप्तान बनेर इतिहास रचेका थिए ।

बेलिङहमले डर्टमुन्डका लागि यो सिजन ४२ खेलमा १४ गोलसँगै ७ असिस्ट प्रदान गरेका छन् । डर्टमुन्डमा तीन सिजन बिताउँदा बेलिङहमले १३२ खेलमा २४ गोल गरेका छन् ।

June 14, 2024

दोस्रो चरणमा २५ खेलाडी छनोट

काठमाडौं (हाम्रो खेलकुद)– अखिल नेपाल फुटबल संघ (एन्फा) ले नेपाली महिला राष्ट्रिय फुटबल टोलीका लागि दोस्रो चरणमा २५ खेलाडी छनोट गरेका छन् । मुख्य प्रशिक्षक राजेन्द्र तामाङले प्रारम्भिक चरणमा रहेका ३० खेलाडीबाट ५ खेलाडी कटौती गर्दै दोस्रो चरणमा २५ खेलाडी छनोट गरेका हुन् । प्रशिक्षणबाट सुशीला कुमारी चौधरी, सबिना चौधरी, गंगा गुरुङ, ममता पुन र […]

June 14, 2024

एपिएफले एएफसी महिला च्याम्पियन्स लिग खेल्ने

काठमाडौं (हाम्रो खेलकुद) – विभागीय नेपाल एपिएफ क्लबले अगस्टमा हुने एएफसी महिला च्याम्पियन्स लिगमा सहभागिता जनाउने भएको छ । राष्ट्रिय महिला लिग २०२२ च्याम्पियन्स एपिएफले एएफसी महिला च्याम्पियन्स लिगको प्रारम्भिक चरणका लागि नेपालको प्रतिनिधित्व गर्न लागेको हो । एएफसी महिला च्याम्पियन्स लिगमा एपिएफसहित २२ टोलीले खेल्ने एसियन फुटबल महासंघ (एएफसी) ले जनाएको छ । एएफसीका […]

June 14, 2024

युरो कपको उद्घाटनमा जर्मनी र स्कटल्याण्ड भिड्दै, डिस होमले प्रत्यक्ष प्रसारण गर्ने

एजेन्सी – युइएफए युरो २०२४ आजदेखि जर्मनीमा सुरु हुँदैछ । आयोजक र तीन पटकको च्याम्पियन जर्मनीले शुक्रबार म्युनिखमा हुने उद्घाटन खेलमा स्कटल्याण्डको सामना गर्दैछ । म्युनिख फुटबल एरिनामा समूह ए अन्तर्गतको सो खेल शनिबार नेपाली समय अनुसार दिउँसो १२:४५ बजे सुरु हुनेछ । २४ शीर्ष युरोपियन टोलीहरू छ समूहमा विभाजित रहेका छन् । फाइनल जुलाई […]

Success

Thank you for your time.