default_image

2 years ago

June 19, 2023

कोशी प्रदेश मुख्यमन्त्री कप फुटबलः ओखलढुंगा र उदयपुरको जित

335 views

0 Bookmark

हिमाल खरेल, ओखलढुंगा

ओखलढुंगा र उदयपुरले कोशी प्रदेश मुख्यमन्त्री कप नकआउट फुटबल प्रतियोगितामा विजयी सुरुवात गरेका छन् । प्रदेश खेलकुद विकास बोर्ड कोशी प्रदेशको आयोजनामा सोमबार ओखलढुंगाको सिद्धिचरण नगरपालिकास्थित सगरमाथा जनता माविको खेलमैदानमा सुरु भएको प्रतियोगितामा ओखलढुंगा र उदयपुर विजयी भएका हुन् ।

उद्घाटन खेलमा ओखलढुंगाले हिमाली जिल्ला सोलुखुम्बुलाई ३–१ गोल अन्तरले हरायो । अब ओखलढुंगाले झापासँगको भेट पक्का गरेको छ । ओखलढुंगालाई जित दिलाउने क्रममा खेलको ३४ औं मिनेटमा प्रविन मगरले गोल गर्दै टिमलाई अग्रता दिलाए । खेलको ३६ औं र ५६ औं मिनेटमा सञ्जय गुरुङले व्यक्तिगत दुई गोल गर्दै टोलीको अग्रतालाई फराकिलो बनाए ।

सोलुखुम्बुका लागि खेलको ४९ औं मिनेटमा थिराज राईले सान्त्वाना गोल फर्काएका थिए । खेलको म्यान अफ द म्याच दुई गोल गर्ने ओखलढुंगाका सञ्जय राई भए । उनले ४ हजार रुपैयाँ प्राप्त गरे । उनलाई कार्यक्रमका अध्यक्ष तथा प्रदेश खेलकुद विकास बोर्डका सदस्य सचिव हंशराज वाग्ले र सिद्धिचरण नगरपालिकाका निवर्तमान नगरप्रमुख मोहनकुमार श्रेष्ठले नगद र मेडल प्रदान गरे ।

त्यस्तै, दोस्रो खेलमा उदयपुरले मोरङलाई १–० गोल अन्तरले हराएको छ । मोरङले अर्को खेल संखुवासभासँग खेल्नेछ । उदयपुरका सुनिल खड्काले खेलको ६६ औँ मिनेटमा गरेको गोल नै जितका लागि पर्याप्त भयो । गोलकर्ता सुनिल खेलको म्यान अफ द म्याच भए ।

उनलाई बोर्डका सदस्य सचिव वाग्ले र सशस्त्र प्रहरी नायव उपरीक्षक विकास भूजेलले नगद ४ हजार र मेडल प्रदान गरे । बोर्डका सदस्य सचिव वाग्लेको अध्यक्षतामा भएको उद्घाटन कार्यक्रममा युवा तथा खेलकुदमन्त्री डिकबहादुर र राष्ट्रिय खेलकुद परिषदका सदस्य सचिव टंकलाल घिसिङ आउने कार्यक्रम भए पनि प्रतिकूल मौसमका कारण आउन सकेनन् ।

उनीहरु आउन नसकेपछि प्रदेशसभा सदस्य प्रदिप सुनुवार, सिद्धिचरण नगरपालिकाका नगरप्रमुख तेजेन्द्र खनाल, एन्फाका मानार्थ वरिष्ठ उपाध्यक्ष किशोर राई, बोर्डका सदस्य सचिव वाग्लेले खेलको उद्घाटन गरेका थिए । कार्यक्रममा वाग्लेले ओखलढुंगामा ३० वर्षपछि प्रदेशस्तरीय प्रतियोगिता आयोजना हुन सकेकोले ऐतिहासिक खेल भएको बताए । त्यस्तै, आगामी दिनमा ओखलढुंगामा खेल प्रतियोगिताहरुले निरन्तरता पाउने उनको भनाइ थियो ।

कार्यक्रममा नगरप्रमुख खनालले खेलमैदानको स्तरोन्नतिका लागि आगामी दिनमा सहयोग गर्ने प्रतिबद्धता व्यक्त गरे । एन्फाका मानार्थ वरिष्ठ उपाध्यक्ष राईले ओखलढुंगामा प्रक्रिया पुर्याएर चाँडै फुटबल संघ गठन गर्ने र ग्रासरुट फुटबल सञ्चालन गर्ने बताए ।
प्रदेशसभा सदस्य सुनुवार लगायत सबै वक्ताले भौगोलिक कठिनाइमा पनि प्रतियोगिता आयोजना गरेकोमा वाग्लेको प्रशंसा गरेका थिए । प्रतियोगितामा कोशी प्रदेशका १३ जिल्लाको सहभागिता रहेको छ । ताप्लेजुङ भने पहिरोका कारण सडक अवरुद्ध भएपछि सहभागी भएन । प्रतियोगिताको विजेताले उपाधिसहित २ लाख र दोस्रो १ लाख रुपैयाँ प्राप्त गर्नेछ ।

प्रतियोगिताका उत्कृष्ट गोलकिपर, डिफेन्डर, मिडफिल्डर, फरवार्ड, प्रशिक्षक र उच्च गोलकर्तालो ५ हजार रुपैयाँ र ट्रफी पाउने छन् । प्रतियोगितको फाइनल खेल असार ९ गते हुनेछ । मंगलबार धनकुटा र भोजपुरबीच तथा सुनसरी र पाँचथरका बीच प्रतिस्पर्धा हुनेछ ।

December 7, 2025

लिभरपुललाई लिड्सले रोक्यो

एजेन्सी – प्रिमियर लिगमा शनिवार लिड्स युनाइटेडले निकै रोमाञ्चक खेलमा लिभरपुललाई ३-३ को बराबरी रोकेको छ। इन्जुरी समयको छैंटौं मिनेटमा जापानी खेलाडी एओ तानाकाले गोल गरेपछि लिड्सले एक अंक जोगाउन सफल भयो। खेलको ४८ र ५० औं मिनेटमा लिभरपुलका ह्युगो एकिटिकेले दुई गोल गर्दै टोलीलाई २–० को अग्रता दिलाए। तर लिड्सले खेलमा फर्कने प्रयास जारी […]

December 7, 2025

बार्सिलोनाको जितमा टोरेसको ह्याट्रिक

एजेन्सी – शीर्ष स्थानको बार्सिलोनाले ला लिगामा आफ्नो अग्रता थप मजबुत बनाउँने क्रममा शनिवार रियल बेटिसलाई ५-३ ले हराएको छ। रोचक खेलमा फरान टोरेसले पहिलो हाफमै ह्याट्रिक गर्दै टोलीलाई शानदार जित दिलाए। खेलमा अग्रता भने बेटिसले लियो । छैटौँ मिनेटमै एन्टोनीले नजिकैबाट गोल गर्दै १-० को अग्रता दिलाए। तर त्यो अग्रता धरै समय टिकेन। ५ […]

December 7, 2025

मेस्सीसम्मिलित इन्टर मियामीलाई एमएलएस कप

एजेन्सी – इन्टर मियामीले शनिवार भ्यानकुवर ह्वाइटक्याप्सलाई ३–१ ले हराउँदै पहिलो एमएलएस कप जितेको छ। खेलमा लियोनेल मेस्सीले दुई असिस्ट दिए। खेलको सुरुआतमै मियामीले अग्रता लियो। आठौं मिनेटमा टाडेओ आलेन्देको पास रोक्न खोज्दा भ्यानकुवरका डिफेन्डर एडियर ओक्याम्पोबाट आत्मघाति गोल भयो। त्यसपछि भ्यानकुवरले दबाब बनाउँदै ६० औं अली अहमेदमार्फत बराबरी गोल गर्‍यो। मियामीका गोलरक्षक रोको रिओस […]

Success

Thank you for your time.