default_image

8 months ago

June 24, 2023

भारतसँग नेपालको हार

काठमाडौं (हाम्रो खेलकुद) – आयोजक भारतले साफ च्याम्पियनसिप २०२३ को दोस्रो खेलमा नेपाललाई पराजित गरेको छ । बेंगलोरस्थित कन्तिरभा रंगशालामा भारतले समूह ए को दोस्रो खेलमा नेपालमाथि २-० को जित हासिल गरेको हो । भारतको जितमा कप्तान सुनिल क्षेत्री र मिडफिल्डर महेश नाओरेमले १-१ गोल गरे । पहिलो हाफमा नेपालले राम्रो प्रदर्शन गर्दै अवसर सिर्जना […]

102 views

0 Bookmark

काठमाडौं (हाम्रो खेलकुद) – आयोजक भारतले साफ च्याम्पियनसिप २०२३ को दोस्रो खेलमा नेपाललाई पराजित गरेको छ । बेंगलोरस्थित कन्तिरभा रंगशालामा भारतले समूह ए को दोस्रो खेलमा नेपालमाथि २-० को जित हासिल गरेको हो ।

भारतको जितमा कप्तान सुनिल क्षेत्री र मिडफिल्डर महेश नाओरेमले १-१ गोल गरे । पहिलो हाफमा नेपालले राम्रो प्रदर्शन गर्दै अवसर सिर्जना गरेपनि अग्रता लिन सकेन । पहिलो हाफ गोलरहित बराबरीपछि दोस्रो हाफमा भारतले अग्रता लिएसँगै खेलमा पकड जमाएको थियो । दोस्रो हाफमा दुई गोल गर्दै भारतले नेपालमाथिको वर्चस्व कायम राख्यो ।

भारत यस जितसँगै समूह चरण पार गर्दै सेमिफाइनलमा स्थान बनाउन सफल भएको छ । नेपालको साफ च्याम्पियनसिपको यात्रा भने यसपटक समूह चरणमा नै टुंगिएको छ । नेपालले पहिलो खेलमा कुवेतसँग ३-१ को हार बेहोरेको थियो ।

१७ औं मिनेटमा एरिक विष्टले गरेको शक्तिशाली प्रहारलाई गोलरक्षक गुरप्रित सिंह सन्धुले विफल पारे । कर्नरमा आएको रिबाउन्डलाई एरिकले पेनाल्टी क्षेत्र बाहिरबाट प्रहार गर्दा गुरप्रित बाधक बनेका थिए । त्यसको केहीबेरमै मनिष डाँगीको पास केहि फितलो हुँदा विमल घर्ती मगर ६ यार्ड बक्सभित्र अवसरको सदुपयोग गर्नबाट बन्चित भए ।

४० औं मिनेटमा उदान्ता सिंहले दायाँ विंगबाट दिएको क्रसमा गोलरक्षक किरण चेम्जोङले एक हातले बल जोगाएपनि फार पोस्टमा महेश सिंह नाओरेम बलसम्म पुग्न सकेनन् । नेपालले पहिलो हाफको अन्त्यमा अन्जन विष्टको साथ गुमायो । चोटका कारण उनी बाहिरिएसँगै मिडफिल्डर आवास लामिछाने मैदान प्रवेश गरे ।

दोस्रो हाफको ६१ औं मिनेटमा भारतले अग्रता लियो । कप्तान सुनिल क्षेत्रीले अन्तर्राष्ट्रिय करिअरको ९१ औं गोल गर्दै भारतलाई अघि बढाए । बायाँ विंगमा महेश सिंह नाओरेमले दिएको क्रसलाई सुनिलले सहजै गोल गरेका थिए ।

७० औं मिनेटमा भारतले अग्रता दोब्बर पार्यो । कप्तान सुनिलको पहिलो प्रहार नेपाली कप्तान किरण चेम्जोङले बचाएका थिए । उक्त बचाउ क्रसबारमा लाग्दै पेनाल्टी क्षेत्रभित्र फर्कंदा महेशले सहजै गोलमा परिणत गरे । यस नतिजासँगै भारत सेमिफाइनलमा प्रवेश गर्न सफल रह्यो ।

आज सम्पन्न समूह ए को खेलमा कुवेतले पाकिस्तानलाई ४-० ले पराजित गर्यो । यसअघि पहिलो दिन नेपाल कुवेतसँग ३-१ ले पराजित हुँदा भारतले पाकिस्तानलाई ४-० ले नै हराएको थियो । यस नतिजासँगै नेपाल र पाकिस्तान प्रतियोगिताबाट बाहिरिएका छन् । यी दुईबीच मंगलबार लिग चरणको अन्तिम खेलमा प्रतिस्पर्धा हुनेछ ।

प्रतियोगिताको खेल तालिका, अंक तालिका, उच्च गोलकर्ता लगायत सम्पूर्ण जानकारी यहाँ पाउनुहोस्

February 22, 2024

लिभरपुलको सानदार जित

एजेन्सी- लिभरपुलले इंग्लिस प्रिमियर लिगमा विजयी भएको छ। लिभरपुलले बुधबार लुटन टाउनलाई ४–१ गोलले हराएको हो । लिभरपुलका लागि भर्जिल भान डाइक, कोडी गाक्पो, लुइस डियाज र हार्भे इलियटले गोल गरे । खेलमा अग्रता भने लुटनले‌ लिएको थियो। चियोडोजी ओग्बेनेले १२औं मिनेटमा गोल गरेका थिए। भान डाइकले ५६ औं मिनेटमा बराबरी गोल फर्काएका थिए। गाक्पोले ५८औं […]

February 22, 2024

बार्सिलोना बराबरीमा‌ रोकियो

एजेन्सी- बार्सिलोना च्याम्पियन्स लिगको अन्तिम १६ को पहिलो लेगमा बराबरी रोकिएको छ। बुधबार बार्सिलोना र नेपोलीले १–१ को बराबरी खेलेका हुन् । नेपल्समा भएको खेलमा बार्सिलोनाले रोबर्ट लेवान्डोस्कीको गोलमा ७० औं अग्रता लिएको थियो । त्यसपछि ५ मिनेटपछि नेपोलीका लागि भिक्टर ओसिमहेनले बराबरी गोल फर्काएका थिए । अर्को अन्तिम १६ को पहिलो पोर्टोले आर्सनललाई १-० ले हराएको […]

February 22, 2024

पोर्टोसँग आर्सनलको हार

एजेन्सी- इंग्लिस प्रिमियर लिग टोली आर्सनल च्याम्पियन्स लिगको अन्तिम १६ को पहिलो लेगमा पराजित भएको छ। बुधबार पोर्टोले आर्सनललाई १-० ले हराएको हो ।इन्ज्युरी समयको चौथो मिनेटमा गालेनोले गोल गरेपछि पोर्टोको जित सम्भाव भएको हो । अन्तिम समयमा सम्हालिन नसक्दा आर्सनलले हार बेहोरेको छ। बराबरीतर्फ उन्मुख खेलमा ब्राजिलियन खेलाडीले उत्कृष्ट गोल गरेका हुन् । खेलमा दबाब […]

Success

Thank you for your time.