default_image

8 months ago

June 28, 2023

कोभासिस म्यानचेस्टर सिटीमा अनुबन्धित

एजेन्सी – गत सिजन ट्रेवल उपाधि जितेको इंग्लिस क्लब म्यानचेस्टर सिटीले क्रोएसियाका मिडफिल्डर माटियो कोभासिसलाई क्लबमा अनुबन्ध गरेको छ । सिटीले २९ वर्षीय कोभासिसलाई इंग्लिस क्लब चेल्सीबाट ४ वर्षको लागि प्रारम्भिक २५ मिलियन पाउण्डमा अनुबन्ध गरेको हो । एड अनमा ५ मिलियन पाउन्ड रहेको छ । यससँगै उनी सन् २०२७ सम्म इतिहाद स्टेडियममा रहनेछन् । […]

229 views

0 Bookmark

एजेन्सी – गत सिजन ट्रेवल उपाधि जितेको इंग्लिस क्लब म्यानचेस्टर सिटीले क्रोएसियाका मिडफिल्डर माटियो कोभासिसलाई क्लबमा अनुबन्ध गरेको छ ।

सिटीले २९ वर्षीय कोभासिसलाई इंग्लिस क्लब चेल्सीबाट ४ वर्षको लागि प्रारम्भिक २५ मिलियन पाउण्डमा अनुबन्ध गरेको हो । एड अनमा ५ मिलियन पाउन्ड रहेको छ । यससँगै उनी सन् २०२७ सम्म इतिहाद स्टेडियममा रहनेछन् ।

गत सिजन ट्रेबल उपाधि च्याम्पियन्स लिग, प्रिमियर लिग र एफए कपको उपाधि जितेपछि कोभासिच यो समरमा सिटीको पहिलो अनुबन्धन हो । ‘यो मेरो लागि चुनौतीपूर्ण कदम हो ।’ कोभासिसले भने ।

जर्मन मिडफिल्डर इल्काए गुन्डोगन फ्रि ट्रान्सफरमा स्पेनिस च्याम्पियन बार्सिलोना गएपछि सिटीको उनको स्थानमा कोभासिसलाई अनुबन्ध गरेको हो । सिटीले मिडफिल्डर डेक्लान राइसको लागि ९० मिलियन पाउन्ड खर्चन तयार रहेपनि प्रस्ताव अस्वीकार भएपछि सिटीले कोभासिसलाई अनुबन्ध गरेको हो ।

‘प्रशिक्षक पेप गुआर्डिओलाको नेतृत्वमा सिटीले के गरेको छ, यो सबैलाई थाहा छ । मेरो लागि तिनीहरू विश्वका उत्कृष्ट हुन् ।’ उनीहरूले जितेका ट्रफीबाट पनि सबै कुरा स्पष्ट छ ।’ कोभासिसले भने, ‘यो टोलीमा सामेल हुनु कुनैपनि फुटबलरको लागि सपना हो । मैले अझै धेरै सिक्न बाँकी छ । मलाई थाहा छ पेपको व्यवस्थापनमा म राम्रो खेलाडी बन्न सक्छु, जुन मेरो लागि साँच्चै रोमाञ्चक छ ।’

‘मेरो योजना नयाँ सिजनको तयारी गर्न म्यानचेस्टर जानुअघि केही हप्ता आराम गर्ने हो । म यस क्लबलाई शीर्ष स्थानमा रहन र थप ट्रफी जित्न मद्दत गर्न चाहन्छु ।’ कोभासिसले थपे ।

‘कोभासिसलाई सिटीमा ल्याउनु एकदमै सरल निर्णय थियो । हामीले खोजिरहेको मिडफिल्डरमा रहनुपर्ने गुण (रणनीतिक र प्राविधिक गुण) उहाँसँग छ ।’ सिटीका निर्देशक टक्सीकी बेगिरिस्टेनले भने, ‘उनी त्यस्तो व्यक्ति हुन् जसलाई हामीले धेरै लामो समयदेखि निगरानी गरेका छौं र हामीले उहाँलाई हेर्दा सधैं हामी प्रभावित भयौं ।’

कोभासिस अगस्ट २०१८ मा स्पेनिस क्लब रियल म्याड्रिडबाट लोनमा चेल्सीमा आएका थिए । त्यही सिजन नै उनले चेल्सीका पाँच वर्षको सम्झौत गरेका थिए । कोभासिसले गत सिजन चेल्सीका लागि ३७ खेल खेलेका छन् । चेल्सीले २०२१ मा च्याम्पियन्स लिगको उपाधि जित्दा उनी टोलीका सदस्य थिए । जसबेला चेल्सीले सिटीलाई १–० ले पराजित गरेको थियो ।

कोभासिसले क्रोएसियाका लागि ९५ क्याप जितेका छन् । उनी फिफा विश्वकप कतार २०२२ मा क्रोएसियाको टोलीमा थिए । क्रोएसिया विश्वकपमा तेस्रो भएको थियो ।

February 23, 2024

साम्बाले समर्थकलाई दिइन् धन्यवाद

काठमाडौं (हाम्रो खेलकुद) – राष्ट्रिय महिला फुटबल टोलीबाट ५० अन्तर्राष्ट्रिय गोल पूरा गरेपछि सावित्रा भण्डारी साम्बाले आफ्ना समर्थकलाई धन्यवाद दिएकी छिन् । साउदी अरेबियामा जारी वाफ च्याम्पियनसिपमा बिहीबार आयोजक इराकविरुद्ध ५–० को जितमा सबै गोल गरेकी साम्बाको ५० गोल पूरा भएको थियो । अन्तर्राष्ट्रिय फुटबलमा नेपालका लागि ५० गोल पूरा गर्ने उनी पहिलो खेलाडी हुन् […]

February 23, 2024

केपी ओली कप आज देखि 

काठमाडौँ (हाम्रो खेलकुद) – नेपाल युवा संघको आयोजनामा दोस्रो संस्करणको केपी ओली कप फूटबल प्रतियोगिता आज देखि सुरु हुदैँ छ । उद्घाटन खेलमा आयोजक केपी ओली एफसी र ए डिभिजन लिग विजेता चर्च ब्वाइज युनाइटेड भिड्ने छन् । खेल सातदोबाटो स्थित एन्फा कम्प्लेक्समा दिउसो ३ बजे सुरु हुने छ । खेल अघि १ बजे बाट […]

February 23, 2024

नेदरल्याण्ड्सले नामिबियाविरुद्ध टस जितेर फिल्डिङ गर्दै

काठमाडौं (हाम्रो खेलकुद) – आईसिसि लिग-२ अन्तर्गत काठमाडौंमा जारी त्रिकोणात्मक सिरिज अन्तर्गतको खेलमा नेदरल्याण्ड्सले नामिबिया विरुद्ध टस जितेर फिल्डिङ रोजेको छ । कप्तान स्कट एडवार्ड्सले टस जितेर पहिले फिल्डिङ रोजेका हुन् । खेलको सुरुवात ढिलो हुने भएपछि खेल ४५ ओभरमा घटाइएको छ । बिहिवारका वर्षाका कारण आउटफिल्ड नसुकेका कारण खेल सुरु हुन ढिला भएको हो […]

Success

Thank you for your time.