एजेन्सी – इंग्लिस क्लब टोटेनहम हटस्परले इटालियन गोलरक्षक गुग्लिएल्मो भिकारियोलाई क्लबमा अनुबन्ध गरेको छ ।

टोटेनहमले गोलरक्षक भिकारियोलाई सिरी ‘ए’ क्लब एम्पोलीबाट ५ वर्षको लागि क्लबमा अनुबन्ध गरेको हो । स्वीडेनका मिडफिल्डर डेजान कुलुसेभस्कीले लोन अवधि पुरा गर्दै स्थायी खेलाडी बनेपछि प्रशिक्षक एन्जे पोस्टेकोग्लोको नेतृत्वमा उनी दोस्रो हस्ताक्षर हुन् ।

२६ वर्षीय भिकारियोले एम्पोलीमा दुई सिजन बिताउँदा गत सिजन सानदा रप्रदर्शन गरेपछि उनी इटालीको राष्ट्रिय टोलीमा पर्न सफल भएका थिए ।

टोटेनहमका कप्तान तथा पहिलो रोजाईका फ्रान्सेली गोलरक्षक ह्युगो लोरिसको क्लबमा सम्झौता अझै १ वर्ष बाँकी छ । अब उनले लोरिससँगै फ्रेजर फोस्टरसँग प्रतिस्पर्धा गर्नुपर्नेछ । उत्तरी लन्डन क्लबले भिकारियोलाई कमाण्डिङ गोलकिपर भनेर वर्णन गरेको छ ।

उडिनेसबाट व्यवसायिक खेल करिअर शुरु गरेका भिकारियोले क्याग्लियारी, पेरुगिया र भेनेजियाबाट खेलिसकेका छन् । उनी २०२१ मा एम्पोली पुगेका थिए । गत सिजन रेलिगेसन जोनमा संघर्ष गरिरहेको एम्पोलीलाई रेलिगेसन बचाउन उनै गोलरक्षक भिकारियोले सानदार प्रदर्शन गरेका थिए ।

गत सिजन भिकारियोले ३१ लिग खेलमा ३९ गोल खादा खेलमा क्लिन सिट राख्न सफल भएका थिए । एम्पोली रेलिगेसन जोनभन्दा १२ अंकको दुरीमा अघि रह्यो । गत सेप्टेम्वरदेखि इटालीको टोलीमा रहेका उनले डेब्युको अवसर पाएका छैनन् ।