काठमाडौंले कप्तान परिवर्तन गर्यो

काठमाडौं (हाम्रो खेलकुद) – नेपाल सुपर लिगको साविक विजेता काठमाडौं रेजर्स फुटबल क्लबले झापा विरुद्ध हुने तेस्रो खेलअघि आफ्नो कप्तान परिवर्तन गरेको छ ।

लिगको सुरुवाती दुई खेलमा मार्की खेलाडी हिसुब थपलियालाई कप्तानको जिम्मेवारी दिएको काठमाडौंले आजको खेलमा अनुभवी डिफेन्डर कुलदिप कार्कीलाई कप्तान बनाएको छ । कुलदिपले यसअघि ए डिभिजनमा जावलाखेल युवा क्लबको कप्तानी गरेका थिए ।

काठमाडौंले सुरुवाती दुई खेलमा एक जित र एक बराबरीको नतिजा निकालेको छ । पहिलो खेलमा इलामलाई १-० ले हराएको काठमाडौंले दोस्रो खेलमा चितवनसँग १-१ को बराबरी खेलेको थियो ।

आजको खेलमा झापा पनि आफ्नो नियमित कप्तानबिना खेल्दैछ । चोटका कारण अन्जन विष्टले आजको खेल खेल्ने छैनन् ।

विस्तृतमा पढ्नुहोस : घाइते अन्जनले आजको खेल गुमाउने

खेलको सुरुवाती ११ र प्रत्यक्ष प्रसारण यहाँ हेर्नुहोस