default_image

3 months ago

December 10, 2023

ललितपुर र चितवन भिड्दा रोमान्चक खेलको अपेक्षा

काठमाडौँ (हाम्रो खेलकुद) – नेपाल सुपर लिगको दोस्रो संस्करण सुरु हुनुअघि नै उपाधिको दावेदार मानिएका ललितपुर सिटी एफसी र एफसी चितवन आइतबार भिड्दै छन् । खेल काठमाडौंको दशरथ रंगशालामा साँझ ५ बजेबाट सुरु हुनेछ । कागजमा दावेदारको रुपमा रहेका यी दुई टोलीको प्रदर्शन राम्रो भएपनि सोहीअनुसार नतिजा भने आएको छैन । विदेशी प्रशिक्षकको नेतृत्वमा दुवै […]

794 views

0 Bookmark

काठमाडौँ (हाम्रो खेलकुद) – नेपाल सुपर लिगको दोस्रो संस्करण सुरु हुनुअघि नै उपाधिको दावेदार मानिएका ललितपुर सिटी एफसी र एफसी चितवन आइतबार भिड्दै छन् । खेल काठमाडौंको दशरथ रंगशालामा साँझ ५ बजेबाट सुरु हुनेछ ।

कागजमा दावेदारको रुपमा रहेका यी दुई टोलीको प्रदर्शन राम्रो भएपनि सोहीअनुसार नतिजा भने आएको छैन । विदेशी प्रशिक्षकको नेतृत्वमा दुवै टोलीले सटिक योजना अनुसार खेल्ने प्रयास गरेको भने प्रष्ट देखिन्छ । स्तरीय विदेशी खेलाडीसहित नेपाली खेलाडीको राम्रो सम्मिश्रण रहेका यी दुई टोलीको खेल रोमान्चक हुने अपेक्षा गरिएको छ ।

यसका बाबजुद आ-आफ्नो व्यवस्थापनले अपेक्षा गरेको भन्दा दुवै टोलीको अवस्था फरक छ । ललितपुर अहिलेसम्म अपराजित छ, तर आफ्नो चार मध्य तीन खेलमा अंक गुमाएको छ, सम्भावित १२ बाट ६ अंक मात्र जोडेको छ । चितवनले ४ खेलमा १ जित, २ बराबरी र १ हारका साथ ५ अंक मात्र जोडेको छ ।

ललितपुरका स्ट्राइकर पापा इबु केबे ह्यामस्ट्रिङको चोटबाट गुज्रिरहेका छन् जसले ललितपुरका मुख्य प्रशिक्षक इयान एन्ड्र्यु गिलानको सेटअपमा बाधा पुगेको छ । ललितपुरको टोली राम्रो नेपाली खेलाडीले भरिएको छ तर केबेको चोटपछि गोल निकाल्न संघर्ष गरिरहेको छ । वीरगन्जविरुद्ध २-२ को बराबरीमा भने ललितपुरले रक्षात्मक रुपमा बिर्सनलायक प्रदर्शन गरेको थियो ।

ललितपुरजस्तै चितवनको पनि सुरुवात सोचेजस्तो भएको छैन । लिगमा दुई बराबरी गरेको चितवनको दुवै बराबरी खेलको अन्तिम समयमा गोल खाएर भएको थियो । अग्रता रहेपनि दुइ खेलमा चितवनले अन्तिम समयमा अग्रता जोगाउन सकेको छैन ।

सिजन सुरु हुन अगावै प्रशिक्षक परिवर्तन गरेको चितवनले रक्षापंक्तिका इभान गोन्जालेजको स्थानमा अर्का रक्षक मार्को इभानोभिचलाई डाकेको छ । मिडफिल्डमा टोरीच जेब्रिन र अफ्रिए अक्वाहलाई उत्सव राईले साथ दिएका छन् ।

आज जित हासिल गर्न सकेमा ललितपुर अंक तालिकाको शीर्षस्थानमा उक्लनेछ भने चितवनले पनि पहिलो र दोस्रो स्थानमा रहेका धनगढी र पोखरासँग अंक बराबरी गर्नेछ ।

एनएसएलको सम्पूर्ण जानकारी यहाँ

February 23, 2024

साम्बाले समर्थकलाई दिइन् धन्यवाद

काठमाडौं (हाम्रो खेलकुद) – राष्ट्रिय महिला फुटबल टोलीबाट ५० अन्तर्राष्ट्रिय गोल पूरा गरेपछि सावित्रा भण्डारी साम्बाले आफ्ना समर्थकलाई धन्यवाद दिएकी छिन् । साउदी अरेबियामा जारी वाफ च्याम्पियनसिपमा बिहीबार आयोजक इराकविरुद्ध ५–० को जितमा सबै गोल गरेकी साम्बाको ५० गोल पूरा भएको थियो । अन्तर्राष्ट्रिय फुटबलमा नेपालका लागि ५० गोल पूरा गर्ने उनी पहिलो खेलाडी हुन् […]

February 23, 2024

केपी ओली कप आज देखि 

काठमाडौँ (हाम्रो खेलकुद) – नेपाल युवा संघको आयोजनामा दोस्रो संस्करणको केपी ओली कप फूटबल प्रतियोगिता आज देखि सुरु हुदैँ छ । उद्घाटन खेलमा आयोजक केपी ओली एफसी र ए डिभिजन लिग विजेता चर्च ब्वाइज युनाइटेड भिड्ने छन् । खेल सातदोबाटो स्थित एन्फा कम्प्लेक्समा दिउसो ३ बजे सुरु हुने छ । खेल अघि १ बजे बाट […]

February 23, 2024

नेदरल्याण्ड्सले नामिबियाविरुद्ध टस जितेर फिल्डिङ गर्दै

काठमाडौं (हाम्रो खेलकुद) – आईसिसि लिग-२ अन्तर्गत काठमाडौंमा जारी त्रिकोणात्मक सिरिज अन्तर्गतको खेलमा नेदरल्याण्ड्सले नामिबिया विरुद्ध टस जितेर फिल्डिङ रोजेको छ । कप्तान स्कट एडवार्ड्सले टस जितेर पहिले फिल्डिङ रोजेका हुन् । खेलको सुरुवात ढिलो हुने भएपछि खेल ४५ ओभरमा घटाइएको छ । बिहिवारका वर्षाका कारण आउटफिल्ड नसुकेका कारण खेल सुरु हुन ढिला भएको हो […]

Success

Thank you for your time.