default_image

2 months ago

December 10, 2023

पहिलो हाफमा ललितपुरको अग्रता

काठमाडौं (हाम्रो खेलकुद) – नेपाल सुपर लिग (एनएसएल) मा आइतबार जारी खेलको मध्यान्तर सम्म ललितपुर सिटी एफसीले एफसी चितवन विरुद्ध १-० को अग्रता लिएको छ । ललितपुरका लागि पापा केबेले गोल गर्दै अग्रता दिलाएका हुन् । दोस्रो संस्करण सुरू हुनु अगावै उपाधि दाबेदार मानिएका यी दुई टोलीको पहिलो हाफको खेल प्रतिस्पर्धात्मक भएको छ । अवसरहरू […]

341 views

0 Bookmark

काठमाडौं (हाम्रो खेलकुद) – नेपाल सुपर लिग (एनएसएल) मा आइतबार जारी खेलको मध्यान्तर सम्म ललितपुर सिटी एफसीले एफसी चितवन विरुद्ध १-० को अग्रता लिएको छ । ललितपुरका लागि पापा केबेले गोल गर्दै अग्रता दिलाएका हुन् ।

दोस्रो संस्करण सुरू हुनु अगावै उपाधि दाबेदार मानिएका यी दुई टोलीको पहिलो हाफको खेल प्रतिस्पर्धात्मक भएको छ । अवसरहरू दुबै टोलीबाट सिर्जना भएपनि ललितपुरले धेरै स्पष्ट मौकाहरु बनाएको छ ।

खेलको पहिलो अवसर भने चितवनले सिर्जना गरेको थियो तर अमिनुले प्रहार गर्नु अघि अनन्त तामाङले बल क्लियर गरिदिए । सातौं मिनेटमा चितवनले अर्को मौका बनायो । विमल घर्तीमगरले अमिनुलाई दिएको पासमा अमिनुले रोशन राना मगरलाई स्पेशमा दिएको पासमा उनको प्रहार सनिश श्रेष्ठले ब्लक गरे ।

सनिशलाई त्यसपछि केही मेडिकल सहायता चाहिएको थियो । उनी चोटग्रस्त देखिएपनि फिजियोको उपचारपछि मैदानमै रहे । १३औं मिनेटमा ललितपुर गोलरक्षक बाल्टुसको लामो पास चितवनले क्लियर नगरेपछि दिनेश हेन्जनलाई अवसर सृजना भएको थियो तर उनको प्रहार विशालले बचाएर कर्नरका लागि फालिदिए ।

१५औं मिनेटमा इमोहको क्रसमा केबेले बक्स भित्रबाट प्रहार गर्न सकेनन् । १८औं मिनेटमा चितवनले डिफेन्स लाईनमा मिसपास खेलेपछि इमोह इजिकिएलले पाएको बलमा पापा केबेलाई पास दिए तर उनको प्रहार विशालले बचाए ।

अर्को मिनेटमा भने ललितपुरले खेलमा अग्रता लियो । पहिलो केही खेलमा चोटका कारण सुरुवाती ११ मा नरहेका केबेले गोल गर्दै अग्रता दिलाएका थिए । उनले दिनेश हेन्जनको क्रसमा गोलपोस्टको नजिक बाट गोल गरेका थिए ।

२७औं मिनेटमा निखिलको बक्स बाहिरबाट लिएको प्रहार युसुफ मुबारकले ब्लक गरे । २९औं मिनेटमा विमलको प्रहार ललितपुर गोलरक्षक बाल्टुसले बचाउ गरे ।

३१औं मिनेटमा अमिनुले एकल रन बनाउँदै बक्स भित्रबाट स्पेश बनाएर गरेको प्रहार सिधै बाल्टुसलाई लाग्न पुग्यो । ४०औं मिनेटमा इमोहलाई बक्स बाहिर फाउल गरेपछि ललितपुरले मुबारकको लागि रातो कार्डको अपिल गरेको थियो तर रेफ्रीले पहेँलो कार्ड मात्र दिए ।

४५औं मिनेटमा इमोहको प्रहार युसुफलाई लागेर क्रसबारको माथिल्लो भागमा लागेर बाहिरिन पुग्यो र ललितपुर अग्रता दोब्बर बनाउन बाट चुक्यो ।

February 22, 2024

लिभरपुलको सानदार जित

एजेन्सी- लिभरपुलले इंग्लिस प्रिमियर लिगमा विजयी भएको छ। लिभरपुलले बुधबार लुटन टाउनलाई ४–१ गोलले हराएको हो । लिभरपुलका लागि भर्जिल भान डाइक, कोडी गाक्पो, लुइस डियाज र हार्भे इलियटले गोल गरे । खेलमा अग्रता भने लुटनले‌ लिएको थियो। चियोडोजी ओग्बेनेले १२औं मिनेटमा गोल गरेका थिए। भान डाइकले ५६ औं मिनेटमा बराबरी गोल फर्काएका थिए। गाक्पोले ५८औं […]

February 22, 2024

बार्सिलोना बराबरीमा‌ रोकियो

एजेन्सी- बार्सिलोना च्याम्पियन्स लिगको अन्तिम १६ को पहिलो लेगमा बराबरी रोकिएको छ। बुधबार बार्सिलोना र नेपोलीले १–१ को बराबरी खेलेका हुन् । नेपल्समा भएको खेलमा बार्सिलोनाले रोबर्ट लेवान्डोस्कीको गोलमा ७० औं अग्रता लिएको थियो । त्यसपछि ५ मिनेटपछि नेपोलीका लागि भिक्टर ओसिमहेनले बराबरी गोल फर्काएका थिए । अर्को अन्तिम १६ को पहिलो पोर्टोले आर्सनललाई १-० ले हराएको […]

February 22, 2024

पोर्टोसँग आर्सनलको हार

एजेन्सी- इंग्लिस प्रिमियर लिग टोली आर्सनल च्याम्पियन्स लिगको अन्तिम १६ को पहिलो लेगमा पराजित भएको छ। बुधबार पोर्टोले आर्सनललाई १-० ले हराएको हो ।इन्ज्युरी समयको चौथो मिनेटमा गालेनोले गोल गरेपछि पोर्टोको जित सम्भाव भएको हो । अन्तिम समयमा सम्हालिन नसक्दा आर्सनलले हार बेहोरेको छ। बराबरीतर्फ उन्मुख खेलमा ब्राजिलियन खेलाडीले उत्कृष्ट गोल गरेका हुन् । खेलमा दबाब […]

Success

Thank you for your time.