1 year ago
December 11, 2023
काठमाडौँ (हाम्रो खेलकुद) – नेपाल सुपर लिगको दोस्रो संस्करणको एकमात्र खेलमा आज पोखरा थन्डर्स र काठमाडौं रेजर्स भिड्दैछन् । खेल दशरथ रंगशालामा साँझ ५ बजे सुरु हुनेछ ।
चार खेलबाट आठ अंक जोडेको दोस्रो स्थानमा रहेको पोखरा जितसँगै तालिकाको शीर्षस्थानमा उक्लने छ । अर्कोतर्फ, काठमाडौंका लागि यो शीर्ष टोलीसंग अन्तर घटाउने अवसर हो ।
पोखरा प्रतियोगितामा सरप्राइज बनेको छ । सिजन सुरु हुनुअघि नै राम्रो भनेर आंकलन नगरिएको नविन न्यौपानेको टोली पोखरा चार खेलमा दुई जित र दुई बराबरी सहित अपराजित छ ।
गत सिजनको च्याम्पियन काठमाडौंले आफ्नो पहिलो खेलमा जित हात पारेको थियो । त्यसपछि लगातार बराबरीमा संघर्ष गरेको टोली चौथो खेलमा शनिबार बुटवलसँग पराजित भएको थियो । काठमाडौंले बुटवलविरुद्ध धेरै अवसर सिर्जना गर्न सकेन र खेलभर बुटवलको प्रभुत्व रह्यो ।
काठमाडौंले गोल गर्ने अवसर पाए पनि जित निकाल्न भने असफल रह्यो । हारका बाबजुद काठमाडौँको उज्बेकी जोडी शोखरुख र तोजिदिनोभ सधैं जस्तै जीवन्त थिए ।
प्रतियोगिताको आधा यात्रा सकिएसँगै दुवै टोलीले प्लेअफमा आँखा राखेका छन् र आज जित निकालेर आफ्नो सम्भावना बलियो बनाउन खोज्नेछन् ।
January 14, 2025
काठमाडौं (हाम्रो खेलकुद)- एन्फा महिला लिगको अन्तिम चरण अन्तर्गत आज नेपाल पुलिस क्लबले वालिङ नगरपालिकालाई ४-१ ले हराएको छ। जारी लिगमा पुलिसले वालिङलाई हराएको यो तेस्रो पटक हो। एन्फा कम्प्लेक्समा भएको खेलको १५औं मिनेटमा पुलिसले अग्रता बनायो। कप्तान निरु थापाले उत्कृष्ट शैलीमा बललाई कन्ट्रोल गर्दै हानेको भली प्रहार सुन्दर गोलमा परिणत भयो। कमजोर वालिङ विरुद्ध […]
January 13, 2025
सुनिल गाउँले, बारा जीतपुरसिमरा गोल्डकपको आयोजक नव जन जागृती युवा क्लब सिमराको छैठौं अधिवेशनले नयाँ नेतृत्व चयन गरेको छ । सिमरा रंगशालामा निर्माण भइरहेको एकेडेमी भवनको सभाहलमा सोमवार भएको अधिवेशनले रामचन्द्र लामाको अध्यक्षतामा १७ सदस्यीय नयाँ कार्य समिति सर्वसम्मत चयन गरेको हो । यसअघि पनि लामा नै अध्यक्ष थिए। कार्यसमितिको प्रथम उपाध्यक्षमा शंकर थापा, द्वितीय […]
January 13, 2025
काठमाडौं (हाम्रो खेलकुद)- एन्फा महिला लिगको अन्तिम चरण अन्तर्गत आज त्रिभुवन आर्मी फुटबल क्लबले बागमती युथ क्लबलाई ३-० ले हराएको छ। आर्मीको जितमा सपना लामा, पुनम जर्घा मगर र चन्द्रा भण्डारीले गोल गरे। विमला चौधरीले दुई असिस्ट गरिन् । एन्फा कम्प्लेक्समा भएको खेलको सुरुवातमा नै आर्मीले अग्रता बनायो। छैटौं मिनेटमा विमलाको सटिक क्रसमा सपनाको क्लोज […]
