default_image

2 months ago

December 19, 2023

एन्फा विधान विपरित निर्णयविरुद्ध ९ जना एक ठाँउमा !

काठमाडौं (हाम्रो खेलकुद)– बहुमतको आडमा आफ्नै विधान र नियमावलीविरुद्ध गरिएका निर्णय मान्न नसकिने र त्यसकाविरुद्ध कदम चाल्ने अखिल नेपाल फुटबल संघ (एन्फा) को असन्तुष्ट पक्षले बताएका छन् । एन्फा वरिष्ठ उपाध्यक्ष वीरबहादुर खड्काको नेतृत्वमा मंगलबार पत्रकार सम्मेलन गर्दै असन्तुष्ट पक्षले आफ्नो धारण सार्वजनिक गरेको छ । एन्फाका पूर्व महासचिव इन्द्रमान तुलाधरलाई सोमबारको बैठकबाट सिइओ नियुक्त […]

238 views

0 Bookmark

काठमाडौं (हाम्रो खेलकुद)– बहुमतको आडमा आफ्नै विधान र नियमावलीविरुद्ध गरिएका निर्णय मान्न नसकिने र त्यसकाविरुद्ध कदम चाल्ने अखिल नेपाल फुटबल संघ (एन्फा) को असन्तुष्ट पक्षले बताएका छन् ।

एन्फा वरिष्ठ उपाध्यक्ष वीरबहादुर खड्काको नेतृत्वमा मंगलबार पत्रकार सम्मेलन गर्दै असन्तुष्ट पक्षले आफ्नो धारण सार्वजनिक गरेको छ । एन्फाका पूर्व महासचिव इन्द्रमान तुलाधरलाई सोमबारको बैठकबाट सिइओ नियुक्त गर्ने निर्णय नियमावलीविरुद्ध भएको भन्दै वरिष्ठ उपाध्यक्ष खड्काले त्यो निर्णय कुनै हालतमा मान्न नसकिने बताएका छन् ।

‘आफ्नै नियमावली र निर्णयविरुद्ध बैठकबाट निर्णय गरिएको छ । बहुमतका आडमा नियमावलीविरुद्ध निर्णय गरिनु गलत हो,’ खड्काले भने, ‘यो निर्णयकोविरुद्ध अन्तिम सम्म लड्ने छु । अनुशासन समिति, राष्ट्रिय खेलकुद परिषद् (राखेप), मन्त्रालयमा यो निर्णयकाविरुद्ध जानेछौं । त्यहाँबाट पनि भएन भने अदालत पनि जानेछौं ।’

गत वर्ष एन्फा निर्वाचनमा अलग अलग समूहबाट निर्वाचित मध्ये दुई समूहबाट ३ पदाधिकारीसहित ९ जना कार्यसमिति सदस्य यसपटक एक ठाँउमा उभिएका छन् । जसमा खड्कासहित, उपाध्यक्ष विराटजंग शाही, दीर्घ (कुमार) बहादुर केसी, सदस्यहरु पेमा डोल्मा लामा, रमेश बन्जनकार, अनिल मल्ल, भोजराज शाही, रवीन्द्र चन्द र रुपेश अधिकारी छन् । बन्जनकार र शाहीबाहेक ७ जना पत्रकार सम्मेलनमा उपस्थिति थिए ।

उपाध्यक्ष केसीले पहिलो बैठकबाट बहुमत र अल्पमतका रुपमा निर्णय हुने अवस्था आएको स्मरण गर्दै भनेका थिए, ‘त्यति बेला नै मैले भनेको थिए । पहिलो बैठकमा नै बहुमत र अल्पमतका आधारमा निर्णय हुन थाल्यो भने पछि संघ चलाउन कठिन हुन्छ । आज अवस्था त्यहि भएको छ ।’

वरिष्ठ उपाध्यक्ष खड्काले विगतमा एन्फाका वर्तमान अध्यक्ष पंकजविक्रम नेम्वाङ र आफुसहितले विधान सम्मत संघ चलाउनुपर्ने तत्कालिन अध्यक्ष कर्माछिरिङ शेर्पाविरुद्ध अभियान चलाएको स्मरण गर्दै भने, ‘अहिले पंकजजी नै विधान विपरित निर्णय गराउँन लाग्नुभएको छ । हामी यसको विरोध गछौं।’

कार्यसमिति बैठकले गरेको विभिन्न निर्णय मध्ये ६ वटा निर्णय विधान विपरित रहेको भन्दै असन्तुष्ट पक्षले विरोध जनाएको हो ।
मध्यपुर युथ एसोसिएसनविरुद्धको कारवाही न्याय संगत नभएको असन्तुष्ट पक्षले कार्यसमिति बैठकमा महिला संघको प्रतिनिधित्व नगराउनुलाई पनि राम्रो मान्न नसकिने बताएको छ ।

विधान विपरित राष्ट्रिय लिग खेल्ने ४ क्लबको मताधिकार खोसेको, सहायक महासचिव बसन्त अर्यालले पदबाट राजीनामा दिइसकेको भन्दै अध्यक्ष नेम्वाङ झुट बोलेको आरोप पनि असन्तुष्ट पक्षले लगाएको छ । विधान विपरित इन्ट्रिगिटी अफिसर नियुक्त गरिएको आरोप पनि सो समूहले लगाएको छ ।

‘बसन्त जीले सहायक महासचिवबाट राजीनामा दिइसकेको र उहाँलाई आर्थिक समितिको संयोजक बनाउने भने अध्यक्षले प्रस्ताव गर्नुभएको थियो,’ खड्काले भने, ‘राजीनामा पत्र देखाउनहोस् भन्यौं । मसँग छ भन्नुभयो । बसन्तले मैले राजीनामा दिएको छैन भन्नै बैठक छाडेर हिड्नुभयो । अध्यक्षले सरासर झुट बोल्नुभयो ।’

अर्का उपाध्यक्ष शाहीले वर्तमान अध्यक्षलाई कसरी जितायौं नजाउँ भन्दै अगाडि भने, उहाँ चतुर खेलाडी हो । टुटाउने फुटाउने रहेछ । क्यालेन्डर निकाल्नु भनेर कति पटक भने ल्याउन सक्नुभएको छैन । सदस्य लामाले महिलाहरुको सम्मान नभएपछि आफूले बैठक बहिष्कार गरेको र महिलाको सम्मानका लागि भविष्यमा लड्ने बताइन् ।

सदस्य मल्लले विधान विपरित कामलाई आफूले विगत देखि नै उठाउँदै आएकोले भविष्यमा पनि यसलाई जारी राख्ने र केहि दिनमा पुनःपत्रकार सम्मेलन गर्ने बताए । सदस्य अधिकारीले बहुमतको नाममा विधान विपरित आफु खुसी निर्णय हुन थालेकोले त्यसको विरोध गर्न आवश्यक रहेको बताएका छन् ।

February 28, 2024

प्रितीको विजयी गोल फिजियो नविनालाई समर्पण

काठमाडौं (हाम्रो खेलकुद) – स्टार मिडफिल्डर प्रिती राईले वाफ च्याम्पियनसिप २०२४ को सेमिफाइनलमा गरेको विजयी गोल फिजियोथेरापिस्ट नविना श्रेष्ठ वैद्यलाई समर्पित गरेकी छिन् । लेवनानविरुद्ध दोस्रो हाफको इन्ज्युरी समयमा प्रितीले पेनाल्टी क्षेत्र बाहिरबाट सानदार गोल गर्दै नेपालको २-१ को जित पक्का गरेकी थिइन् । उनकै गोलमा नेपालले फाइनलमा स्थान बनाएको थियो । खेलपछि बोल्दै प्रितीले […]

February 28, 2024

साम्बाले फाइनल खेल्ने अन्यौलमा!

काठमाडौं (हाम्रो खेलकुद) – नेपाली महिला राष्ट्रिय टोलीले वाफ च्याम्पियनसिप २०२४ को फाइनलमा स्थान बनाउँदा स्टार फरवार्ड सावित्रा भण्डारी साम्बाले खेल्ने-नखेल्ने अन्यौल रहेको छ । नेपालले मंगलबार सम्पन्न सेमिफाइनलमा लेवनानलाई २-१ ले पराजित गर्दै फाइनलमा स्थान बनाएको हो । उक्त खेलमा नेपालका लागि बराबरी गोल समेत गरेकी साम्बा फाइनलमा भने अनुपस्थित रहने सम्भावना छ । […]

February 28, 2024

अन्तिम समयमा प्रितीको गोलसँगै नेपाल फाइनलमा

काठमाडौं (हाम्रो खेलकुद) – इन्ज्युरी समयमा प्रिती राईले उत्कृष्ट गोलसँगै नेपाल लेबनान विरुद्ध पुनरागमन जित दर्ता गर्दै पश्चिम एसियाली फुटबल एसोसिएसन (वाफ) महिला च्याम्पियनसिपको फाइनल प्रवेश गरेको छ । साउदी अरेबियामा जारी प्रतियोगितामा मंगलबार पहिलो हाफमा १-० ले पछि परेको अवस्था उल्ट्याउँदै नेपालले प्रितीको गोलमा २-१ को नाटकीय जित दर्ता गरेको हो । खेल १-१ […]

Success

Thank you for your time.