default_image

2 months ago

December 23, 2023

नियाको गोलमा काठमाडौंलाई अग्रता

काठमाडौं (हाम्रो खेलकुद) – दोस्रो संस्करणको नेपाल सुपर लिग अन्तर्गत लिग चरणको पहिलो खेलमा काठमाडौं रेजर्सले ललितपुर सिटी एफसी विरुद्ध मध्यान्तर सम्म १-० को अग्रता बनाएको छ । प्लेअफमा आफ्नो स्थान बनाउन आज जित्नै पर्ने दवावमा रहेको काठमाडौंका लागि आन्द्रेस नियाले गोल गरेका हुन् । सुरुवाती समयदेखि निकै आक्रामक देखिएको काठमाडौंले पहिलो हाफको इन्ज्युरी समयमा […]

273 views

0 Bookmark

काठमाडौं (हाम्रो खेलकुद) – दोस्रो संस्करणको नेपाल सुपर लिग अन्तर्गत लिग चरणको पहिलो खेलमा काठमाडौं रेजर्सले ललितपुर सिटी एफसी विरुद्ध मध्यान्तर सम्म १-० को अग्रता बनाएको छ ।

प्लेअफमा आफ्नो स्थान बनाउन आज जित्नै पर्ने दवावमा रहेको काठमाडौंका लागि आन्द्रेस नियाले गोल गरेका हुन् । सुरुवाती समयदेखि निकै आक्रामक देखिएको काठमाडौंले पहिलो हाफको इन्ज्युरी समयमा अग्रता लिएको हो । प्लेअफमा पुगिसकेको ललितपुर सिटीले भने आज स्वभाविक खेल पस्कन सकेको छैन ।

खेलको दोस्रो मिनेटमा नै काठमाडौंका अमित तामाङको क्रस ललितपुर गोलरक्षक जेफ्री बाल्टुसले समाते । छैठौं मिनेटमा ललितपुरका निखिल कदमका लागि पोस्टमा प्रहार गर्ने राम्रो अवसर थियो तर उनले पास खेल्न खोजेपछि मौका खेर गयो । सोही मिनेटमा अर्कोतर्फ काउन्टरमा शोखरूखको प्रहार ओमोलाजा करिमले ब्लक गरे ।

१०औं मिनेटमा दिनेश हेन्जनको क्रसमा कदमले एक्रोबेटिक प्रहार गर्न खोज्दा बलमा सम्पर्क बनाउन सकेनन् ।

२०औं मिनेटमा ललितपुर स्ट्राइकर पापा केबेको क्रस अमित तामाङले क्लियर गरे । ३४औं मिनेटमा पापाले निखिलका लागि खेलेको थ्रु-पास काठमाडौं गोलरक्षक एन्जल श्रेष्ठ बक्सको छेउमा आएर क्लियर गरे ।

३६औं मिनेटमा अनन्त तामाङको फ्रिकिक आकाशियो । ४३औं मिनेटमा भने ललितपुरलाई एक गोल पछाडि हुनबाट क्रसबारले बचायो । शोखरुखको फ्रिकिक बाल्टुसको पहुँचबाट टाढा क्रसबार्मा लाएर फर्कियो ।

थपिएको समयको पहिलो मिनेटमा शोखरुखको प्रहार अनन्तलाई लागेर बाहिरियो । त्यसपछिको कर्नरमा भने काठमाडौँले अग्रता लियो ।

छोटो कर्नर खेलेर तोजीदिनोभ कोमीवनले खेलेको क्रसमा आन्द्रेस नियाले हेडर मार्फत गोल गर्दै खेलमा काठमाडौंलाई अग्रता दिलाए ।

ललितपुर ७ खेलमा १० अंकसहित तेस्रो स्थानमा रहेको छ। आजको पहिलो खेलमा वीरगन्जले बुटवल विरुद्ध हार बेहोरेसंगै ललितपुरको शिर्ष चारमा स्थान पक्का भएको हो। आज जित हासिल गर्न सके ललितपुर दोस्रो स्थानमा रहदै पोखरा विरुद्ध क्वालीफायर खेल्ने छ। उता काठमाडौँ पनि आज जित हासिल गर्न सकेमा झापाको यात्रा समाप्त गर्दै प्लेअफमा आफ्नो स्थान पक्का गर्ने छ।

एनएसएलमा लिग तालिकाको शीर्ष २ टोलीले सिधै फाइनलमा छनोट हुने क्वालिफायर खेल खेल्नेछन् । क्वालिफायरमा पराजित हुने टोलीले भने लिगको तेस्रो र चौथो स्थान प्राप्त गर्ने टोलीको विजेतासँग अर्को क्वालिफायर खेल्न पाउनेछ । पोखरा थन्डर्सले पहिलो स्थान सुरक्षित गर्दै प्लेअफमा आफ्नो स्थान बनाइसकेको छ ।

February 23, 2024

क्रुसले सन्यास फिर्ता लिए

एजेन्सी – स्पेनिस क्लब रियल म्याड्रिडका प्रभावशाली जर्मन मिडफिल्डर टोनी क्रुसले अन्तर्राष्ट्रिय खेलबाट लिएको सन्यास फिर्ता लिएका छन् । जर्मनीको राष्ट्रिय टोलीका मुख्य प्रशिक्षक जुलियन नागेल्सम्यानसँगको वार्तापछि क्लब फुटबलमा लगातार उच्च प्रदर्शन गरिरहेका ३४ वर्षीय क्रुसले आफ्नो सन्यास फिर्ता लिएका हुन् । जर्मनीले यसैवर्ष युरोकप २०२४ को आयोजना गर्दैछ । घरेलु मैदानमा हुने युरोकपलाई नै […]

February 23, 2024

साम्बाले समर्थकलाई दिइन् धन्यवाद

काठमाडौं (हाम्रो खेलकुद) – राष्ट्रिय महिला फुटबल टोलीबाट ५० अन्तर्राष्ट्रिय गोल पूरा गरेपछि सावित्रा भण्डारी साम्बाले आफ्ना समर्थकलाई धन्यवाद दिएकी छिन् । साउदी अरेबियामा जारी वाफ च्याम्पियनसिपमा बिहीबार आयोजक इराकविरुद्ध ५–० को जितमा सबै गोल गरेकी साम्बाको ५० गोल पूरा भएको थियो । अन्तर्राष्ट्रिय फुटबलमा नेपालका लागि ५० गोल पूरा गर्ने उनी पहिलो खेलाडी हुन् […]

February 23, 2024

केपी ओली कप आज देखि 

काठमाडौँ (हाम्रो खेलकुद) – नेपाल युवा संघको आयोजनामा दोस्रो संस्करणको केपी ओली कप फूटबल प्रतियोगिता आज देखि सुरु हुदैँ छ । उद्घाटन खेलमा आयोजक केपी ओली एफसी र ए डिभिजन लिग विजेता चर्च ब्वाइज युनाइटेड भिड्ने छन् । खेल सातदोबाटो स्थित एन्फा कम्प्लेक्समा दिउसो ३ बजे सुरु हुने छ । खेल अघि १ बजे बाट […]

Success

Thank you for your time.