default_image

2 months ago

December 25, 2023

पोखरा र धनगढी फाइनल प्रवेशका लागि भिड्दै

काठमाडौं (हाम्रो खेलकुद) – नेपाल सुपर लिग (एनएसएल) को दोस्रो संस्करणमा अब ४ खेल बाँकी रहेका छन् । त्यसमध्येको पहिलो क्वालिफायरमा आज (सोमबार) पोखरा थन्डर्स र धनगढी एफसीबीच प्रतिस्पर्धा हुँदैछ । ८ खेलको लिग चरणमा पोखरा शीर्ष स्थान र धनगढी दोस्रो स्थानमा रहँदै क्वालिफायरमा पुगेका थिए । ललितपुरले काठमाडौं विरुद्ध लिगको अन्तिम खेलमा जित हासिल […]

755 views

0 Bookmark

काठमाडौं (हाम्रो खेलकुद) – नेपाल सुपर लिग (एनएसएल) को दोस्रो संस्करणमा अब ४ खेल बाँकी रहेका छन् । त्यसमध्येको पहिलो क्वालिफायरमा आज (सोमबार) पोखरा थन्डर्स र धनगढी एफसीबीच प्रतिस्पर्धा हुँदैछ ।

८ खेलको लिग चरणमा पोखरा शीर्ष स्थान र धनगढी दोस्रो स्थानमा रहँदै क्वालिफायरमा पुगेका थिए । ललितपुरले काठमाडौं विरुद्ध लिगको अन्तिम खेलमा जित हासिल गर्न नसकेपछि धनगढीको दोस्रो स्थान पक्का भएको हो । पोखराले भने अन्तिम खेल अगावै शीर्ष दुईमा आफ्नो स्थान पक्का गरिसकेको थियो । धनगढी लगातार दोस्रो र पोखरा पहिलो पटक क्वालिफायरमा पुगेको हो । त्रिपुरेश्वरस्थित दशरथ रंगशालामा जारी लिगको आज हुने खेल साँझ साढे ५ बजे सुरु हुनेछ ।

पाँचौं स्थानमा रहँदै पहिलो संस्करणको यात्रा अन्त्य गरेको पोखराले यसपटक उच्च प्रदर्शन गर्यो । त्यति बेला ६ खेलमा समान २ जित, २ बराबर र २ हारका साथ ८ अंक जोडेको पोखरो यसटक ८ खेलमा ४ जित, ३ बराबर र १ खेलमा हार बेहोर्यो । टोलीले लिग चरणमा यसपटक १५ अंक बटुलेको थियो । यसपटक पोखरा एकमात्र खेलमा काठमाडौं रेजर्ससँग २–१ ले पराजित भएको थियो ।

नवीन न्यौपानेको प्रशिक्षणमा रहेको पोखराले लिग चरणमा ८ गोल गर्दा ५ गोलको सामना गरेको थियो । अघिल्लो संस्करणमा पनि पोखरा न्यौपानेकै प्रशिक्षणमा थियो । तर, व्यक्तिगत कारणले उनले यसपटक जस्तो पूरा समय टोलीलाई दिन पाएका थिएनन्। लिग चरणकै लय कायम राख्दै फाइनल पुग्ने लक्ष्य रहेको प्रशिक्षक न्यौपानेले बताएका छन् ।

पोखराले लिगको आफ्नो अन्तिम धनगढीसँग खेलेको थियो । त्यो खेल १–१ को बराबरीमा टुंगिएको थियो । यसपटक धनगढीले ८ खेलमा ३ जित, ४ बराबरी र १ हार बेहोर्दै १३ अंक बटुलेको थियो । धनगढीले ८ गोल गर्दा ७ गोलको सामना गरेको थियो । यसपटक पनि धनगढीलाई प्रशिक्षक युगल किशोर राईले सम्हालेका छन् । उनले पोखरालाई बलियो टोलीका रुपमा लिएको बताएका छन् ।

पहिलो संस्करणको लिग चरणमा धनगढीले ६ मध्ये ३ जित, १ बराबर र २ खेलमा हार बेहोरेको थियो । त्यति बेला क्वालिफायरमा काठमाडौं रेजर्सलाई २–१ ले हराउँदै फाइनलमा पुगेको थियो । फाइनलमा त्यहि काठमाडौंसँग १–० ले पराजित धनगढी दोस्रो बनेको थियो । त्यसअघि लिगमा धनगढीले पोखरालाई १–० ले हराएको थियो ।

आज हुने खेलको विजेताले सिधै फाइनलमा प्रवेश पाउनेछ । पराजित हुने टोलीले फाइनल पुग्नका लागि अर्को एउटा मौका पाउनेछ । आजको पराजित टोली र बुधबार एलिमिनेटर खेल्ने काठमाडौं र ललितपुर सिटी एफसीबीचको विजेतासँग खेल्नुपर्ने छ । अर्को खेल कुर्नुभन्दा पनि आजको खेल जितेर सिधै फाइनल पुग्नेमा पोखरा र धनगढीबीच हुने रस्साकस्सी रोचक हुने अपेक्षा गरिएको छ ।

February 23, 2024

झापा गोल्ड कपको मुख्य प्रायोजक यती ब्रुअरी

हिमाल खरेल, बिर्तामोड झापा गोल्ड कपको छैटौँ संस्करणका लागि मुख्य प्रायोजकसँग सम्झौता भएको छ । छैटौँ झापा गोल्ड कपलाई यती ब्रुअरीको उत्पादन अर्नाले गर्ने भएको छ । झापाको बिर्तामोडस्थित सहारा नेपाल साकोसको कन्फ्रेन्स हलमा शुक्रबार (आज) पत्रकार सम्मेलन गरेर मुख्य प्रायोजक अर्ना र झापा गोल्ड कपबीच सम्झौतामा हस्ताक्षर तथा आदान–प्रदान भएको हो । झापा गोल्ड […]

February 23, 2024

चाबहिल र एनआरटी फाइनलमा

सुशिल पन्त क्षेत्री ,भरतपुर चाबहिल भेट्रान ललितपुर र एनआरटी एफसी स्व दीलिप राणा स्मृति अन्तर्राष्ट्रिय आमन्त्रण फुटबल प्रतियोगिताको उपाधिका भिड्ने भएका छन् । शुक्रबार पहिलो सेमिफाइनलमा साविक विजेता फ्रिडम फाइटरलाई हराउँदै चाबहिल भेट्रानले फाइनलमा स्थान बनायो । प्रतिस्पर्धात्मक खेलमा चाबहिलले फ्रिडमलाई ३–२ ले निराश बनायो । त्यसअघि निर्धारित समय २–२ को बराबरीमा सकिएको थियो । […]

February 23, 2024

आयोजक केपी ओली एफसी विजयी

काठमाडौं (हाम्रो खेलकुद) – दोस्रो संस्करणको केपी ओली कप फुटबल प्रतियोगिताको उद्दघाटन खेलमा आयोजक केपी ओली एफसी विजयी भएको छ । राष्ट्रिय युवा संघले आयोजना गरेको प्रतियोगितामा एन्फा कम्प्लेक्समा भएको खेलमा केपी ओली एफसीले चर्च ब्वाइज युनाइटेड माथि ३-० को जित हात पारेको हो । खेलको सबै गोल दोस्रो हाफमा आएको थियो । खेलको पहिलो […]

Success

Thank you for your time.