default_image

2 months ago

December 25, 2023

पहिलो क्वालिफायर अतिरिक्त समयमा लम्बियो

काठमाडौं (हाम्रो खेलकुद) – नेपाल सुपर लिग (एनएसएल ) मा पोखरा थन्डर्स र धनगढी एफसी बीच सोमबार जारी पहिलो क्वालिफायर खेल अतिरिक्त समयमा धकेलिएको छ । निर्धारित ९० मिनेटको समयमा दुबै टोलीले १-१ को बराबरी खेलेपछि खेल ३० मिनेटको अतिरिक्त समयमा लम्बिएको छ । पहिलो हाफमा पोखराले खेलमा आफ्नो पकड बनाउँदै खेलमा अग्रता लिएको थियो […]

768 views

0 Bookmark

काठमाडौं (हाम्रो खेलकुद) – नेपाल सुपर लिग (एनएसएल ) मा पोखरा थन्डर्स र धनगढी एफसी बीच सोमबार जारी पहिलो क्वालिफायर खेल अतिरिक्त समयमा धकेलिएको छ ।

निर्धारित ९० मिनेटको समयमा दुबै टोलीले १-१ को बराबरी खेलेपछि खेल ३० मिनेटको अतिरिक्त समयमा लम्बिएको छ ।

पहिलो हाफमा पोखराले खेलमा आफ्नो पकड बनाउँदै खेलमा अग्रता लिएको थियो । तर दोस्रो हाफको सुरुवात देखि नै धनगढीले खेलमा लगातार आक्रमण गर्दै बराबरी गोल गर्न सफल भयो ।

खेलको तेस्रो मिनेटमा नै पोखराका सुरज जिउ ठकुरीको कर्नर क्लियर भएपश्चात फ्रान्कलिन टाल्लाको हेडर धनगढीका गोलरक्षक मोहमद ताहाले बचाए । त्यसपछि जो आइडुको बक्स बाहिरको प्रहार आफ्नै टिममेटलाई लागेर बाहिरियो ।

पाँचौं मिनेटमा भने पोखराले खेलमा अग्रता लिन सफल भयो । स्टेफन अन्नोरको लामो पासलाई मोसेस ग्याबाले बायाँ फ्लान्कमा भेटाएपछि उनले खेलेको क्रसमा दिपेश आले मगरले पोस्टतर्फ प्रहार गर्न नसकेपनि बललाई आयुषको सामु डिफ्लेक्ट गरिदिए । आयुषले सो बलमा कुनै गल्ती नगरी पोखरालाई अग्रता दिलाए ।

आठौं मिनेटमा पोखराले अग्रता दोब्बर गर्ने अवसर गुमायो । दिनेश राजवंशीको लामो पासमा नरेन्द्र चौधरीको हेडरमा आयुषलाई स्पेसमा रन बनाउने राम्रो अवसर बनेको थियो । उनलाई सो रनमा आयुष चौधरीले रोक्न पुगेपनि उनले दिपेशलाई पास भने खेल्न भ्याए । तर सो पासमा दिपेशको प्रहार ताहाले बचाए ।

१८औं मिनेटमा अन्नोरको पासमा माेसेसको प्रहार पोस्टको दिशामा जान सकेन । २४औं मिनेटमा धनगढीले खेलमा पहिलो स्पष्ट मौका बनायो । अभिषेक गुरुङको क्रसमा अहमद हिजाजीको हेडर गाेललाइनमा नरेन्द्र चौधरीले ब्लक गरे ।

३१औं मिनेटमा जो आइडुको फ्रिकिक ताहाले बचाएर पोस्टमा धकेलिदिए । रिबाउन्डमा माेसेसको प्रहार पनि ताहाले बचाउन सफल भए ।

४७औं मिनेटमा हिजाजीले क्रस गर्न खोज्दा देवेन्द्र तामाङले बल क्लियर गरिदिए । त्यसपछिको कर्नरमा धनगढी बराबरी गर्नको निकाल नजिक आएर चुक्यो ।

कमल श्रेष्ठको कर्नरमा रिचार्ड अग्यमांगले फारपोस्टमा गरेको प्रहार क्रसबारमा लागेर फर्कियो । त्यसपछि ओलावाले अफिजको हेडर पोखरा गोलरक्षक यभ्स प्रिसोले बचाए ।

५४औं मिनेटमा हिजाजीको अर्को प्रहार प्रिसोले उत्कृष्ट बचाउ गरेर कर्नरका लागि फालिदिए । सो कर्नरमा भने धनगढीले बराबरी गोल गर्यो । अभिषेक गुरुङले कमल श्रेष्ठलाई खेलेको छोटो कर्नर पछि उनको क्रसमा देवेन्द्रले हेडर मार्फत गोल गर्दै धनगढीलाई खेलमा फर्काए ।

५५औं मिनेटमा आयुषको पासमा मोसेसको प्रहार ताहाले लाइन अगाडि आएर बचाए । अर्को मिनेटमा फलु डियाग्नेले हिजाजीका लागि खेलेको पास प्रिसोले बक्स बाहिर आएर क्लियर गरे । ६०औं मिनेटमा आशिष चौधरीको क्रसमा हिजाजीको हेडर पोस्टको माथिबाट बाहिरियो ।

७२औं मिनेटमा सुरजको लामो पासमा माेसेसले गरेको कटव्याकमा टाल्लाले खाली रहेको अवस्थामा बललाई पोस्ट तर्फ पठाउन सकेनन् । ७८औं मिनेटमा धनगढीका रामचन्द्र वाजीको भली सिधै प्रिसोको हातमा जान पुग्यो ।

७९औं मिनेटमा प्रिसोले उत्कृष्ट बचाउ गर्दै ओलावालेको प्रहारलाई टारे । ७३औं मिनेटमा अर्कोतर्फ ताहाले उत्कृष्ट बचाउ गर्दै आईडुको हेडरलाई विफल पारे ।

यी दुई टोली लिग तालिकाको शीर्ष दुई स्थानमा रहँदै क्वालिफायर १ का लागि छनोट भएका थिए । आजको विजेता सिधै फाइनलमा आफ्नो स्थान बनाउन सफल हुने छ । पराजय भोग्ने टोलीले अझै एक मौका प्राप्त गर्ने छ । आज पराजित हुने टोलीले तेस्रो र चौथो भएका काठमाडौं रेजर्स र ललितपुर सिटी एफसी बीचको विजेता विरुद्ध फाइनल प्रवेशका लागि क्वालिफायर २ खेल्नेछ ।

काठमाडौं र ललितपुर बीचको खेल मंगलबार हुनेछ । क्वालिफायर २ बिहीबार हुने छ । फाइनल शनिबार हुने छ ।

February 23, 2024

झापा गोल्ड कपको मुख्य प्रायोजक यती ब्रुअरी

हिमाल खरेल, बिर्तामोड झापा गोल्ड कपको छैटौँ संस्करणका लागि मुख्य प्रायोजकसँग सम्झौता भएको छ । छैटौँ झापा गोल्ड कपलाई यती ब्रुअरीको उत्पादन अर्नाले गर्ने भएको छ । झापाको बिर्तामोडस्थित सहारा नेपाल साकोसको कन्फ्रेन्स हलमा शुक्रबार (आज) पत्रकार सम्मेलन गरेर मुख्य प्रायोजक अर्ना र झापा गोल्ड कपबीच सम्झौतामा हस्ताक्षर तथा आदान–प्रदान भएको हो । झापा गोल्ड […]

February 23, 2024

चाबहिल र एनआरटी फाइनलमा

सुशिल पन्त क्षेत्री ,भरतपुर चाबहिल भेट्रान ललितपुर र एनआरटी एफसी स्व दीलिप राणा स्मृति अन्तर्राष्ट्रिय आमन्त्रण फुटबल प्रतियोगिताको उपाधिका भिड्ने भएका छन् । शुक्रबार पहिलो सेमिफाइनलमा साविक विजेता फ्रिडम फाइटरलाई हराउँदै चाबहिल भेट्रानले फाइनलमा स्थान बनायो । प्रतिस्पर्धात्मक खेलमा चाबहिलले फ्रिडमलाई ३–२ ले निराश बनायो । त्यसअघि निर्धारित समय २–२ को बराबरीमा सकिएको थियो । […]

February 23, 2024

आयोजक केपी ओली एफसी विजयी

काठमाडौं (हाम्रो खेलकुद) – दोस्रो संस्करणको केपी ओली कप फुटबल प्रतियोगिताको उद्दघाटन खेलमा आयोजक केपी ओली एफसी विजयी भएको छ । राष्ट्रिय युवा संघले आयोजना गरेको प्रतियोगितामा एन्फा कम्प्लेक्समा भएको खेलमा केपी ओली एफसीले चर्च ब्वाइज युनाइटेड माथि ३-० को जित हात पारेको हो । खेलको सबै गोल दोस्रो हाफमा आएको थियो । खेलको पहिलो […]

Success

Thank you for your time.