default_image

7 months ago

December 26, 2023

काठमाडौं विरुद्ध ललितपुरलाई २ गोलको अग्रता

677 views

0 Bookmark

काठमाडौं (हाम्रो खेलकुद) – नेपाल सुपर लिग(एनएसएल ) प्लेअफ इलिमिनेटर जारी खेलमा ललितपुर सिटी एफसीले मध्यान्तर सम्म काठमाडौं रेजर्स विरुद्ध २-० को अग्रता बनाएको छ ।

दशरथ रंगशालामा ललितपुरका लागि इमोह इजिकिएल र पापा केबेले समान एक गोल गरेका हुन् ।

खेलको दोस्रो मिनेटमा नै ललितपुर द्वय पापा केबे र दिनेश हेन्जनको बक्सको छेउमा वान-टु पछि दिनेशको प्रहार ब्लक भएर बाहिर गयो । चौथो मिनेटमा काठमाडौंका सुशील यादवको क्रस आज पहिलो खेल खेलिरहेका आश्विन घोरासैनीले राम्रो ब्लक गरे ।

आठौं मिनेटमा ललितपुरका निखिल कदमको क्रस कुलदीप कार्कीले क्लियर गरे ।

११औं मिनेटमा ललितपुरका इमोह इजिकिएलले किंगे ओलिभरको खुट्टाबाट बल खोसेर दिनेशका लागि दिएको कटब्याकमा उनले ओपन नेटमा गोल गर्न सकेनन् ।२२औं मिनेटमा निखिलको क्रस आन्द्रेस नियाले क्लियर गरे ।

३६औं मिनेटमा भने ललितपुरले खेलमा अग्रता लियो । सनीश श्रेष्ठको क्रस अन्जन राईले क्लियर गरेपछि राजीव लोप्चनको खुट्टामा लागेर पापा केबेका लागि अवसर सिर्जना भयो । तर उनको प्रहार काठमाडौं गोलरक्षक एन्जल श्रेष्ठले बचाएपनि रिबाउन्डमा इमोहले सहजै बललाई गाेलपोस्टमा पठाउँदै आफ्नो टोलीलाई अग्रता दिलाए ।

३९औं मिनेटमा काठमाडौँलाई खेलमा बराबरी गर्ने राम्रो फ्रिकिक अवसर आएको थियो तर शोखरुखले सो फ्रिकिक सिधै ललितपुर गोलरक्षक जेफ्री बाल्टुसको हातमा प्रहार गरे ।

४४औं मिनेटमा ललितपुरले दोस्रो गोल गर्यो । निखिलको कर्नरमा अनन्त तामाङको हेडर कुलदीप कार्कीले क्लियर गरेर बल क्रसबारमा लागेपछि पापाले सहजै गोल गर्न सफल भएका थिए ।

आजको‌ खेल जित्ने टोलीले फाइनल प्रवेशका पोखरा थन्डर्ससँग दोस्रो क्वालिफायरमा प्रतिस्पर्धा गर्नुपर्नेछ । सोमबार भएको रोमान्चक खेलमा धनगढीसँग टाइब्रेकरमा ४-३ ले पराजित भएपछि पोखराले फेरि खेल्ने अवसर पाउनेछ। धनगढी भने शनिबार हुने फाइनलमा प्रवेश गरिसकेको छ ।

July 22, 2024

मछिन्द्र र सातदोबाटोको बराबरी, संकटा र चर्च ब्वाइजले पनि अंक बाँडे

काठमाडौं (हाम्रो खेलकुद) – ललित स्मृति यु-१८ लिग अन्तर्गत सोमबार भएका दुवै खेल बराबरीमा सकिएका छन् । दुवै खेल १-१ को बराबरीमा सकिएको हुन् । एन्फा कम्प्लेक्स सातदोबाटोमा भएको दिनको पहिलो खेलमा मछिन्द्र एफसी र सातदोबाटो युथ क्लबले बराबरी खेले । ६३औं मिनेटमा रोनिक राना मगरको गोलमा लिएको अग्रता पश्चात ७९औं मिनेटमा आदेश लामाले गोल […]

July 21, 2024

चितवन जिल्ला लिगमा एनएफसी र एभरेष्ट विजयी

सुशिल पन्त क्षेत्री,चितवन सेन्ट्रल कलेज चितवन जिल्ला ए डिभिजन लिग फुटबलमा शुक्रबार नारायणी फुटबल क्लब ( एनएफसी) र एभरेष्ट क्लब चितवन विजयी भएका छन्। शारदा नगरको मैदानमा भएको पहिलो खेलमा नारायणीले हर्दी युवा समाजलाई २-१ ले हरायो । नारायणीका‌ सुगम तामाङ र सुरज गुरुङले गोल गरे । हर्दीका सन्तोष थिङले एक गोल गरे । खेलमा […]

July 21, 2024

रेन्जर्सविरुद्ध म्यानचेस्टर युनाइटेड विजयी

एजेन्सी – युरोपियन फुटबल सिजन सुरु हुनुअघिको प्रिसिजनको आफ्नो दोस्रो खेलमा म्यानचेस्टर युनाइटेड विजयी भएको छ । ग्लास्गोमा भएको खेलमा युनाइटेडले स्कटिस टोली रेन्जर्स माथि २-० को जित दर्ता गरेको हो । युनाइटेडका लागि अमाद डियालो र जो हुगिलले गोल गरेका हुन् । ३९औं मिनेटमा बक्सको दायाँभागबाट उत्कृष्ट फिनिस सहित डियालोले सुरुवाती गोल गरेका थिए […]

Success

Thank you for your time.