default_image

2 months ago

December 26, 2023

काठमाडौंलाई हराउँदै ललितपुर दोस्रो क्वालिफायरमा

काठमाडौं (हाम्रो खेलकुद)- साविक विजेता काठमाडौं रेजर्सलाई हराउँदै मंगलबार ललितपुर सिटी एफसी नेपाल सुपर लिग (एनएसएल)को दोस्रो क्वालिफायरमा प्रवेश गरेको छ। दशरथ रंगशालामा भएको खेलमा ललितपुरले १० खेलाडीमा सिमित काठमाडौंलाई ३-० ले हराएको हो ।ललितपुरका लागि इमोह इजिकिएलले २ र पापा केबेले १ गोल गरेका हुन् । योसँगै ललितपुरले काठमाडौंसँग हारको सिलसिलालाई अन्त्य गरेको छ […]

1858 views

0 Bookmark

काठमाडौं (हाम्रो खेलकुद)- साविक विजेता काठमाडौं रेजर्सलाई हराउँदै मंगलबार ललितपुर सिटी एफसी नेपाल सुपर लिग (एनएसएल)को दोस्रो क्वालिफायरमा प्रवेश गरेको छ।

दशरथ रंगशालामा भएको खेलमा ललितपुरले १० खेलाडीमा सिमित काठमाडौंलाई ३-० ले हराएको हो ।ललितपुरका लागि इमोह इजिकिएलले २ र पापा केबेले १ गोल गरेका हुन् ।

योसँगै ललितपुरले काठमाडौंसँग हारको सिलसिलालाई अन्त्य गरेको छ । जारी सिजनको र पहिलो संस्करणको लिगमा ललितपुर १-०ले पराजित भएको थियो। त्यस्तै पहिलो संस्करणको‌ दोस्रो क्वालिफायरमा काठमाडौंले ललितपुरलाई ३-० ले हराएको थियो। यस पटक एलिमिनेटरमा ललितपुरले सोही अन्तरको जित निकालेको छ।

फाइनल पुग्नका लागि ललितपुरले बिहीबार पोखरा थन्डर्सको‌ सामना गर्नेछ । पहिलो क्वालिफायरमा सोमबार पोखरालाई टाइब्रेकरमा ४-३ले हराउँदै धनगढी एफसी फाइनल पुगिसकेको छ।

खेलको दोस्रो मिनेटमा नै ललितपुर द्वय पापा केबे र दिनेश हेन्जनको बक्सको छेउमा वान-टु पछि दिनेशको प्रहार ब्लक भएर बाहिर गयो । चौथो मिनेटमा काठमाडौंका सुशील यादवको क्रस आज पहिलो खेल खेलिरहेका आश्विन घोरासैनीले राम्रो ब्लक गरे ।

आठौं मिनेटमा ललितपुरका निखिल कदमको क्रस कुलदीप कार्कीले क्लियर गरे । ११औं मिनेटमा ललितपुरका इमोह इजिकिएलले किंगे ओलिभरको खुट्टाबाट बल खोसेर दिनेशका लागि दिएको कटब्याकमा उनले ओपन नेटमा गोल गर्न सकेनन् ।२२औं मिनेटमा निखिलको क्रस आन्द्रेस नियाले क्लियर गरे ।

३६औं मिनेटमा भने ललितपुरले खेलमा अग्रता लियो । सनीश श्रेष्ठको क्रस अन्जन राईले क्लियर गरेपछि राजीव लोप्चनको खुट्टामा लागेर पापा केबेका लागि अवसर सिर्जना भयो । तर उनको प्रहार काठमाडौं गोलरक्षक एन्जल श्रेष्ठले बचाएपनि रिबाउन्डमा इमोहले सहजै बललाई गाेलपोस्टमा पठाउँदै आफ्नो टोलीलाई अग्रता दिलाए ।

३९औं मिनेटमा काठमाडौँलाई खेलमा बराबरी गर्ने राम्रो फ्रिकिक अवसर आएको थियो तर शोखरुखले सो फ्रिकिक सिधै ललितपुर गोलरक्षक जेफ्री बाल्टुसको हातमा प्रहार गरे ।

४४औं मिनेटमा ललितपुरले दोस्रो गोल गर्यो । निखिलको कर्नरमा अनन्त तामाङको हेडर कुलदीप कार्कीले क्लियर गरेर बल क्रसबारमा लागेपछि पापाले सहजै गोल गर्न सफल भएका थिए ।

पहिलो हाफमा थपिएको समयमा इमोहले पापाको फ्लिक हेडर पासपछि पाएको अवसरमा गोल्पोस्त्मा प्रहार गर्न सकेनन् ।

दोस्रो हाफको सातौं मिनेटमा ललितपुरले तेस्रो गोल गर्यो । निखिलको क्रसमा इमोहले फारपोस्टमा फ्रि हेडर मार्फत गोल गर्दै तीन गोलको अग्रता बनायो ।

५४औं मिनेटमा काठमाडौंका गणेश हमालको क्रसमा एन्केन्ग्वे जुनियरको प्रहार ब्लक भएर बाहिरियो । ६३औं की एटम शोखरुखले फ्रिकिक पोस्टको थोरै माथि प्रहार गरे ।

७४औं मिनेटमा काठमाडौं १० जनामा सिमित भयो । कप्तान अन्जन राई दोहोरो पहेँलो कार्ड खाँदै मैदान बाहिरिएपछि काठमाडौं १० जनामा सिमित भएको थियो ।

त्यसपछि पनि ललितपुरले लगातार आक्रमण बुनिरहेको थियो । ७५औं मिनेटमा इमोहको फ्रिकिकमा अनन्तको हेडर पश्चात पापाको एक्रोबेटिक प्रहारमा उनले बलमा सम्पर्क लगाउन सकेनन् ।

८०औं मिनेटमा शोखरुखले बक्स बाहिरबाट पोस्टको माथि प्रहार गरे । ८३औं मिनेटमा पापाको प्रहार एन्जलले सहजै समाते ।

February 28, 2024

प्रितीको विजयी गोल फिजियो नविनालाई समर्पण

काठमाडौं (हाम्रो खेलकुद) – स्टार मिडफिल्डर प्रिती राईले वाफ च्याम्पियनसिप २०२४ को सेमिफाइनलमा गरेको विजयी गोल फिजियोथेरापिस्ट नविना श्रेष्ठ वैद्यलाई समर्पित गरेकी छिन् । लेवनानविरुद्ध दोस्रो हाफको इन्ज्युरी समयमा प्रितीले पेनाल्टी क्षेत्र बाहिरबाट सानदार गोल गर्दै नेपालको २-१ को जित पक्का गरेकी थिइन् । उनकै गोलमा नेपालले फाइनलमा स्थान बनाएको थियो । खेलपछि बोल्दै प्रितीले […]

February 28, 2024

साम्बाले फाइनल खेल्ने अन्यौलमा!

काठमाडौं (हाम्रो खेलकुद) – नेपाली महिला राष्ट्रिय टोलीले वाफ च्याम्पियनसिप २०२४ को फाइनलमा स्थान बनाउँदा स्टार फरवार्ड सावित्रा भण्डारी साम्बाले खेल्ने-नखेल्ने अन्यौल रहेको छ । नेपालले मंगलबार सम्पन्न सेमिफाइनलमा लेवनानलाई २-१ ले पराजित गर्दै फाइनलमा स्थान बनाएको हो । उक्त खेलमा नेपालका लागि बराबरी गोल समेत गरेकी साम्बा फाइनलमा भने अनुपस्थित रहने सम्भावना छ । […]

February 28, 2024

अन्तिम समयमा प्रितीको गोलसँगै नेपाल फाइनलमा

काठमाडौं (हाम्रो खेलकुद) – इन्ज्युरी समयमा प्रिती राईले उत्कृष्ट गोलसँगै नेपाल लेबनान विरुद्ध पुनरागमन जित दर्ता गर्दै पश्चिम एसियाली फुटबल एसोसिएसन (वाफ) महिला च्याम्पियनसिपको फाइनल प्रवेश गरेको छ । साउदी अरेबियामा जारी प्रतियोगितामा मंगलबार पहिलो हाफमा १-० ले पछि परेको अवस्था उल्ट्याउँदै नेपालले प्रितीको गोलमा २-१ को नाटकीय जित दर्ता गरेको हो । खेल १-१ […]

Success

Thank you for your time.