default_image

2 months ago

December 28, 2023

एनएसएलको फाइनल पुग्नका लागि पोखरा र ललितपुर भिड्दै

काठमाडौं (हाम्रो खेलकुद) – नेपाल सुपर लिग (एनएसएल) को फाइनल पुग्ने दोस्रो टोलीको निर्णय आज (बिहीबार) हुँदैछ । धनगढी एफसीसँग हुने फाइनलका लागि आज दोस्रो क्वालिफायरका लागि पोखरा थन्डर्स र ललितपुर सिटी एफसीबीच प्रतिस्पर्धा हुनेछ । त्रिपुरेश्वरस्थित दशरथ रंगशालामा खेल साँझ ५ः३० बजे सुरु हुने छ । फाइनल पुग्ने अन्तिम मौका लागि सदुपयोग गर्न दुबै […]

518 views

0 Bookmark

काठमाडौं (हाम्रो खेलकुद) – नेपाल सुपर लिग (एनएसएल) को फाइनल पुग्ने दोस्रो टोलीको निर्णय आज (बिहीबार) हुँदैछ ।


धनगढी एफसीसँग हुने फाइनलका लागि आज दोस्रो क्वालिफायरका लागि पोखरा थन्डर्स र ललितपुर सिटी एफसीबीच प्रतिस्पर्धा हुनेछ । त्रिपुरेश्वरस्थित दशरथ रंगशालामा खेल साँझ ५ः३० बजे सुरु हुने छ ।

फाइनल पुग्ने अन्तिम मौका लागि सदुपयोग गर्न दुबै टोलीले हरसम्भव प्रयास गर्नेछन् । दुई मध्ये जुन टोली विजयी भएपनि उसको पहिलो फाइनल यात्रा हुनेछ । त्यसअर्थ दुबै टोलीले मौका खेर जान नदिने प्रयास गर्नेछन् ।

पोखरा र धनगढबीच भएको पहिलो क्वालिफायर जस्तै आजको खेल पनि रोमान्चक र प्रतिस्पर्धात्मक हुने अपेक्षा गरिएको छ । निर्धारित समय र थप समय र टाइब्रेकरमा पछि परेर पनि खेल उल्टाउन सफल भएको धनगढी लगातार दोस्रो पटक पहिलो क्वालिफायरबाटै फाइनल पुगेको थियो ।

पोखरालाई टाईब्रेकरमा ४–३ ले हराउँदै धनगढी एफसीले फाइनलमा पुगेको थियो । निर्धारित र थप ३० मिनेटमा २–२ बराबरीमा खेल टुंगिएपछि धनगढीले पेनाल्टी सुट आउटमा बाजी मारेको थियो ।

पोखरा र ललितपुरलले यसअघि दुबै भेटमा अंक बाढेका थिए । लिग चरणमा यसपटक र सन् २०२१ को पहिलो संस्करणमा पनि पोखरा र ललितपुरले गोलरहित बराबरी खेलेका थिए ।

एलिमिनेटरमा ललितपुर काठमाडौंलाई ३–० हराउदै आजको खेलमा आइपुगेको हो । लिग चरणको अन्तिम खेलमा काठमाडौं विरुद्ध नै १–० को हार बेहोर्दै चौथो स्थानमा रहि प्लेअफमा स्थान बनाएको ललितपुरले दोस्रो खेलमा भने काठमाडौँलाई सहजै ३–० हराएको हो । लिगमा उच्च प्रदर्शन गरेको पोखरा शीर्षस्थानमा रहदै क्वालिफायरमा पुगेको थियो ।

पछिल्लो सिजनको विजेता काठमाडौं बाहिरिए सँगै यस पटक नयाँ विजेता हुने पनि पक्का भएको छ । यस पटक उपाधि जित्ने ले ७० लाख पाउने आयोजकले जानकारी दिएका छन् । यस्तै उपविजेताले २० लाख पाउने छन् । सर्वोत्कृष्ट खेलाडीले २ लाख तथा सर्वाधिक गोलकर्ता, उत्कृष्ट गोलकिपर र इमर्जिङ खेलाडीले जनही १ लाख रुपैयाँ पाउने छन् ।

February 29, 2024

एनआरटी केपी ओली कपको फाइनलमा

काठमाडौं (हाम्रो खेलकुद) – न्यु रोड टिम (एनआरटी) केपी ओली कप फुटबल प्रतियोगिताको फाइनलमा प्रवेश गरेको छ । दशरथ रंगशालामा जावलाखेल युवा क्लबमाथि ३-० को जित निकाल्दै एनआरटीले उपाधि भिडन्तमा स्थान पक्का गरेको हो । एनआरटीको जितमा संजिव विष्टले दुई तथा विवेक गुरुङले १ गोल गरे । खेलको छैटौं मिनेटमा नै विवेक गुरुङले एनआरटीलाई अग्रता […]

February 29, 2024

फाइनलमा कसले लिन्छ साम्बाको स्थान?

काठमाडौं (हाम्रो खेलकुद) – वाफ महिला च्याम्पियनसिप २०२४ अन्तर्गत फाइनलमा नेपालले जोर्डनको सामना गर्दैछ । हालसम्म अपराजित रहेका यी दुई टोलीबीचको खेलमा नेपालले आफ्नो स्टार फरवार्ड सावित्रा भण्डारीको साथ भने पाउने छैन । नेपालले प्रतियोगितामा खेलेको सबै ४ खेलमा साम्बालाई नै आक्रमणमा उतारेको थियो । तर फिफा विन्डोबाहिर रहेको यस खेलका लागि साम्बा व्यावसायिक सम्झौताका […]

February 29, 2024

नेपाल र जोर्डन वाफ च्याम्पियनसिपको‌ फाइनल खेल्दै

काठमाडौं (हाम्रो खेलकुद)- नेपाल र जोर्डनको राष्ट्रिय महिला फुटबल टोली साउदी अरेबियामा जारी पश्चिम एसियाली फुटबल फेडेरेसन (वाफ) च्याम्पियनसिपको फाइनलमा आज एकअर्का विरुद्ध उत्रदैछन्। जेद्दास्थित प्रिन्स अब्दुल्लाह अल फैजल स्पोर्ट्स सिटी स्टेडियममा फाइनल नेपाली समय अनुसार राती ९ः ४५ बजेदेखि सुरु हुनेछ ।  नेपाल र जोर्डन जारी प्रतियोगिताका दुई अपराजित टोली हुन् । साविक विजेता […]

Success

Thank you for your time.