default_image

2 months ago

December 28, 2023

पोखरालाई हराउँदै ललितपुर एनएसएलको फाइनलमा

काठमाडौं (हाम्रो खेलकुद) – नेपाल सुपर लिग २ अन्तर्गत दोस्रो क्वालिफायरमा पोखरा थन्डर्सलाई पराजित गर्दै ललितपुर सिटी फुटबल क्लबले उपाधि भिडन्तमा स्थान बनाएको छ । दशरथ रंगशालामा अतिरिक्त समयसम्म लम्बिएको खेलमा २-१ को रोमान्चक जित दर्ता गर्दै ललितपुर फाइनलमा प्रवेश गरेको हो । पहिलो हाफमै १० खेलाडीमा सिमित ललितपुरले खेलको ९० मिनेट भन्दा बढी समय […]

1548 views

0 Bookmark

काठमाडौं (हाम्रो खेलकुद) – नेपाल सुपर लिग २ अन्तर्गत दोस्रो क्वालिफायरमा पोखरा थन्डर्सलाई पराजित गर्दै ललितपुर सिटी फुटबल क्लबले उपाधि भिडन्तमा स्थान बनाएको छ ।

दशरथ रंगशालामा अतिरिक्त समयसम्म लम्बिएको खेलमा २-१ को रोमान्चक जित दर्ता गर्दै ललितपुर फाइनलमा प्रवेश गरेको हो । पहिलो हाफमै १० खेलाडीमा सिमित ललितपुरले खेलको ९० मिनेट भन्दा बढी समय कम खेलाडीमा खेलेपनि जित दर्ता गर्यो ।

खेलको ३३ औं मिनेटमा निखिल कदमले रातो कार्ड पाएपछि ललितपुर १० खेलाडीमा सिमित भएको थियो । त्यसका बाबजुद पहिलो हाफको इन्ज्युरी समयमा इमोह इजेकेलले ललितपुरलाई अग्रता दिलाए । दोस्रो हाफमा पापा अनोरले पोखराका लागि बराबरी गोल फर्काए । अतिरिक्त समयको पहिलो हाफमा कुशल देउवाले गोल गर्दै ललितपुरलाई अघि बढाएका थिए ।

ललितपुरले जित हासिल गरेसँगै अब उपाधिका लागि धनगढी र ललितपुरले खेल्नेछन् । फाइनल शनिबार हुनेछ ।

पहिलो मिनेटमा नै ललितपुरका सनिश श्रेष्ठको क्रस पोखराका गोलरक्षक यभ्स प्रिसोले समाते । तेस्रो मिनेटमा पोखराका स्टेफन अन्नोरको प्रहारले ललितपुर गोलरक्षक जेफ्रि बाल्टुसलाई दुःख दिन सकेन ।

अर्को मिनेटमा पोखराकै सुरज जिउ ठकुरीको क्रसमा माेसेस ग्याबाको हेडर पोस्टतर्फ जान सकेन । छैठौं मिनेटमा आधित्य शाक्यले बक्स बाहिरबाट लिएको प्रहार शक्तिशाली रहन सकेन ।

आठौं मिनेटमा पुनः ललितपुरका निखिल कदमले बक्स बाहिरबाट लिएको शक्तिशाली प्रहार प्रिसोको सिधा जान पुग्यो ।

२८औं मिनेटमा सुरजको कर्नरमा दिनेश राजवंशी र मोसेस ठोकिएपछि राम्ररी हेडर प्रहार गर्न सकेनन् । ३२औं मिनेटमा जो आइडुको क्रसमा माेसेसको हेडर डिफ्लेक्ट भएर पोस्टको थोरै टाढाबाट बाहिरियो ।

३४औं मिनेटमा ललितपुर १० जनामा सिमित भयो । मिडफिल्डर निखिल दोस्रो पहेँलो कार्ड खाँदै मैदान बाहिरिएपछि ललितपुर १० जनामा सिमित भएको हो । ४२औं मिनेटमा नरेन्द्र चौधरीको क्रसमा माेसेसले हेडर पोस्ट तर्फ प्रहार गर्न सकेनन् ।

इन्ज्युरी समयको पहिलो मिनेटमा ललितपुरले काउन्टर अट्याकमा अग्रता लियो । पापा इबु केबेले आफ्नै हाफबाट दिएको लामो पासमा इमोहले अफसाइड ट्रयाप बिट गर्दै बल अघि बढाए । इमोहले दिनेश र क्वेटेको दबाब छिचोल्दै पेनाल्टी क्षेत्रभित्र पुगेर इभ्स प्रिसोलाई सहजै बिट गरे ।

५२औं मिनेटमा आइडुको लङ्ग रेन्ज प्रहार बाल्टुसले समाते । ५४औं मिनेटमा आयुष घलानले बक्स बाहिरबाट गरेको प्रहार पोस्टको थोरै टाढाबाट बाहिरियो ।

६३औं मिनेटमा दिनेश राजवंशीको फ्रिकिक बाल्टुसले फेरि समाते । ७१औं मिनेटमा पोखराले बराबरी गोल फर्कायो । आइडुको क्रसमा अन्नोरले हेडर मार्फत गोल गर्दै खेल बराबरीमा ल्याए ।

८८औं मिनेटमा अनन्तको हेडरले पोस्टको दिशा लिन सकेन । इन्ज्युरी समयको तेस्रो मिनेटमा निरज चौधरीको प्रहार प्रिसोले बचाए ।

९४औं मिनेटमा एन्जल महर्जनले बक्स बाहिरबाट पोस्टको माथि प्रहार गरे । ९९औं मिनेटमा ललितपुरले खेलमा पुनः अग्रता लिन सफल भयो । ओमोलाजा करिमको फ्रिकिकमा अनन्तको हेडर पश्चात पोखराको डिफेन्सले बल क्लियर गर्न नसकेपछि कुशल देउवाले गोल गर्दै खेलमा ललितपुरलाई पुनः अग्रता दिलाए ।

अतिरिक्त समयको पहिलो हाफको इन्ज्युरी समयमा फ्रान्कलिन टाल्लाले सिक्स यार्ड बक्स बाट पोस्टको माथि प्रहार गरे ।

१०९औं मिनेटमा पोखराका गोलरक्षक प्रिसो फ्रिकिक प्रहार गर्न अगाडि आएका थिए । तर उनको फ्रिकिक पोस्टको निकै माथिबाट बाहिरियो 

लिग तालिकामा शिर्ष स्थान हासिल गरेको पोखरा पहिलो क्वालीफायरमा धनगढी विरुद्ध टाईब्रेकरमा पराजित हुँदै दोस्रो क्वालीफायर खेल्न बाध्य भएको हो भने ललितपुर इलिमिनेटरमा काठमाडौँलाई ३-० ले पराजित गर्दै यहाँको यात्रा तय गरेको हो । धनगढी शनिबार हुने फाइनलमा प्रवेश गरिसकेको थियो ।

February 23, 2024

झापा गोल्ड कपको मुख्य प्रायोजक यती ब्रुअरी

हिमाल खरेल, बिर्तामोड झापा गोल्ड कपको छैटौँ संस्करणका लागि मुख्य प्रायोजकसँग सम्झौता भएको छ । छैटौँ झापा गोल्ड कपलाई यती ब्रुअरीको उत्पादन अर्नाले गर्ने भएको छ । झापाको बिर्तामोडस्थित सहारा नेपाल साकोसको कन्फ्रेन्स हलमा शुक्रबार (आज) पत्रकार सम्मेलन गरेर मुख्य प्रायोजक अर्ना र झापा गोल्ड कपबीच सम्झौतामा हस्ताक्षर तथा आदान–प्रदान भएको हो । झापा गोल्ड […]

February 23, 2024

चाबहिल र एनआरटी फाइनलमा

सुशिल पन्त क्षेत्री ,भरतपुर चाबहिल भेट्रान ललितपुर र एनआरटी एफसी स्व दीलिप राणा स्मृति अन्तर्राष्ट्रिय आमन्त्रण फुटबल प्रतियोगिताको उपाधिका भिड्ने भएका छन् । शुक्रबार पहिलो सेमिफाइनलमा साविक विजेता फ्रिडम फाइटरलाई हराउँदै चाबहिल भेट्रानले फाइनलमा स्थान बनायो । प्रतिस्पर्धात्मक खेलमा चाबहिलले फ्रिडमलाई ३–२ ले निराश बनायो । त्यसअघि निर्धारित समय २–२ को बराबरीमा सकिएको थियो । […]

February 23, 2024

आयोजक केपी ओली एफसी विजयी

काठमाडौं (हाम्रो खेलकुद) – दोस्रो संस्करणको केपी ओली कप फुटबल प्रतियोगिताको उद्दघाटन खेलमा आयोजक केपी ओली एफसी विजयी भएको छ । राष्ट्रिय युवा संघले आयोजना गरेको प्रतियोगितामा एन्फा कम्प्लेक्समा भएको खेलमा केपी ओली एफसीले चर्च ब्वाइज युनाइटेड माथि ३-० को जित हात पारेको हो । खेलको सबै गोल दोस्रो हाफमा आएको थियो । खेलको पहिलो […]

Success

Thank you for your time.