4 months ago
December 30, 2023
काठमाडौं (हाम्रो खेलकुद) – नेपाल सुपर लिग २ अन्तर्गत शनिबार उपाधिका लागि फाइनलमा धनगढी फुटबल क्लब र ललितपुर सिटी फुटबल क्लब खेल्दैछन् । प्रतियोगिताको फाइनल लगत्तै एनएसएलले व्यक्तिगत विधातर्फ पनि विभिन्न खेलाडीलाई पुरस्कृत गर्नेछ । गत वर्ष उपाधि विजेता काठमाडौं रेजर्सका विश्वास श्रेष्ठले उदियमान खेलाडी घोषित भएका थिए । यसपटक उदीयमान खेलाडीले १ लाख रुपैयाँ […]
काठमाडौं (हाम्रो खेलकुद) – नेपाल सुपर लिग २ अन्तर्गत शनिबार उपाधिका लागि फाइनलमा धनगढी फुटबल क्लब र ललितपुर सिटी फुटबल क्लब खेल्दैछन् ।
प्रतियोगिताको फाइनल लगत्तै एनएसएलले व्यक्तिगत विधातर्फ पनि विभिन्न खेलाडीलाई पुरस्कृत गर्नेछ । गत वर्ष उपाधि विजेता काठमाडौं रेजर्सका विश्वास श्रेष्ठले उदियमान खेलाडी घोषित भएका थिए । यसपटक उदीयमान खेलाडीले १ लाख रुपैयाँ पाउनेछन् । लिगको प्रदर्शन हेर्दा उदियमान खेलाडीको दाबेदारीमा निम्नअनुसार खेलाडी रहेका छन् ।
संजित राई
स्टार खेलाडीले भरिएको ललितपुर सिटीको टोलीमा २३ वर्षीय संजित राई नाम चलेका खेलाडी थिएनन् । तर उनको प्रदर्शनले प्रशिक्षक इयान गिलानलाई निकै प्रभावित पारेको छ ।
लिगमा कप्तान अनन्त र संजित मात्र विना परिवर्तन लगातार खेल्ने खेलाडी हुन् । लेफ्ट ब्याकमा एकपछि अर्को प्रतिद्वन्द्वीलाई शान्त राख्न सफल संजित उदियमान खेलाडीका लागि दावेदार हुन् ।
सुमित श्रेष्ठ
झापा फुटबल क्लबले सुमित श्रेष्ठलाई लिग अवधिभर फरक फरक पोजिसनमा प्रयोग गर्यो । १९ वर्षीय उनले आक्रमण, मिडफिल्ड र डिफेन्स सबै क्षेत्रमा उत्तिकै सहयोग पुर्याए । हरेक पोजिसनमा सुमितले प्रशिक्षकको छनोटलाई न्याय गरे ।
झापा लयम फर्कंदा उनले विपक्षी आक्रमणलाई लगातार रोक्दै पुनरागमन सहज बनाएका थिए । पहिलो खेलमा अवसर नपाएका उनले त्यसपछि सबै ७ खेलमा सुरुवात गर्दै आफूलाई प्रमाणित गरे ।
सन्तोष खत्री
इलामको कमजोर सिजनमा १९ वर्षीय सन्तोष खत्री आशाको किरणको रुपमा उदाए । विदेशी खेलाडीले लगातार संघर्ष गर्दा सन्तोषले मिडफिल्डमा बलियो पकड जमाए । पहिलो खेलमा बेन्चबाट मैदान प्रवेश गरेका उनले त्यसपछि भने हरेक खेलमा पूरा समय मैदानमा बिताए ।
आक्रमणमा लामो दुरीको प्रहार गर्ने क्षमता राख्ने उनको विशेषता मिडफिल्डमा चलायमान रहने थियो । विपक्षी खेलाडीलाई मिडफिल्डमा खुलेर खेल्न नदिने उनी खेल अवधिभर एकै गतिमा खेल्न सक्छन् । इलाम अंक तालिकाको पुछारमा रहेपनि युवा प्रतिभा सन्तोषले आफूलाई लिगकै उत्कृष्ट खेलाडीमा उभ्याए ।
रोहन कार्की
धनगढी फुटबल क्लबबाट मिडफिल्ड र आक्रमण दुवै तर्फ खेल्दै आएका रोहनको यो पहिलो एनएसएल हो । आरसी ३२ फुटबल क्लबबाट खेलेका उनलाई युगल किशोर राईले टोलीमा समावेश गरेका थिए ।
फरक फरक भूमिकामा खेलिरहेका उनले लिगको ५ खेलमा सुरुवात गरेका छन् भने अन्य ४ मा बेन्चबाट आएका छन् । उनले १ असिस्ट पनि प्रदान गरेका छन् ।
May 5, 2024
एजेन्सी – लियोनल मेस्सीले ५ गोलमा एसिस्ट र लुइस सुआरेजले ह्याट्रिक पूरा गरेपछि अमेरिकन लिग मेजर लिग सकर (एमएलएस) मा इन्टर मियामीले न्युयोर्क आरबीलाई आइतबार ६–२ ले हराएको छ । मियामीले खेलमा पूनरामगन गर्दै फराकिलो जित दिलाएको थियो । खेलमा ३० औं मिनेटमा डेन्टी भन्जिरको गोलमा न्युयोर्कले अग्रता लियो । मियामी दोस्रो हाफमा खेलमा फकएको […]
May 5, 2024
एजेन्सी – क्याटलान डर्वीमा बार्सिलोनामाथि सानदार पूनरागमन जित दर्ता गर्दै जिरोना पहिलोपल्ट युइएफए च्याम्पियन्स लिगमा छनोट हुन सफल भएको छ । मिशेलको प्रशिक्षणमा यो सिजन सानदार प्रदर्शन गरिरहेको जिरोनाले स्पेनिस ला लिगामा शीर्ष चारमा स्थान पक्का गर्दै क्लबको इतिहासमा पहिलोपल्ट च्याम्पियन्स लिगमा छनोट हुन सफल भएको हो । शनिबार राति भएको खेलमा जिरोनाले घरेलु मैदामा […]
May 5, 2024
एजेन्सी – पोर्चुगिज भेट्रान फरवार्ड क्रिस्टियानो रोनाल्डोको ह्याट्रिक मद्दतमा अल नासरले साउदी प्रो लिगमा सानदार जित दर्ता गरेको छ । अल नासरले अल वेदामाथि ६–० को फराकिलो जित दर्ता गरेको हो । गाेलकाे वर्षा भएकाे खेलमा रोनाल्डोले ह्याट्रिक पूरा गर्दा ओटाभियो, साडियो माने र मोहमेद अल फाटिलले समान एक गोल थपे । अल अवाल पार्कस्थित […]