default_image

2 months ago

December 30, 2023

एनएसएल २: उत्कृष्ट गोलरक्षकका दाबेदार

काठमाडौं (हाम्रो खेलकुद) – नेपाल सुपर लिग २ अन्तर्गत आज उपाधिका लागि धनगढी एफसी र ललितपुर सिटी एफसी भिड्दै छन् । उपाधिका साथसाथै आयोजक नेपाल स्पोर्ट्स एण्ड इभेन्ट म्यानेजमेन्टले व्यक्तिगत विधाका पुरस्कार राशी पनि सार्वजनिक गरिसकेको छ । यस संस्करणको सर्वोत्कृष्ट गोलरक्षकलाई एक लाख रुपैयाँ पुरस्कार प्रदान गरिनेछ । लिगको प्रदर्शन हेर्दा उत्कृष्ट गोलरक्षकका दावेदारीमा […]

1723 views

0 Bookmark

काठमाडौं (हाम्रो खेलकुद) – नेपाल सुपर लिग २ अन्तर्गत आज उपाधिका लागि धनगढी एफसी र ललितपुर सिटी एफसी भिड्दै छन् ।

उपाधिका साथसाथै आयोजक नेपाल स्पोर्ट्स एण्ड इभेन्ट म्यानेजमेन्टले व्यक्तिगत विधाका पुरस्कार राशी पनि सार्वजनिक गरिसकेको छ । यस संस्करणको सर्वोत्कृष्ट गोलरक्षकलाई एक लाख रुपैयाँ पुरस्कार प्रदान गरिनेछ । लिगको प्रदर्शन हेर्दा उत्कृष्ट गोलरक्षकका दावेदारीमा निम्नअनुसार खेलाडी रहेका छन् ।

स्टेफान क्युपिक

झापा एफसीका सर्बियाका गोलकिपर क्युपिकलाई ड्रेसिङ रुमको प्रमुखको रुपमा राखिएको थियो । यसका अतिरिक्त, मैदानमा पनि उनले मात्र चार गोल खाए र आठ खेलमध्य पाँच क्लिन सिट राखे । उनले इलामविरुद्ध पेनाल्टी बचाउनुका साथै केहि उत्कृष्ट बचाउ पनि गरे । यसले उनलाई उत्कृष्ट गोलकिपर अवार्डको ठूलो दावेदार बनाउँछ । उनको नेतृत्व क्षमताले पनि अन्जन विष्टको अनुपस्थितिमा झापालाई सहयोग पुर्याएको थियो ।

मोहमद ताहा

थ्रीस्टार क्लबसँगको ए डिभिजन लिगको अभियान चोटका कारण बीचमै रोकिएपछि मोहम्मद ताहा नेपाल सुपर लिगका लागि पुनः नेपाल फर्किए । धनगढीलाई फाइनलमा पुर्‍याउन उत्कृष्ट प्रदर्शन गरिरहेका उनले ३ खेलमा प्लेयर अफ द म्याच पनि पाए । उनले सात खेलमा खेलेका र दुईमा क्लिन सिट राखे पनि धेरै खेलमा उनको बचाउले धनगढी हारबाट जोगिएको छ ।

हातले बिरलै बल समात्ने उनी बल क्लियर गर्न बढी रुचाउँछन् । पहिलो क्वालिफायरमा पोखराविरुद्धको टाइब्रेकरमा दुई पेनाल्टी जोगाउदा उनी धनगढीको फाइनल यात्राको नायक बनेका थिए ।

जेफ्री बाल्टुस

फाइनल पुग्ने अर्को टोली ललितपुरका गोलकिपर बाल्टुसले अहिलेसम्म सबै दश खेल खेल्दै चारवटा क्लिनसिट राखेका छन् भने सो प्रक्रियामा ६ गोल मात्रै खाएका छन् । अनन्त र उनको ब्याकलाइन गोलमा बाल्टुसको उपस्थितिको साथ ढुक्क हुदै आफ्नो खेल खेल्न सकेका छन् । उनी धनगढी विरुद्ध खेलमा प्लेयर अफ द म्याच पनि घोषित भएका थिए ।

विशाल श्रेष्ठ

लिग चरणबाट बाहिरिएको र अपेक्षा भन्दा कमजोर नतिजा आएको एफसी चितवनका गोलरक्षक र कप्तान विशाल श्रेष्ठ पनि उत्कृष्ट गोलकिपरको प्रतिस्पर्धामा छन् । उनले आठ खेलमा दुईवटा क्लिन सिट राख्दै अन्तिम लिग खेलमा झापा एफसी विरुद्धको प्रदर्शनले उनलाई अवार्डको लागि दावेदारीमा राखेको छ । लिगको अन्तिम खेलमा गरेको प्रदर्शन सम्भवत यस सिजन कुनै खेलाडीले एकै खेलमा देखाएको व्यक्तिगत उत्कृष्ट प्रदर्शन थियो । उनले एक पेनाल्टी बचाउनुका साथै आधा दर्जन बढी प्रहार विफल पारेका थिए ।

February 25, 2024

म्यानचेस्टर सिटी र आर्सनलको‌ जित

एजेन्सी – इंग्लिस प्रिमियर लिगमा उपाधि दौडमा रहेका म्यानचेस्टर सिटी र आर्सनल शनिबार विजयी भएका छन् । सिटीले फिल फोडेनको गोलमा बर्नमाउथलाई १-० ले पराजित गरेको छ । उनले २४ औं मिनेटमा गोल गरे । आर्सनलले न्युकासल युनाइटेडलाई ४-१ ले पराजित गर्यो । स्भेन बुटमनले १८औं मिनेटमा आत्मघाती गोल गरेपछि आर्सनलले अग्रता लियो। काइ हाभार्टले […]

February 25, 2024

नेपाल समूह विजेता बन्दै सेमिफाइनलमा

काठमाडौं (हाम्रो खेलकुद) – नेपाली राष्ट्रिय महिला फुटबल टोली समूह विजेता बन्दै वाफ महिला च्याम्पियनसिप २०२४ को सेमिफाइनलमा प्रवेश गरेको छ । शनिबार समूह चरणको अन्तिम खेलमा प्यालेस्टाइनलाई ४-० को फराकिलो अन्तरले पराजित गर्दै नेपालले समूहको शीर्षस्थानमा रहेर अन्तिम चारको यात्रा पक्का गरेको हो । नेपाल लगातार तेस्रो जितका साथ ९ अंक जोड्दै शीर्षस्थानमा रह्यो […]

February 24, 2024

साम्बाको गोलमा नेपाललाई अग्रता

काठमाडौं (हाम्रो खेलकुद) – फरवार्ड सावित्रा भण्डारीको गोलमा नेपालले वाफ महिला च्याम्पियनसिप २०२४ अन्तर्गत समूहको अन्तिम खेलमा प्यालेस्टाइनविरुद्ध अग्रता लिएको छ । समूह चरणको अन्तिम खेलमा नेपालले १-० को अग्रता लिएको छ । साम्बाले पहिलो हाफको ४१ औं मिनेटमा गोल गरेकी हुन् । रेखा पौडेलको पासलाई उनले पहिलो टचमै गोलमा परिणत गरेकी थिइन् । आजको […]

Success

Thank you for your time.