default_image

2 months ago

January 7, 2024

नेपाल सुपर लिगको उत्कृष्ट ११

काठमाडौं (हाम्रो खेलकुद) – नेपाल सुपर लिगको दोस्रो संस्करणको फाइनलमा ललितपुर सिटी एफसीले धनगढी एफसीलाई पराजित गर्दै उपाधि उपाधि उचाल्यो । पहिलो संस्करणले  फुटबल समर्थकहरु माथ उत्पन्न गराएको अपेक्षाहरू दोस्रो संस्करणले निस्चयपनि पार गर्न सफल भयो । नेपाली घरेलु फुटबलमा कमि हुन थालेको समर्थकहरुको उपस्थिति पनि यसपटक उच्च नै रह्यो ।  यसका साथै हाइ-प्रोफाइल विदेशी […]

5029 views

0 Bookmark

काठमाडौं (हाम्रो खेलकुद) – नेपाल सुपर लिगको दोस्रो संस्करणको फाइनलमा ललितपुर सिटी एफसीले धनगढी एफसीलाई पराजित गर्दै उपाधि उपाधि उचाल्यो ।

पहिलो संस्करणले  फुटबल समर्थकहरु माथ उत्पन्न गराएको अपेक्षाहरू दोस्रो संस्करणले निस्चयपनि पार गर्न सफल भयो । नेपाली घरेलु फुटबलमा कमि हुन थालेको समर्थकहरुको उपस्थिति पनि यसपटक उच्च नै रह्यो ।  यसका साथै हाइ-प्रोफाइल विदेशी खेलाडीको उपस्तिथीले पनि दोस्रो संस्करण निकै सफल भएको मान्न सकिन्छ ।

प्रतियोगिताको समापन भएलगत्तै हाम्रोखेलकुदले सम्पूर्ण टोली र खेलाडीको प्रदर्शनमा गहन अध्ययन गर्दै एनएसएलको दोस्रो संस्करणको उत्कृष्ट एघार छनोट गरेको छ । उत्कृष्ट ११ छनोट गर्दा प्रतियोगितामा राखिएको ५ विदेशी खेलाडी सुरुवाती-११ मा राख्न पाउने नियमअनुसार नै टोली निर्माण गरिएको छ ।

गोलरक्षक:

स्टेफान क्युपिक (झापा एफसी)

झापा एफसीका सर्बियन गोलरक्षक स्टेफान क्युपिकले प्रतियोगिताभर प्रभावशाली प्रदर्शन गरे । झापा एफसी प्लेअफ भन्दा अगाडि नै प्रतियोगिताबाट बाहिरिएपानी उनले सबैभन्दा धेरै पाँच क्लिनसिट राख्न सफल भए । उल्लेखनीय कुरा के छ भने, प्लेअफमा पुग्न नसकेको टोलीका लागि, क्युपिक्ले चार गोल मात्र खाए । उनले टोलीका लागि उत्कृष्ट बचाउ गर्नुका साथै एक नेतृत्वदायी भूमिका पनि निर्वाह गरे । यसबाट स्पष्ट हुन्छ कि झापाको रक्षात्मक रणनीति कमजोर थिएन; बरु, झापाको आक्रमणले नै टोलीलाई प्राप्त गर्नुपर्ने सफलतासम्म डोर्याउन सकेन । क्युपिकको एकल प्रदर्शनले यस दावीलाई झन् आड दिएको छ ।

डिफेन्डर:

सनिश श्रेष्ठ (ललितपुर सिटी एफसी)

प्रतियोगिताको उत्कृष्ट एघारमा नेपाली राष्ट्रिय फुटबल टोलीका सदस्य सनिश श्रेष्ठले राइट ब्याकमा आफ्नो स्थान सुरक्षित गरेका छन् । ललितपुरले आफ्नो दोस्रो खेलको १९ औं मिनेटमा सनिशले मैदान छाडेपछि र धनगढी एफसी विरुद्धको तेस्रो खेलमा पनि अनुपस्थित हुँदा ललितपुरले ठुलो चुनौती सामना गर्नुपर्यो । तर, चोटका बावजुद सनिशले ललितपुरका लागि अन्य सबै मिनेट खेले ।

सनिशले रक्षात्मक रूपमा मात्र योगदान दिएनन् तर टोलीको आक्रामक प्रयासलाई बलियो बनाउन प्रभावकारी भूमिका निर्वाह गरे । ललितपुरका लागि उनले केवल तीनवटा सिटमा मात्र सहयोग गरेपनि सनिशको निरन्तर र प्रभावकारी प्रदर्शन ललितपुरका लागि निकै महत्त्वपूर्ण रहेको थियो ।

देवेन्द्र तामाङ (धनगढी एफसी)

धनगढी एफसीका कप्तान देवेन्द्र तामाङ आफ्नो टोलीका अभियानको हरेक मिनेट खेल्ने पाँच खेलाडीमध्ये एक खेलाडी हुन् । नेपाली घरेलु फुटबलला उत्कृष्ट डिफेन्डरमध्येका देवेन्द्रको रक्षात्मक योगदान र आक्रामक शैली प्रख्यात छ । सिजनभर कुल ९३० मिनेट खेल्दा देवेन्द्रले कुनै पहेंलो कार्ड पाएनन् ।

देवेन्द्रसँगै डिफेन्समा खेलेका रिचार्ड ओसेइ आगेमांगले भने लिग चरणमै प्रतिबन्धका कारण खेल गुमाएका थिए भने फाइनलमा पनि रातो कार्ड पाए । देवेन्द्र पहिलो क्वालिफायरमा पोखरा थन्डर्सविरुद्ध महत्त्वपूर्ण गोल गर्न पनि सफल भए । धनगढीको फाइनल यात्रामा उनको ठुलो योगदान थियो ।

अनन्त तामाङ (ललितपुर सिटी एफसी)

नेपाली राष्ट्रिय टोलीका नियमित खेलाडी र ललितपुर सिटी एफसीका मार्की कप्तान अनन्त तामाङले यस वर्षको सुरुमा चर्च ब्वाइज युनाइटेडसँग ए डिभिजन लिगको उपाधि जितेपछिको यो दोस्रो उपाधि रह्यो । सिजनको बीचमा केहि खराब प्रदर्शन रहेपनि अनन्तले छिट्टै आफ्नो स्वभाविक लय समाते ।

आफ्नो टोलीलाई प्रत्येक मिनेटमा नेतृत्व गर्दै उनले उपाधि यात्रामा अहम भूमिका खेले  । उनको रक्षात्मक निर्देशनमा ललितपुरले प्रतियोगिताभर पाँचवटा क्लिन सिट समेत राख्यो । जुन प्रदर्शनले उनलाई प्रतियोगिताको उत्कृष्ट खेलाडीको रूपमा गोल्डेन बल अवार्ड पनि दिलायो ।

सञ्जित राई (ललितपुर सिटी एफसी)

कप्तान अनन्तसँगै ललितपुरका लेफ्ट ब्याक सञ्जित राईले पनि उपाधि अभियानमा प्रत्येक मिनेट खेले । धेरैका लागि संजित प्रतियोगिताको सबैभन्दा ठुलो सरप्राइज थिए । उनी उत्कृष्ट खेलाडीले भरिएको ललितपुर टोलीमा कम परिचित थिए तर उनको प्रदर्शन उत्कृष्ट रह्यो ।

ललितपुरका लेफ्ट-ब्याक सञ्जितलाई प्रतियोगिताभर कसैले सहजै काट्न सकेन । ललितपुरका मुख्य प्रशिक्षक इयान एन्ड्रयु गिलान २३ वर्षीय सञ्जितको प्रशंसामा पटक पटक शब्द खर्चिए । उनको उपस्थितिले ललितपुरलाई पाँचवटा क्लिन सिट राख्न मद्दत गर्यो र सो प्रदर्शनले उनलाई प्रतियोगिताको उत्कृष्ट ११ मा स्थान दिलाएको छ ।

मिडफिल्डर:

सेसेहाङ आङ्देम्बे (ललितपुर सिटी एफसी)

ललितपुरका रक्षात्मक मिडफिल्डर सेसेहाङ आङ्देम्बेले प्रतियोगिताभर उत्कृष्ट प्रदर्शन गरेका थिए । विवेक पौडेलसँग साझेदारी गर्ने होस् वा उनको चोटपछि उनीविना मिडफिल्डको जिम्मेवारी सम्हाल्ने होस्, सेसेहाङले प्रतियोगिता अवधिभर विभिन्न भूमिकामा निपुणतापूर्वक प्रदर्शन गरे ।

प्रतियोगिता सुरु हुनुभन्दा ठीक अघि एक वर्षको अन्तरालको अन्त्य गर्दै उनको राष्ट्रिय टोली कल-अपले उनको आत्मविश्वासलाई स्पष्ट रूपमा बढाएको थियो । यो नयाँ आश्वासन प्रभावशाली प्रदर्शनमा परिणत भयो । तथ्यांकमा केहि नदेखिने पोजिसनमा खेल्दै सेसेहाङले उपाधि यात्रामा ललितपुरका लागि बलियो खम्बा थिए ।

 जो आइडु (पोखरा थन्डर्स)

वर्षको सुरुमा नेपाल पुलिस क्लबसँगको ए डिभिजन लिग यात्रमा आफ्नो उत्कृष्ट प्रदर्शनको निरन्तरता दिँदै जो आइडुले पोखराको एनएसएल अभियानमा प्लेअफ सम्मको यात्रामा निर्बाध रूपमा आफ्नो प्रभावशाली योगदान जारी राखे । उनको एक गोल र दुई असिस्ट बाहेक उनले पोखराको मिडफिल्डलाई सँगै राख्ने धारकको रूपमा अहम भूमिका निभाए ।

दोस्रो क्वालिफायरमा पोखरा पराजित नभएसम्म र टोलीको मिडफिल्ड गतिशीलतामा महत्त्वपूर्ण भूमिका खेल्दासम्म उनको प्रभाव प्रत्येक मिनेटमा प्रस्ट देखिन्थ्यो ।

सन्तोष खत्री (स्पोर्टिङ मेची डे इलाम एफसी)

इलाम अंक तालिकाको पुछारमा रहेपनि १९ वर्षीय सन्तोष खत्रीले मिडफिल्डमा गजबको प्रदर्शन गरे । क्लबले भित्र्याएका विदेशी मिडफिल्डर पर्याप्त समय पाउँदा पनि संघर्ष गर्दा सन्तोषले पाएको अवसरको भरपुर सदुपयोग गरे । पहिलो खेलमा बेन्चबाट मैदान प्रवेश गरेका उनले त्यसपछि फर्केर त्यहाँ जानु परेन ।

बक्स टु बक्स मिडफिल्डर उनको उपस्थितिले मेघराज केसीलाई विदेशी खेलाडी कमजोर हुँदा पनि केही राहत मिलेको थियो । आक्रमणमा मिडफिल्डबाट नै विपक्षी गोलरक्षकलाई तर्साउन सक्ने उनले मिडफिल्डमा विपक्षी खेलाडीलाई बल राख्ने समय बिरलै दिए । युवा सन्तोषको जुझारु खेलले हाम्रो उत्कृष्ट ११ मा स्थान बनाएको छ ।

फरवार्ड:

अहमद हिजाजी (धनगढी फुटबल क्लब)

ए डिभिजन लिगमा नेपाल पुलिस क्लबको कथा फेरेका हिजाजी धनगढीको आक्रमणमा आशाका केन्द्र थिए । पहिलो खेलमा बेन्चबाट मैदान छिरेर अंक दिलाएका उनले त्यसपछिका खेलमा पनि महत्त्वपूर्ण गोल र असिस्ट गरे ।

टोलीमा आर्मब्यान्ड नलगाएका कप्तान जस्तै खेलेका उनले सधैं विपक्षी डिफेन्सलाई तर्साइरहे । तथ्यांकनै हेर्दा पनि १० खेलमा ३ गोल र १ असिस्ट प्रदान गरेका उनी उत्कृष्ट-११ मा परेका छन् ।

मोसेस ग्याबाह ट्वम (पोखरा थन्डर्स)

मोसेस ट्वम पोखरा थन्डर्सको आक्रमणको केन्द्रविन्दु थिए । पोखरा दोस्रो क्वालिफायरबाट बाहिरिंदासम्म उनले प्रतियोगितामा पाँच गोल गरे । आफ्नो गोल-स्कोर गर्ने क्षमता बाहेक, उनले लगातार विपक्षी डिफेन्सको लागि खतराका रुपमा आफुलाई ढाल्न सफल भए ।

मोजेसले सक्रिय रूपमा टोलीका सहकर्मीहरुलाई खेलमा समावेश गराउने कार्य समेत गरे । मोसेसको बहुआयामिक योगदानले प्रतियोगिताभर पोखरा थन्डर्सको आक्रमणकारी उपस्थितिलाई आकार दिन महत्वपूर्ण भूमिका खेलेको थियो ।

इमोह इजिकिएल (ललितपुर सिटी एफसी)

ललितपुरका नाइजेरियन फरवार्ड इमोह इजिकिएलको बारेमा नेपाली फुटबल समर्थकले धेरै गुणगान गाइरहेका छन्  । टूर्नामेन्टको सबैभन्दा हाइ-प्रोफाइल खेलाडी उनले, विभिन्न युरोपियन टोली र लिगहरूमा खेलेको आफ्नो अघिल्लो अनुभवलाई प्रभावमा ल्याउदै ६ गोल गरेर र प्रतियोगिताको शीर्ष गोलकर्ताको रूपमा गोल्डेन बुट जितेर महत्त्वपूर्ण प्रभाव पारे ।

उनले गरेका ६ मध्य धनगढी एफसी विरुद्धको फाइनलमा उनको दुई गोल निर्णायक सावित भयो । आफ्नो गोल-स्कोर गर्ने क्षमताभन्दा बाहिर, इमोहले गति, बल र ड्रिब्लिङ क्षमताको संयोजनको साथ लगातार खतरा खडा गर्दै प्रतियोगिता अबधिभर महत्वपुर्ण छाप छाडेका छन् ।

February 23, 2024

झापा गोल्ड कपको मुख्य प्रायोजक यती ब्रुअरी

हिमाल खरेल, बिर्तामोड झापा गोल्ड कपको छैटौँ संस्करणका लागि मुख्य प्रायोजकसँग सम्झौता भएको छ । छैटौँ झापा गोल्ड कपलाई यती ब्रुअरीको उत्पादन अर्नाले गर्ने भएको छ । झापाको बिर्तामोडस्थित सहारा नेपाल साकोसको कन्फ्रेन्स हलमा शुक्रबार (आज) पत्रकार सम्मेलन गरेर मुख्य प्रायोजक अर्ना र झापा गोल्ड कपबीच सम्झौतामा हस्ताक्षर तथा आदान–प्रदान भएको हो । झापा गोल्ड […]

February 23, 2024

चाबहिल र एनआरटी फाइनलमा

सुशिल पन्त क्षेत्री ,भरतपुर चाबहिल भेट्रान ललितपुर र एनआरटी एफसी स्व दीलिप राणा स्मृति अन्तर्राष्ट्रिय आमन्त्रण फुटबल प्रतियोगिताको उपाधिका भिड्ने भएका छन् । शुक्रबार पहिलो सेमिफाइनलमा साविक विजेता फ्रिडम फाइटरलाई हराउँदै चाबहिल भेट्रानले फाइनलमा स्थान बनायो । प्रतिस्पर्धात्मक खेलमा चाबहिलले फ्रिडमलाई ३–२ ले निराश बनायो । त्यसअघि निर्धारित समय २–२ को बराबरीमा सकिएको थियो । […]

February 23, 2024

आयोजक केपी ओली एफसी विजयी

काठमाडौं (हाम्रो खेलकुद) – दोस्रो संस्करणको केपी ओली कप फुटबल प्रतियोगिताको उद्दघाटन खेलमा आयोजक केपी ओली एफसी विजयी भएको छ । राष्ट्रिय युवा संघले आयोजना गरेको प्रतियोगितामा एन्फा कम्प्लेक्समा भएको खेलमा केपी ओली एफसीले चर्च ब्वाइज युनाइटेड माथि ३-० को जित हात पारेको हो । खेलको सबै गोल दोस्रो हाफमा आएको थियो । खेलको पहिलो […]

Success

Thank you for your time.