default_image

2 months ago

January 11, 2024

आहा! रारा पोखरा गोल्ड कपमा खेल्ने १२ को नाम सार्वजनिक

पोखरा (हाम्रो खेलकुद)- आहा! रारा पोखरा गोल्ड कप फुटबल प्रतियोगितामा यस पटक १२ टोली प्रतिस्पर्धा गर्ने भएका छन्। माघ ९ गते सुरु हुने २३ औं आहा! राराका लागि आयोजनक सहारा क्लब पोखराले बिहीबार पत्रकार सम्मेलन गर्दै सहभागी १२ टोलीको नाम सार्वजनिक गरेको छ । जसमा साविक विजेता टोली संकटा क्लब सहित ८ ए डिभिजन टोली, […]

2819 views

0 Bookmark

पोखरा (हाम्रो खेलकुद)- आहा! रारा पोखरा गोल्ड कप फुटबल प्रतियोगितामा यस पटक १२ टोली प्रतिस्पर्धा गर्ने भएका छन्।

माघ ९ गते सुरु हुने २३ औं आहा! राराका लागि आयोजनक सहारा क्लब पोखराले बिहीबार पत्रकार सम्मेलन गर्दै सहभागी १२ टोलीको नाम सार्वजनिक गरेको छ ।

जसमा साविक विजेता टोली संकटा क्लब सहित ८ ए डिभिजन टोली, आयोजक टोली, एक मोफसलको टोली र दुई विदेशी टोलीले यसपटक उपाधिका लागि खेल्ने छन् ।

संकटा सहित नेपाल पुलिस क्लब, त्रिभुवन आर्मी फुटबल क्लब, मछिन्द्र फुटबल क्लब, चर्च ब्वाइज युनाइटेड फुटबल क्लब, थ्री स्टार क्लब, मनाङ मर्स्याङ्दी क्लब र जावलाखेल युथ क्लब गरि ८ ए डिभिजन टोली छन् ।

त्यस्तै नवलपरासीको राइजिङ स्टार फुटबल क्लब, भारतीय आई-लिगको टोली दिल्ली फुटबल क्लब, भुटानी लिग विजेता पारो फुटबल क्लब र आयोजक सहारा फुटबल क्लब यसपटक खेल्ने सहाराका महासचिव रामजीप्रसाद अधिकारीले‌ जानकारी दिए ।

गत वर्ष फाइनलमा अमेरिकाको भुटनिज युथ स्पोर्ट्सलाई‌ हराउँदै संकटाले उपाधि जितेको थियो। त्यति बेला विजेताले १२ लाख र दोस्रो हुने टोलीले ६ लाख रुपैयाँ प्राप्त गरेको थियो |

प्रतियोगितालाई पहिलो संस्करण देखि नै हिमश्री फुड्स प्रा. लि. को उत्पादन आहा तथा रारा तयारी चाउचाउले मुख्य प्रायोजन गर्दै आएको छ ।

पोखरा महानगरपालिकाको प्रवर्द्धन रहेको प्रतियोगितामा राष्ट्रिय खेलकुद परिषद, प्रदेश खेलकुद परिषद गण्डकी, अखिल नेपाल फुटबल संघ, जिल्ला खेलकुद विकास समिति कास्की र प्रदेश फुटबल संघ गण्डकी, जिल्ला फुटबल संघ कास्की, सहारा यु.के., सहारा क्लब हङकङ, सहारा क्लब अस्ट्रेलिया र सहारा क्लब हंङकंङका सल्लाहकार एंव कानुन व्यवसायी देव गुरुङ बिशेष सहयोग रहेको बताइएको छ।

प्रतियोगिताको अफिसियल बैंक- लुम्बिनी विकास बैंक, अफिसियल एयरलाइन्स -बुद्ध एयर रहँदै आएका छन् । उत्कृष्ट ५ विधाको पुरस्कार सुर्य बहादुर के.सी.को स्मृतिमा प्राजोजन गरिएको छ ।

राष्ट्रिय सर्वोत्कृष्ट वर्ष खेलाडी पुरस्कार सहारा क्लबका मानार्थ सदस्य खेम बहादुर गुरुङले प्रायोजन गरेका छन् । यस्तै म्यान अफ द म्याच ट्रफी, नगद र मेडलहरु सहारा यु. के. द्वारा सौजन्य हुने प्रतियोगितामा डेढ करोड रुपैयाँ खर्च हुने आयोजकको अनुमान छ ।

२३ वर्ष देखि निरन्तर सञ्चालन भएको प्रतियोगितामा वचत हुने रकम सूर्य बहादुर के. सी. स्मृति सहारा फुटबल एकेडेमीमा खर्च गरिने क्लबले जनाएको छ ।

February 25, 2024

बार्सिलोनाको सानदार जित

एजेन्सी – स्पेनिश क्लब बार्सिलोनाको गएराती सम्पन्न लालिगा अन्तर्गतको खेलमा सानदार जित हात पारेको छ । बार्सिलोनाले गेटाफे माथि ४-० को फराकिलो जित निकालेको हो । धेरै समयपछि खेलमा उत्कृष्ट प्रदर्शन गरेको बार्सिलोनाले चार गोल गर्न पुग्यो । खेलको २०औं मिनेटमा राफिन्हाले गोल गर्दै खेलमा बार्सिलोनालाई अग्रता दिलाएका थिए । जुल्स कुन्डेले आफ्नै हाफबाट खेलेको […]

February 25, 2024

म्यानचेस्टर सिटी र आर्सनलको‌ जित

एजेन्सी – इंग्लिस प्रिमियर लिगमा उपाधि दौडमा रहेका म्यानचेस्टर सिटी र आर्सनल शनिबार विजयी भएका छन् । सिटीले फिल फोडेनको गोलमा बर्नमाउथलाई १-० ले पराजित गरेको छ । उनले २४ औं मिनेटमा गोल गरे । आर्सनलले न्युकासल युनाइटेडलाई ४-१ ले पराजित गर्यो । स्भेन बुटमनले १८औं मिनेटमा आत्मघाती गोल गरेपछि आर्सनलले अग्रता लियो। काइ हाभार्टले […]

February 25, 2024

नेपाल समूह विजेता बन्दै सेमिफाइनलमा

काठमाडौं (हाम्रो खेलकुद) – नेपाली राष्ट्रिय महिला फुटबल टोली समूह विजेता बन्दै वाफ महिला च्याम्पियनसिप २०२४ को सेमिफाइनलमा प्रवेश गरेको छ । शनिबार समूह चरणको अन्तिम खेलमा प्यालेस्टाइनलाई ४-० को फराकिलो अन्तरले पराजित गर्दै नेपालले समूहको शीर्षस्थानमा रहेर अन्तिम चारको यात्रा पक्का गरेको हो । नेपाल लगातार तेस्रो जितका साथ ९ अंक जोड्दै शीर्षस्थानमा रह्यो […]

Success

Thank you for your time.