default_image

1 month ago

January 14, 2024

एन्फा अपिल कमिटीमा एपिएफको उजुरी

काठमाडौं (हाम्रो खेलकुद)- सहिद स्मारक ए डिभिजन टोली थ्री स्टार क्लबका विषयमा अखिल नेपाल फुटबल संघ (एन्फा) को अनुशासन समितिले गरेको निर्णयकाविरुद्ध एपिएफ फुटबल क्लबले एन्फा कै अपिल कमिटीमा आइतबार उजुरी दिने भएको छ । गत जेठमा सहिद स्मारक ए डिभिजन लिगको खेलका दौरान जेठ २८ गते दशरथ रंगशाालामा जावलाखेल युथ क्लबविरुद्धको खेलमा थ्री स्टारबाट […]

869 views

0 Bookmark

काठमाडौं (हाम्रो खेलकुद)- सहिद स्मारक ए डिभिजन टोली थ्री स्टार क्लबका विषयमा अखिल नेपाल फुटबल संघ (एन्फा) को अनुशासन समितिले गरेको निर्णयकाविरुद्ध एपिएफ फुटबल क्लबले एन्फा कै अपिल कमिटीमा आइतबार उजुरी दिने भएको छ ।

गत जेठमा सहिद स्मारक ए डिभिजन लिगको खेलका दौरान जेठ २८ गते दशरथ रंगशाालामा जावलाखेल युथ क्लबविरुद्धको खेलमा थ्री स्टारबाट दुई विदेशी खेलाडीले विना भिसा खेलेको प्रमाणित भएपछि त्यस विषयमा जरिवाना मात्र गर्ने एन्फाको अनुशासन समितिको निर्णयविरुद्ध एपिएफ अपिल कमिटी पुगेको हो । एपिएफकै उजुरीमा अनुशासन समितिले छानविन प्रक्रिया अघि बढाएको थियो ।

अनुशासन समितिको पुस १५ गते बसकेको बैठकले थ्री स्टार र ती दुई विदेशी खेलाडी अजयी मार्टिन्स र पिटर सेगुनलाई श्रम स्वीकृती भएपनि विना भिसा खेलेको खेलाएको भन्दै जरिवाना गर्ने निर्णय गरेको बताइएको थियो ।

एन्फाका महासचिव किरण राईले पुस १९ गते एपिएफलाई पठाएको पत्रमा एन्फाको विधान त्यसको अधिनमा बनेको सहिद स्मारक ए डिभिजन लिग फुटबको नियमावली समेतको व्यवस्थाका आधारमा मार्टिन्स र सेगुनले आफ्नो दायित्व पूरा नगरेको भन्दै जनही ५० हजार रुपैयाँ जरिवाना गराउने कारवाही भएको जानकारी गराएका थिए ।

सोही पत्रमा त्यस्तै विना भिसा तथा विना श्रम स्वीकृति खेलाडीहरू सहभागी गराउने थ्री स्टार क्लबले पनि आफ्नो दायित्व पूरा नगरेको पाइएकाले विधान बमोजिम ३ लाख रुपैयाँ जरिवाना गर्ने निर्णय गरेको जनाइएको थियो। सो निर्णय प्रति असन्तुष्ट रहेकाे एपिएफले अपिल कमिटीमा उजुरी दर्ता गराएको हो ।

संघको अनुशासन समितिले कानुन बमोजिम अयोग्य दुबै विदेशी खेलाडीहरु र थ्री स्टार क्लबलाई नगद मात्र जरिवाना गराइएको पाइएको हुँदा फिफा डिसिपिलिनरी कोड २०२३ संस्करणको‌ १९औं बुँदाको नं. १ र २ बमोजिम र २८औं बुँदाको नं. १ बमोजिम साथै एएफसी डिसिपिलिनरी एण्ड इथिक्स कोड २०१९ संस्करणको बुँदा ५६ को १, २ र ३ बमोजिम प्रतियोगितामा खेलाइएको उक्त खेललाई नै रद्द गराई दोषी टिमले प्राप्त गरेको अंक घटाउनु पर्नेमा सो नगरि जरिवाना मात्र गरिएकोले यस क्लबलाई गम्भिर मर्का पर्न गएको हुँदा पूर्ण रुपमा नियमको पालना गरिदिन हुन अपिल गर्दछौं,’ एपिएफले बुझाएको उजुरी पत्रमा भनिएको छ।

ए डिभिजन लिगको विद्यमान नतिजा समेत संशोधन गरी
प्रतिष्ठित र गरिमामय लिग प्रतियोगितामा खेलप्रेमी र दर्शकहरुको पनि गम्भिर चासो र सरोकार रहेको‌ उल्लेख गर्दै एपिएफले पत्रमा सम्बन्धित सम्पूर्णका लागि उक्त संशोधित नतिजा पुनः प्रकाशन गरिदिन अपिल गरेको छ।

सोही बिषय यसअघि सम्बन्धमा पटक-पटक पत्राचारहरु गरेको स्मरण गराउँदै एपिएफले अगाडि भनेको छ, ‘विद्यमान राष्ट्रिय तथा अन्तर्राष्ट्रिय कानून र प्रतियोगिता सञ्चालन सम्बन्धि नियमावलीको मर्म विपरित खेलाइएको उक्त खेलमा एन्फाबाट उक्त क्लब तथा खेलाडीलाई जरिवाना मात्र गरिएको भन्ने जानकारी पत्र प्राप्त भएको हुँदा फिफा र एएफसीमा उल्लेख भए अनुरुपको कारवाही नभएका कारण ए डिभिजनको श्रेणीमा एपिएफ फुटबल क्लबलाई गम्भिर मर्का पर्न गएको हुँदा सो सम्बन्धमा नियमानुसार यथोचित सम्बोधन गरि सो को जानकारी यथाशक्य चाँडो दिन हुन समेत अपिल गर्दछौं ।’

एपिएफले फिफा, एएफसी, युवा तथा खेलकुद मन्त्री, खेलकुद सचिव, राष्ट्रिय खेलकुद परिषदका सदस्यसचिव , एन्फा अध्यक्ष र महासचिव, ए डिभिजन लिग संयोजक र म्याच कमिस्नर , एन्फा अनुशासन समितिको‌ अध्यक्ष र लिगको इन्टिग्रिटी कमिटीलाई‌ उजुरीको बोधार्थ पठाउने भएको छ ।

जावालखेलविरुद्ध १–० को जितपछि थ्री स्टारको ए डिभिजन हैसियत जोगिएको थियो भने एपिएफ बी डिभिजनमा घटुवा भएको थियो । थ्री स्टारले गैरकानुनी रुपमा खेलाडी खेलाएका कारण त्यो खेलको नतिजामा पनि कारवाही स्वरुप थ्री स्टारलाई ३–० ले हारेको निर्णय गर्नुपर्ने एपिएफले माग दाबी गर्दै आएको थियो ।

‘थ्री स्टारले गल्ती गरेको एन्फाको अनुशासन समितिले स्वीकार गरेको छ । तर कारवाही भने आधा मात्र भएको छ ,’ एपिएफ फुटबल कोषाध्यक्ष विजय केसीले भने, ‘निर्णय अधुरो भएकोेले हामीलाई मर्का परेको छ । न्यायका लागि हामी त्यो निर्णयको विरुद्धमा एन्फाकै अपिल कमिटीमा गएका हौं । कमिटीबाट हामीले न्यायको आशा गरेका छौं।

February 28, 2024

प्रितीको विजयी गोल फिजियो नविनालाई समर्पण

काठमाडौं (हाम्रो खेलकुद) – स्टार मिडफिल्डर प्रिती राईले वाफ च्याम्पियनसिप २०२४ को सेमिफाइनलमा गरेको विजयी गोल फिजियोथेरापिस्ट नविना श्रेष्ठ वैद्यलाई समर्पित गरेकी छिन् । लेवनानविरुद्ध दोस्रो हाफको इन्ज्युरी समयमा प्रितीले पेनाल्टी क्षेत्र बाहिरबाट सानदार गोल गर्दै नेपालको २-१ को जित पक्का गरेकी थिइन् । उनकै गोलमा नेपालले फाइनलमा स्थान बनाएको थियो । खेलपछि बोल्दै प्रितीले […]

February 28, 2024

साम्बाले फाइनल खेल्ने अन्यौलमा!

काठमाडौं (हाम्रो खेलकुद) – नेपाली महिला राष्ट्रिय टोलीले वाफ च्याम्पियनसिप २०२४ को फाइनलमा स्थान बनाउँदा स्टार फरवार्ड सावित्रा भण्डारी साम्बाले खेल्ने-नखेल्ने अन्यौल रहेको छ । नेपालले मंगलबार सम्पन्न सेमिफाइनलमा लेवनानलाई २-१ ले पराजित गर्दै फाइनलमा स्थान बनाएको हो । उक्त खेलमा नेपालका लागि बराबरी गोल समेत गरेकी साम्बा फाइनलमा भने अनुपस्थित रहने सम्भावना छ । […]

February 28, 2024

अन्तिम समयमा प्रितीको गोलसँगै नेपाल फाइनलमा

काठमाडौं (हाम्रो खेलकुद) – इन्ज्युरी समयमा प्रिती राईले उत्कृष्ट गोलसँगै नेपाल लेबनान विरुद्ध पुनरागमन जित दर्ता गर्दै पश्चिम एसियाली फुटबल एसोसिएसन (वाफ) महिला च्याम्पियनसिपको फाइनल प्रवेश गरेको छ । साउदी अरेबियामा जारी प्रतियोगितामा मंगलबार पहिलो हाफमा १-० ले पछि परेको अवस्था उल्ट्याउँदै नेपालले प्रितीको गोलमा २-१ को नाटकीय जित दर्ता गरेको हो । खेल १-१ […]

Success

Thank you for your time.