default_image

4 weeks ago

January 28, 2024

जाभीले बार्सिलोना छाड्ने

एजेन्सी – क्याटलान क्लब बार्सिलोनाका मुख्य प्रशिक्षक जाभी हर्नान्डेजले क्लब छाड्ने घोषणा गरेका छन् । लगातारको खराव प्रदर्शनसँगै जाभीले सिजनको अन्त्यसँगै क्लब छाड्ने घोषणा गरेका हुन् । ला लिगा अन्तरगत शनिबार राति घरेलु मैदानमा भिल्ला रियलसँग ५–३ ले पराजित भएसँगै जाभीले क्लब छाड्ने मनासय बनाएका हुन् । पराजित भएको पछिल्ला ३ खेलमा बार्सिलोनाले चार गोल […]

499 views

0 Bookmark

एजेन्सी – क्याटलान क्लब बार्सिलोनाका मुख्य प्रशिक्षक जाभी हर्नान्डेजले क्लब छाड्ने घोषणा गरेका छन् । लगातारको खराव प्रदर्शनसँगै जाभीले सिजनको अन्त्यसँगै क्लब छाड्ने घोषणा गरेका हुन् ।

ला लिगा अन्तरगत शनिबार राति घरेलु मैदानमा भिल्ला रियलसँग ५–३ ले पराजित भएसँगै जाभीले क्लब छाड्ने मनासय बनाएका हुन् । पराजित भएको पछिल्ला ३ खेलमा बार्सिलोनाले चार गोल खाएको छ ।

बार्सिलोना र स्पेनका पूर्व मिडफिल्डर जाभीले नोभेम्बर २०२१ मा कतारी क्लब अल साद छाडेर बार्सिलोनाको मुख्य प्रशिक्षकको जिम्मेवारी लिएका थिए ।

उनले २०२२–२३ मा आफ्नो पहिलो सिजनमा बार्सिलोनालाई ला लिगाको उपाधि दिलाएका थिए । तर, यो सिजन बार्सिलोना शीर्षस्थानको रियल म्याड्रिडसँग १० तथा दोस्रो स्थानको जिरोनासँग ८ अंकले पछि परिसकेको छ ।

‘म क्लबको मान्छे हुँ । मैले यसलाई आफूभन्दा माथि प्राथमिकतामा राखेको छु । मैले आफूसँग भएका सबै कुरा दिए ।’ जाभीले भने, ‘र म फ्समर्थकहरूलाई गर्व महसुस गराउन त्यसो गरिरहनेछु ।’

सन् २०१० को विश्वकप विजेता जाभीले बार्सिलोनाका अध्यक्ष जोन लापोर्टा, उपाध्यक्ष राफा युस्टे र खेल निर्देशक डेकोसँगको छलफलपछि यो निर्णय गरेको बताएका छन् । बार्सिलोनामा उत्कृष्ट खेल करिअरमा २५ उपाधि र अवार्ड जितेका ४४ वर्षीयाले जाभीले आफ्नो सम्झौताको एक वर्ष बाँकी रहेपनि जुन ३० मा औपचारिक रूपमा राजीनामा दिनेछन् ।

‘मलाई लाग्छ कि क्लबलाई गतिशील परिवर्तन चाहिन्छ । खेलाडीहरूले आफूलाई मुक्त गर्नेछन् । हामी धेरै तनावका साथ खेल्छौं ।’ जाभीले भने, ‘बोर्डको भलाईको लागि, मैले छोड्नु राम्रो हो । म मेरो राम्रो दिनेछु ।’

यस महिना स्पेनिस सुपर कपको फाइनलमा प्रतिद्वन्द्वी रियल म्याड्रिडसँग ४–१ को हारपछि जाभीले आफ्ना खेलाडीहरूले आफूमाथि विश्वास गुमाएमा आफूले क्लब छाड्ने बताएका थिए ।

रियलसँगको हारपछि बार्सिलोनाले लगातार दुई जित निकालेको थियो । तर, बुधबार एथलेटिको बिल्बाओसँग ४–२ ले पराजित भएर कोपा डेल रेबाट बाहिरियो । त्यसपछि भिल्लारियलसँग ५–३ ले पराजित भएसँगै बार्सिलोनाको ला लिगा उपाधि दौड कमजोर बनेको छ ।

जाभीले यो सिजन बार्सिलोनाले च्याम्पियन्स लिग जितेपनि आँफु क्लबमा नरहने बताएका छन् । बार्सिलोनाले अर्काे महिना च्याम्पियन्स लिगको अन्तिम १६ मा इटालियन क्लब नेपोलीसँग खेल्दैछ ।

‘मैले च्याम्पियन्स लिग जितेपनि म आफ्नो निर्णय बदल्ने छैन । म भोलि खेलाडीहरूलाई भन्नेछु । म सबैभन्दा जिम्मेवार हुँ, त्यसैले खेलाडीहरूले अब स्वतन्त्र महसुस गर्नेछन् ।’ उनले थपे ।

February 22, 2024

लिभरपुलको सानदार जित

एजेन्सी- लिभरपुलले इंग्लिस प्रिमियर लिगमा विजयी भएको छ। लिभरपुलले बुधबार लुटन टाउनलाई ४–१ गोलले हराएको हो । लिभरपुलका लागि भर्जिल भान डाइक, कोडी गाक्पो, लुइस डियाज र हार्भे इलियटले गोल गरे । खेलमा अग्रता भने लुटनले‌ लिएको थियो। चियोडोजी ओग्बेनेले १२औं मिनेटमा गोल गरेका थिए। भान डाइकले ५६ औं मिनेटमा बराबरी गोल फर्काएका थिए। गाक्पोले ५८औं […]

February 22, 2024

बार्सिलोना बराबरीमा‌ रोकियो

एजेन्सी- बार्सिलोना च्याम्पियन्स लिगको अन्तिम १६ को पहिलो लेगमा बराबरी रोकिएको छ। बुधबार बार्सिलोना र नेपोलीले १–१ को बराबरी खेलेका हुन् । नेपल्समा भएको खेलमा बार्सिलोनाले रोबर्ट लेवान्डोस्कीको गोलमा ७० औं अग्रता लिएको थियो । त्यसपछि ५ मिनेटपछि नेपोलीका लागि भिक्टर ओसिमहेनले बराबरी गोल फर्काएका थिए । अर्को अन्तिम १६ को पहिलो पोर्टोले आर्सनललाई १-० ले हराएको […]

February 22, 2024

पोर्टोसँग आर्सनलको हार

एजेन्सी- इंग्लिस प्रिमियर लिग टोली आर्सनल च्याम्पियन्स लिगको अन्तिम १६ को पहिलो लेगमा पराजित भएको छ। बुधबार पोर्टोले आर्सनललाई १-० ले हराएको हो ।इन्ज्युरी समयको चौथो मिनेटमा गालेनोले गोल गरेपछि पोर्टोको जित सम्भाव भएको हो । अन्तिम समयमा सम्हालिन नसक्दा आर्सनलले हार बेहोरेको छ। बराबरीतर्फ उन्मुख खेलमा ब्राजिलियन खेलाडीले उत्कृष्ट गोल गरेका हुन् । खेलमा दबाब […]

Success

Thank you for your time.