default_image

4 weeks ago

January 29, 2024

मनाङलाई सडन डेथमा हराउँदै जावलाखेल सेमिफाइनलमा

पोखरा (हाम्रो खेलकुद)- जावलाखेल युथ क्लब आहा! रारा पोखरा गोल्डकपको सेमिफाइनलमा पुगेको छ।ए डिभिजन प्रतिद्वन्द्वी मनाङ मस्र्याङ्दी क्लबलाई सोमबार सडन डेथमा हराउँदै जावलाखेल अन्तिम चारमा पुगेको हो। पोखरा रंगशालामा निर्धारित र अतिरिक्त समय १-१ को तथा टाइब्रेकरमा‌ ४-४ को बराबरी भएपछि सडन डेथमा जावलाखेल बाजी मारेको हो । दुवै टोलीका ९ खेलाडीले पेनाल्टी हान्दा जावलाखेल […]

1417 views

0 Bookmark

पोखरा (हाम्रो खेलकुद)- जावलाखेल युथ क्लब आहा! रारा पोखरा गोल्डकपको सेमिफाइनलमा पुगेको छ।
ए डिभिजन प्रतिद्वन्द्वी मनाङ मस्र्याङ्दी क्लबलाई सोमबार सडन डेथमा हराउँदै जावलाखेल अन्तिम चारमा पुगेको हो।

पोखरा रंगशालामा निर्धारित र अतिरिक्त समय १-१ को तथा टाइब्रेकरमा‌ ४-४ को बराबरी भएपछि सडन डेथमा जावलाखेल बाजी मारेको हो । दुवै टोलीका ९ खेलाडीले पेनाल्टी हान्दा जावलाखेल सडन डेथमा ७-६ ले विजयी भयो ।

जावलाखेलका‌ गोलकिपर युनेश चौधरीले मनाङका लागि नवौं पेनाल्टी हानेका रन्दिप पौडेलको पेनाल्टी रोक्दै टोलीलाई‌ सेमिफाइनल पुर्याएका हुन् । टाइब्रेकरकै लागि जावलाखेलले अनिश देवलाको ठाउँमा दिनेशलाई पठाएको थियो।

निर्धारित समयमा जावलाखेलले हिसुब थपलियाको गोलबाट अग्रता लिएको थियो । ५५ औं मिनेटमा हिसुबले सुदिप श्रेष्ठको पासमा ले दिएको गोल गरेका हुन् । पहिलो खेलमा पनि उनकै गोलमा अर्को ए डिभिजन टोली मछिन्द्र एफसीलाई १-० ले हराउँदै जावलाखेल क्वाटरफाइनलमा पुगेको थियो ।

मनाङले अन्तिम समयमा बराबरी गोल फर्काएको थियो । ८९ औं मिनेटमा राजेश परियारले बराबरी गोल गरेका थिए । बक्समा क्रस गरेको बल सिधै गोलमा परिणत भयो । त्यहि गोलले खेल अतिरिक्त समयमा‌ गएको थियो।

जावलाखेलले अब सेमिफाइनलमा अर्को ए डिभिजन टोली थ्री स्टार क्लबको‌ सामना गर्नेछ । थ्री स्टार र त्रिभुवन आर्मी फुटबल क्लब यसअघि नै सेमिफाइनलमा पुगिसकेका छन् ।

सहारा क्लब पोखराको आयोजनामा जारी प्रतियोगिताको चौथो तथा अन्तिम क्वाटरफाइनलमा मंगलबार दुई ए डिभिजन टोली विजेता चर्च ब्वाइज युनाइटेड क्लब र नेपाल पुलिस क्लबबीच हुनेछ ।

आहा रारा गोल्डकपको २३ औं संस्करणको विजेताले उपाधिसहित १२ लाख १ हजार र दोस्रो हुने टोलीले ६ लाख १ हजार रुपैयाँ प्राप्त गर्नेछ ।

February 23, 2024

झापा गोल्ड कपको मुख्य प्रायोजक यती ब्रुअरी

हिमाल खरेल, बिर्तामोड झापा गोल्ड कपको छैटौँ संस्करणका लागि मुख्य प्रायोजकसँग सम्झौता भएको छ । छैटौँ झापा गोल्ड कपलाई यती ब्रुअरीको उत्पादन अर्नाले गर्ने भएको छ । झापाको बिर्तामोडस्थित सहारा नेपाल साकोसको कन्फ्रेन्स हलमा शुक्रबार (आज) पत्रकार सम्मेलन गरेर मुख्य प्रायोजक अर्ना र झापा गोल्ड कपबीच सम्झौतामा हस्ताक्षर तथा आदान–प्रदान भएको हो । झापा गोल्ड […]

February 23, 2024

चाबहिल र एनआरटी फाइनलमा

सुशिल पन्त क्षेत्री ,भरतपुर चाबहिल भेट्रान ललितपुर र एनआरटी एफसी स्व दीलिप राणा स्मृति अन्तर्राष्ट्रिय आमन्त्रण फुटबल प्रतियोगिताको उपाधिका भिड्ने भएका छन् । शुक्रबार पहिलो सेमिफाइनलमा साविक विजेता फ्रिडम फाइटरलाई हराउँदै चाबहिल भेट्रानले फाइनलमा स्थान बनायो । प्रतिस्पर्धात्मक खेलमा चाबहिलले फ्रिडमलाई ३–२ ले निराश बनायो । त्यसअघि निर्धारित समय २–२ को बराबरीमा सकिएको थियो । […]

February 23, 2024

आयोजक केपी ओली एफसी विजयी

काठमाडौं (हाम्रो खेलकुद) – दोस्रो संस्करणको केपी ओली कप फुटबल प्रतियोगिताको उद्दघाटन खेलमा आयोजक केपी ओली एफसी विजयी भएको छ । राष्ट्रिय युवा संघले आयोजना गरेको प्रतियोगितामा एन्फा कम्प्लेक्समा भएको खेलमा केपी ओली एफसीले चर्च ब्वाइज युनाइटेड माथि ३-० को जित हात पारेको हो । खेलको सबै गोल दोस्रो हाफमा आएको थियो । खेलको पहिलो […]

Success

Thank you for your time.